• Rhaid i'r eiddo fod wedi ei leoli yn Sir Wrecsam sy’n talu Treth Gyngor i Gyngor Bwrdeistref Sirol Wrecsam.
• Gall perchennog/perchnogion cyfreithiol fod y landlord/landlordiaid neu’n berchennog/feddiannydd/feddianwyr yr eiddo, a rhaid i'r teitl fod wedi ei gofrestru'n llawn yn y Gofrestrfa Tir.
• Y gymhareb benthyciad i werth uchaf yw 80% (mae hyn yn golygu na ddylai unrhyw fenthyca presennol sydd wedi'i warantu yn erbyn yr eiddo ar ffurf morgais neu fenthyciad, ynghyd â benthyciad newydd drwy'r cynllun hwn, fod yn fwy nag 80% o werth marchnad cyfredol yr eiddo).
• Ac eithrio atgyweiriadau adeileddol, rhaid i'r gwaith arfaethedig gysylltu'n uniongyrchol â gwelliant perfformiad ynni.
• Mewn achosion o angen brys, efallai y bydd swm benthyciad mwy ar gael (wrth ddangos tystiolaeth o angen brys, rhaid i'r gwaith gysylltu ag iechyd a diogelwch deiliaid yr eiddo, mynd i'r afael â pherygl, neu gadernid adeileddol yr adeilad).
• Rhaid i unrhyw ganiatâd cynllunio angenrheidiol, hysbysiadau rheoleiddio adeiladu neu ganiatâd cadwraeth fod ar waith a darparu tystiolaeth ysgrifenedig fel rhan o'r broses ymgeisio am fenthyciad.

Ni fydd ceisiadau am fenthyciadau gan unrhyw ymgeisydd/ymgeiswyr y mae arnynt ddyled i ni (megis, ond heb fod yn gyfyngedig i: Hysbysiadau Tâl Cosb, ôl-ddyledion y Dreth Gyngor neu ôl-ddyledion rhent) yn cael eu hystyried.

• Mae’r benthyciadau yn ddi-log, ar yr amod eu bod yn cael eu had-dalu'n llawn o fewn y cyfnod ad-dalu’r benthyciad y cytunwyd arno.
• Mae benthyciadau yn ddarostyngedig i ffi drefnu.  Mae'r ffi yn cael ei phennu gan y swm y mae ymgeisydd yn dymuno cael ei fenthyg. Gallwn ddarparu dyfynbris ffioedd ar ôl i chi gyflwyno ffurflen datganiad o ddiddordeb.
• Ni ellir ad-dalu £100 cyntaf ffi'r benthyciad
• Mae'r balans ffioedd yn daladwy ar ôl cymeradwyo'r benthyciad a chyn i unrhyw gytundebau cyfreithiol gael eu llunio.
• Rhaid talu anfonebau ffioedd ar unwaith ar ôl eu derbyn; gall methu â thalu arwain at wrthod cais am fenthyciad neu dynnu cynnig am fenthyciad yn ôl.

Rhaid i ddarpar ymgeiswyr ofyn yn gyntaf i fynegi diddordeb yn ffurfiol yn y cynllun – yn amodol ar wiriadau cymhwysedd cychwynnol, byddech wedyn yn cael eich gwahodd i gyflwyno cais llawn.

Datganiadau o Ddiddordeb  

E-bostiwch loans@wrexham.gov.uk i ofyn am ffurflen datganiad o ddiddordeb.

Yn ystod cyfnodau o ddiddordeb mawr, rydym yn cadw'r hawl i oedi'r cynllun benthyciadau i ddatganiadau newydd o ddiddordeb tra bod swyddogion yn ymdrin â'r ceisiadau sydd eisoes yn y system.  Bydd unrhyw ddiddordeb newydd pan fydd y cynllun wedi’i oedi yn cael ei gofnodi ar restr aros, ac yn cael ei drin yn nhrefn y dyddiad pan fydd y cynllun yn ailagor.

Ceisiadau llawn

Dim ond ar ôl i ddatganiad o ddiddordeb gael ei gymeradwyo y byddwch yn cael eich gwahodd i gyflwyno cais llawn.

Bydd angen darparu dogfennau ategol ar gyfer cais llawn, gan gynnwys heb gyfyngiad: dulliau adnabod, prawf o gyfeiriad, cyfriflenni banc, datganiad morgais, prawf o yswiriant adeilad, dyfynbrisiau ar gyfer y gwaith arfaethedig.

Os na ellir gwireddu'r gost o ddychwelyd eiddo i ddefnydd preswyl drwy gyllid benthyciad gwella i gartref yn unig, bydd angen tystiolaeth o arian ar gyfer balans cost y gwaith fel rhan o'r broses ymgeisio.