O Ionawr 6, 2025 gallwch wneud cais am le mewn dosbarth meithrin i'ch plentyn. Mae llefydd ar agor i blant a fydd wedi cael eu pen-blwydd yn dair oed cyn neu ar Awst 31, 2025.

Gallwch wneud cais ar-lein – dyma’r ffordd gyflymaf a rhwyddaf i wneud cais. Byddwch chi hefyd yn cael e-bost yn rhoi gwybod i chi bod eich cais wedi’i dderbyn.

Mae ceisiadau bapur ar gael drwy anfon ebost i admissions@wrexham.gov.uk.

Y dyddiad cau ar gyfer ceisiadau yw Chwefror 17, 2025.

Ceisiadau hwyr

Bydd ceisiadau hwyr yn cael sylw ar ôl y rhai a dderbynnir mewn pryd, felly mae’n bwysig eich bod yn anfon eich ceisiadau erbyn y dyddiad cau.

Er bod modd cyflwyno cais ar ôl y dyddiad cau, os ydych chi’n gwneud cais ar ôl diwedd y cyfnod dyrannu (Mawrth 24, 2025) ni fydd eich cais yn cael ei brosesu tan ar ôl y dyddiad cynnig cenedlaethol (Mai 6, 2025).

Os ydych yn gwneud cais am le mewn ysgol Gatholig neu Ysgol Wirfoddol a Gynorthwyir yr Eglwys yng Nghymru, efallai y bydd yr ysgol hefyd yn gofyn i chi lenwi ffurflen gais ychwanegol ac am dystiolaeth atodol. Os felly, bydd yn ofynnol i chi lenwi a dychwelyd eu ffurflen gais ar wahân nhw yn ogystal a chwblhau ein cais ar-lein (neu bapur) ni.

Dylech wirio’r dyddiad cau ar unrhyw ffurflenni ar wahân sydd gan ysgolion unigol gan y gallai fod yn ddyddiad gwahanol. 

Bydd yn rhaid i chi gysylltu â’r awdurdod derbyn priodol ar gyfer ysgol y tu allan i’r sir.

Byddem yn eich cynghori o hyd i lenwi ein ffurflen gais ar-lein (neu bapur) ni, hyd yn oed os ydych yn gwneud cais am ysgol y tu allan i Fwrdeistref Sirol Wrecsam - rhag ofn y bydd y cais ar gyfer yr ysgol yr ydych yn ei ffafrio yn aflwyddiannus.

Efallai y bydd gan ysgolion y tu allan i’r sir amserlen dderbyn wahanol i Awdurdod Lleol Wrecsam felly bydd angen i chi gysylltu â nhw a gwirio hynny gyda’r awdurdod derbyn perthnasol er mwyn gwneud yn siŵr nad ydych yn methu’r dyddiad cau.

Gallwch ddweud pa ysgol/ysgolion fyddai orau gennych yn eich cais.

Argymhellir eich bod yn dewis mwy nag un ysgol gan roi'r ysgol fyddai orau gennych chi ar frig y rhestr a'r ail, trydydd ac ati wedyn, rhag ofn y byddwch yn aflwyddiannus yn eich cais/ceisiadau i'r ysgol/ysgolion fyddai orau gennych (ni fydd rhestru un ysgol fwy nag unwaith yn gwella eich siawns).

Pwy sy’n penderfynu? 

Os ydych wedi gwneud cais am le mewn ysgol gynradd gymunedol, dosbarth meithrin neu ysgol wirfoddol a reolir, bydd eich cais yn cael ei ystyried gennym ni (h.y. Cyngor Wrecsam, fel yr awdurdod derbyn lleol).

Os ydych wedi gwneud cais am le mewn Ysgol Gatholig neu ysgol wirfoddol a gynorthwyir yr Eglwys yng Nghymru, bydd eich cais yn cael ei ystyried gan gorff llywodraethu'r ysgol honno.

Os yw’r ysgol yr ydych wedi gwneud cais ar ei chyfer y tu allan i Sir Wrecsam, bydd eich cais yn cael ei ystyried gan awdurdod derbyn perthnasol yr ysgol. 

Pryd a sut fydda i’n cael gwybod am le meithrin fy mhlentyn?

Os ydych wedi gwneud cais am le mewn ysgol gymunedol neu ysgol wirfoddol a reolir byddwch yn rhoi gwybod  chi erbyn Mai 6, 2025 os yw eich plentyn wedi cael cynnig lle mewn dosbarth meithrin yn yr ysgol yr ydych yn ei ffafrio.

Os ydych wedi dweud wrthym eich bod eisiau clywed drwy e-bost byddwn yn rhoi gwybod i chi drwy e-bost, fel arall byddwn yn anfon llythyr atoch.

Os ydych wedi gwneud cais am le mewn Ysgol Gatholig neu ysgol wirfoddol a gynorthwyir, byddwch yn cael llythyr gan gorff llywodraethu'r ysgol erbyn Mai 6, 2025.

Unwaith y byddwch wedi cael gwybod am le meithrin eich plentyn, bydd pennaeth yr ysgol yn rhoi gwybod i chi cyn gynted â phosib pa sesiwn y gall eich plentyn ei fynychu.

Os bydd arnoch angen rhagor o wybodaeth am y broses dderbyn gallwch ddarllen ein canllaw ar gyfer rheini.