Rhaglen Adfywio Adnewyddu Tai

Cymorth Gwelliant Cartref ac Eiddo 

Os ydych yn ystyried gwella safon eich cartref neu eiddo yr ydych yn berchen arni, efallai y gallwch gael cyngor neu gymorth ariannol i’ch helpu i wneud hyn.

Cynllun Houseproud

Benthyciadau gwelliannau i gartref/eiddo

Benthyciadau Gwella Eiddo
Benthyciadau Eiddo Gwag
Benthyciadau gwelliannau i eiddo masnachol
Benthyciadau gwella canol y dref

Addasiadau Tai 

Grantiau Mân addasiadau neu gyfleusterau anabl
Gall y rhai hynny sydd ag anabledd, salwch sydd yn cyfyngu ar fywyd, o bob oedran fod yn gymwys am gymorth i’w helpu tuag at addasu eu cartref, fel ei fod yn addas ar gyfer eu hanghenion.

Cyllid Cartrefi Cynnes ar gyfer gwres canolog

Mae Rhentu Doeth Cymru wedi llwyddo i gael cyllid Cartrefi Cynnes i roi help llaw i landlordiaid a thenantiaid osod gwres canolog mewn eiddo rhent (boeler nwy, rheiddiaduron a'r gwaith cysylltiedig). Mae’r cyllid yn rhan o’r trefniant ariannu  Rhwymedigaeth Cwmnïau Ynni (ECO 3): Cynllun Helpu i Wresogi – cymhwyster hyblyg - menter effeithlonrwydd ynni wedi’i dylunio i leihau allyriadau ynni ar yr un pryd a mynd i’r afael â thlodi tanwydd.

Ydw i’n gymwys?

Am ragor o wybodaeth am gymhwyster a sut i wneud cais ewch i wefan Rhentu Doeth Cymru (dolen gyswllt allanol).

Grantiau gwella adeiladu eraill sydd ar gael

Cynllun Cymhelliant Gwres Adnewyddadwy (dolen gyswllt allanol)
Mae’r cynllun Cymhelliad Gwres Adnewyddadwy Llywodraeth Y DU yn golygu y gallwch gael taliadau arian bob chwarter dros saith mlynedd os ydych yn gosod (neu wedi gosod) technoleg gwresogi adnewyddadwy cymwys.
Cynllun Nyth (dolen gyswllt allanol)

Mae cynllun tlodi tanwydd Llywodraeth Cymru yn cynnig gwelliannau effeithlonrwydd ynni’r cartref am ddim os ydych yn ymgeisydd cymwys sy’n byw mewn eiddo aneffeithlon o ran ynni (yn berchen arno neu’n ei rentu’n breifat) a bod rhywun yn eich aelwyd yn derbyn budd-dal sy'n dibynnu ar brawf modd, neu â chyflyrau iechyd penodol.

Grant adeiladau hanesyddol Cadw (dolen gyswllt allanol)
Mae Cadw yn cynnig grantiau tuag at y gost o atgyweirio ac adfer asedau cymunedol hanesyddol, megis neuaddau pentref/cymuned, sefydliadau, llyfrgelloedd ac addoldai sydd ar agor i'w defnyddio gan y gymuned ehangach.