Canllawiau am le i ddod o hyd i adnoddau data ac ymchwil am Fwrdeistref Sirol Wrecsam.
Llesiant Cymru: Dangosyddion Cenedlaethol
Mae Dangosyddion Cenedlaethol Llesiant Cymru yn helpu i ddangos cynnydd Cymru yn erbyn y nodau lles cenedlaethol fel a nodir yn Neddf Llesiant Cenedlaethau’r Dyfodol (dolen gyswllt allanol).
Bwrdd Gwasanaethau Cyhoeddus Wrecsam
Asesiad o Lesiant a Chynllun Llesiant
Cyhoeddodd Bwrdd Gwasanaethau Cyhoeddus Wrecsam ei asesiad mwyaf diweddar o les ym Mwrdeistref Sirol Wrecsam ym mis Ebrill 2022. Mae’r ddogfen hon yn asesu lles ym Mwrdeistref Sirol Wrecsam gan ddefnyddio amrywiaeth o ymchwil a dadansoddi. Gall unrhyw un sydd am wybod mwy am les ym Mwrdeistref Sirol Wrecsam ei defnyddio fel adnodd.
Mae Bwrdd Gwasanaethau Cyhoeddus Sir y Fflint a Wrecsam wedi datblygu cynllun i wella lles yn ein hardal, ar sail yr asesiad o les.
Cynllun y Cyngor
Mae’r asesiad o les, ynghyd ag amrywiaeth o ddata arall, wedi ein helpu i ddatblygu ein Cynllun y Cyngor (ac mae hefyd yn llywio ein prosesau cynllunio gwasanaeth).
Mae gwybodaeth am ddata sydd wedi llywio ein Cynllun y Cyngor wedi’i chynnwys isod.
Data perfformiad a hunanasesu
Mae gwybodaeth am ein trefniadau rheoli perfformiad i’w gweld ar ein tudalen rheoli perfformiad.
Mae gwybodaeth am ein proses hunanasesu i’w gweld ar ein tudalen llywodraethu a hunanasesu.
Data
Cyfrifiad 2021
- Dod o hyd i ddata a dadansoddiad am amrywiaeth o bynciau
- Gweld y calendr rhyddhau
- Creu eich set ddata unigryw eich hun
Mae'r Swyddfa Ystadegau Gwladol wedi cyhoeddi canllawiau ac ymchwil ychwanegol i ddefnyddwyr ar sut i ddefnyddio'r amcangyfrifon hunaniaeth rhywedd o Gyfrifiad 2021 yng Nghymru a Lloegr.
Mae'r canllawiau hyn yn cynnig mwy o fanylion ar ddefnydd priodol o'r amcangyfrifon, gan gynnwys cyngor ar nodweddion penodol, ac yn egluro sut na ddylid defnyddio'r amcangyfrifon.
StatsCymru sy’n darparu data swyddogol manwl am Gymru. Mae rhai setiau data Cyfrifiad 2021 ar gael ar dudalen Cyfrifiad 2021 StatsCymru (dolen gyswllt allanol) hefyd.
Adnoddau data gan Ddata Cymru
Mae Data Cymru wedi creu Dangosfwrdd Adnoddau Hunanasesu Perfformiad (dolen gyswllt allanol). Mae’r adnodd hwn yn gwasanaethu fel canolbwynt data i awdurdodau lleol, gan ddod a data ynghyd o ffynonellau amrywiol sydd eisoes wedi’u cyhoeddi. Mae’n darparu mynediad at ddata perfformiad fel y gall awdurdodau unigol asesu a chymharu eu perfformiad ar lefel corfforaethol/sefydliadol.
Mae Data Cymru hefyd wedi datblygu nifer o ddangosfyrddau â data (dolen gyswllt allanol) am Gymru, Bwrdeistref Sirol Wrecsam a’r wardiau yn ein Bwrdeistref Sirol.
Mae’r dangosfyrddau hyn yn cynnwys:
Proffiliau ystadegol ar gyfer gogledd Cymru
Mae Bwrdd Partneriaeth Rhanbarthol Gogledd Cymru yn gweithio i sicrhau iechyd a lles pobl o bob oed yng ngogledd Cymru.
Mae’r Bwrdd wedi datblygu set o broffiliau ystadegol sy’n darparu gwybodaeth ystadegol am yr amgylchedd cymdeithasol a ffisegol ehangach sy’n gallu effeithio ar iechyd a lles:
Dolenni perthnasol
Ffynonellau data eraill (Bwrdeistref Sirol Wrecsam a Chymru)
Cysylltu â ni
E-bost: statistics@wrexham.gov.uk