Dweud eich dweud ar wasanaethau’r cyngor 

Yng Nghyngor Wrecsam rydym wedi ymrwymo i wrando ar bobl Wrecsam. 

Mae cyfranogiad da yn golygu fod pawb yn ein cymuned yn gwybod y gallent ymuno â’r drafodaeth am y gwasanaethau rydym yn eu dylunio a’u darparu. Mae hefyd yn golygu y gall pawb gael dweud eu dweud i helpu i siapio dyfodol Bwrdeistref Sirol Wrecsam. 

Gobeithiwn wrth gymryd yr agwedd hon, y bydd dyfodol gwasanaethau yn Wrecsam yn canolbwyntio ar yr hyn sydd bwysicaf i bobl Wrecsam. 

Yng Nghyngor Wrecsam rydym yn defnyddio amrywiaeth o ffyrdd i gael pobl i gymryd rhan wrth ddylunio a darparu ein gwasanaethau.

Eich Llais Wrecsam

Trwy fynd i’n porth cyfranogi ‘Eich Llais Wrecsam’  gallwch gymryd rhan mewn arolygon i roi adborth a fydd yn helpu i siapio ein gwasanaethau.  

Gallwch weld beth mae pobl wedi ei ddweud wrthym yn y gorffennol a beth ddigwyddodd o ganlyniad, a gallwch rannu eich syniadau ar gyfer gweithgareddau cyfranogi’r dyfodol.

Diweddariadau E-bost 

I gael diweddariadau rheolaidd am weithgareddau cyfranogi y gallwch gymryd rhan ynddynt (ar Eich Llais Wrecsam), ewch i dudalen Fy Niweddariadau a dewis ‘Ymgynghoriadau’ o dan y testun ‘Newyddion a Digwyddiadau’ - ar ôl nodi eich cyfeiriad e-bost.

Cyfranogiad y cyhoedd

Rydym yn annog aelodau’r cyhoedd i ymgysylltu â democratiaeth leol a chymryd rhan mewn prosesau gwneud penderfyniadau’r Cyngor.

Penderfyniadau ar y Gweill
Rhestr o faterion sy’n debygol o fod yn destun penderfyniad a wneir gan y Cyngor llawn neu’r Bwrdd Gweithredol yn y dyfodol agos.
Cwestiynau cyhoeddus mewn cyfarfodydd y Bwrdd Gweithredol a’r Cyngor
Egluro sut y gallwch gyflwyno cwestiwn ac achosion pan na fyddai cwestiwn yn cael ei dderbyn.
Deisebau
Dysgwch sut i gyflwyno deiseb i’r cyngor a’r ffyrdd posib y gallwn ymateb
Strategaeth Cyfranogiad Cyhoeddus
Egluro’r ddeddfwriaeth sy’n gosod dyletswydd ar gynghorau i annog pobl leol i gymryd rhan wrth wneud penderfyniadau a sut rydym yn cydymffurfio â’r ddeddf
Pwyllgorau craffu yn Wrecsam
Gan gynnwys beth maen nhw'n ei wneud, manylion cyswllt a sut y gallwch gymryd rhan
Ceisiadau cynllunio – dweud eich dweud
Gan gynnwys eglurhad o sut y gallwch siarad mewn pwyllgor cynllunio

Mwy o ffyrdd i gael dweud eich dweud 

Mae llawer o ffyrdd y gallwch gymryd rhan gyda Chyngor Bwrdeistref Sirol Wrecsam.

Cwynion a chanmoliaethau
Dod o hyd i’ch cynghorydd lleol
Manylion cyswllt cynghorau tref a chymuned
Ymgynghoriad cais Maes y Dref neu Bentref

Gallwch hefyd wybod sut i gymryd rhan fel preswylydd cyngor (gan olygu os ydych yn byw mewn tŷ a ddarperir gan y cyngor)

Ein hymagwedd at gymryd rhan

I wybod mwy darllenwch ein Strategaeth Gyfranogi 2022-2027, sydd hefyd yn nodi’r gyfraith berthnasol yn ogystal â’n strategaethau a chynlluniau cysylltiedig eraill.