Parcio anabl ar y stryd

Nid yw’r cynllun Bathodyn Glas yn drwydded i barcio yn unrhyw le. Mae nifer o leoliadau nad allwch barcio o dan unrhyw amgylchiadau; gwiriwch y trefniadau parcio ar gyfer eich cyrchfan ymlaen llaw.

Yn gyffredinol mae’r cynllun yn caniatáu’r buddion parcio canlynol cyhyd â bod eich Bathodyn Glas dilys yn cael ei arddangos, gall ddeiliaid bathodyn:

  • barcio am ddim heb unrhyw gyfyngiad amser ar ofodau parcio ar y stryd gyda meteri parcio a ‘thalu ac arddangos’ oni bai fod gorchymyn traffig lleol yn nodi cyfyngiad amser ar gyfer deiliaid neu fathodynnau glas mewn grym
  • gael eu heithrio rhag cyfyngiadau amser parcio a weithredir ar ddefnyddwyr eraill
  • fel arfer barcio ar linellau melyn sengl neu ddwbl am hyd at dair awr yng Nghymru 

Canol dinas Wrecsam 

Ers 14 Ebrill 2025, mae canol dinas Wrecsam yn barth sy'n hwylus i gerddwyr.

Mae bolardiau awtomatig yn Stryt Yorke (yr unig bwynt mynediad) yn cyfyngu ar fynediad rhwng 11.30am a 6am bob dydd, dydd Llun i ddydd Sul.

Parth cerddwyr canol y ddinas

Ble gallaf barcio pan fydd y bolardiau i lawr?

O 6am tan 11.30am bob dydd (ar yr amod bod Bathodyn Glas dilys yn cael ei arddangos yn glir gyda'r amser cloc wedi'i osod wrth gyrraedd) gallwch barcio ar:

  • Stryt Caer
  • Stryt Siarl
  • Stryt Henblas
  • Stryt yr Hôb
  • Stryt y Rhaglaw
  • Stryt y Lampint
  • Stryt yr Eglwys
  • Stryt y Syfwr

Ar ôl 11.30am, mae'n rhaid i chi symud eich cerbyd allan o barth cerddwyr canol y ddinas.

Lleoliadau parcio eraill
  • 6 lle i bobl anabl yng Nghilfan Ffordd Rhosddu (ger Sgwâr y Frenhines)
  • 6 lle i bobl anabl yng Nghilfan Stryt Holt (ger Tŷ Pawb)
  • 12 lle i bobl anabl ym maes parcio Stryt y Farchnad
  • Y penwythnos yn unig – 6 lle i bobl anabl ym maes parcio Neuadd y Dref

Gallwch hefyd ddefnyddio unrhyw le sydd ar gael ym meysydd parcio eraill y Cyngor o amgylch y canol hefyd:

Parcio anabl ym meysydd parcio canol tref Cyngor Wrecsam

Mae gan fwyafrif o’n meysydd parcio ofodau parcio anabl dynodedig a gall unrhyw un gyda Bathodyn Glas dilys ddefnyddio’r rhain neu ofodau parcio ceir eraill.

Gall deiliaid Bathodynnau Glas barcio am ddim mewn unrhyw ofod.

Mae gan Shopmobility hefyd ei ofodau dynodedig ar gyfer defnydd cwsmeriaid Shopmobility.

Mae swyddogion gorfodi yn monitro’r defnydd o Fathodynnau Glas yn agos ac mae ganddynt yr hawl i gyflwyno rhybudd tâl cosb i unrhyw gerbyd nad ydynt yn arddangos bathodyn dilys yn gywir wrth ddefnyddio’r consesiwn parcio. Bydd tocyn hefyd yn cael ei gyflwyno i unrhyw gerbyd sydd wedi parcio mewn bae anabl dynodedig heb arddangos Bathodyn Glas, hyd yn oed gyda thocyn talu ac arddangos dilys.

Cofiwch nad yw’r rheol sy’n caniatáu deiliaid Bathodyn Glas i barcio ar linellau melyn ar y stryd yn gymwys i feysydd parcio sy’n eiddo i’r cyngor.
 

Dolenni perthnasol

GOV.UK: Canllawiau Bathodyn Glas (dolen gyswllt allanol)
Cynllun y Bathodyn Glas
Shopmobility Wrecsam
Mae cadeiriau olwyn, cadeiriau olwyn trydan a sgwteri ar gael i’w defnyddio gan unrhyw un sy’n cael anhawster symud (i logi offer rhaid i chi fod yn aelod o Shopmobility).