Os ydych chi'n byw yn Wrecsam, Sir y Fflint neu Sir Ddinbych, rhaid i chi wneud cais i'ch awdurdod lleol cartref, hyd yn oed os yw'r ysgol rydych chi'n gwneud cais amdani dros y ffin. Mae gan yr awdurdodau lleol hyn drefniant derbyn cydgysylltiedig.  

Mae hyn yn golygu, pan fydd preswylydd Wrecsam yn cyflwyno cais i dîm derbyn Wrecsam, os yw'r cais yn nodi dewis ysgol yn un o'r tair sir hyn byddwn yn anfon eich cais at yr awdurdod derbyn cywir. Nid oes angen i chi wneud ceisiadau ar wahân i'r awdurdodau lleol hyn.  

Dylech wneud cais i'r awdurdod lle rydych chi'n byw yn unig, ac ychwanegu pob dewis ysgol at yr un cais hwn.

Os ydych chi'n gwneud cais am ysgol mewn sir heblaw Wrecsam, Sir y Fflint neu Sir Ddinbych, dylech gysylltu â'r tîm derbyn perthnasol i gael cyngor.

Os ydych yn gwneud cais am le mewn ysgol wirfoddol a gynorthwyir, bydd yr ysgol hefyd yn gofyn i chi lenwi ffurflen gais ar wahân ac efallai y gofynnir am dystiolaeth atodol. Bydd yn ofynnol i chi lenwi a dychwelyd eu ffurflen gais ar wahân yn ogystal â chwblhau ein cais ar-lein (neu bapur) ni.

Bydd yr ysgolion hyn ond yn derbyn ceisiadau ble cwblhawyd y ddwy ran o’r broses ymgeisio.  

Cyfeiriwch at wefannau'r ysgolion am ragor o wybodaeth.
 

Efallai y bydd rhieni sy'n gweithio neu sydd mewn addysg yn gymwys i wneud cais am y cynnig gofal plant wedi’i ariannu gan Lywodraeth Cymru ar gyfer plant tair i bedair oed, sy'n darparu cyfuniad o ddarpariaeth addysg a gofal plant.  

Gweler dalen we’r Cynnig Gofal Plant yng Nghymru i gael rhagor o wybodaeth am gymhwysedd.  

O’r mis Medi ar ôl pen-blwydd plentyn yn dair oed, darperir y 12.5 awr o ddarpariaeth addysg yn ein meithrinfeydd mewn ysgolion.  Dylech wneud cais am le meithrin mewn ysgol yn gyntaf.  Ar ôl i chi gael lle Meithrin wedi'i gadarnhau, byddwch wedyn yn gallu gwneud cais ar wahân ar gyfer yr elfen gofal plant 17.5 awr o'r cynnig.   

Gweler ein polisi trafnidiaeth am ragor o wybodaeth am eich cymhwysedd ar gyfer trafnidiaeth ysgol.

Nid yw’r Awdurdod Lleol yn darparu cludiant i Ddosbarthiadau Meithrin.
 

Os nad ydych yn cwblhau cais erbyn y dyddiad a nodir, mae’n bosib na fydd yr awdurdod perthnasol yn gallu cynnig lle i’ch plentyn yn yr ysgol yr ydych yn ei ffafrio.  Nid yw derbyniadau i ddosbarth Meithrin yn awtomatig, rhaid i bob rhiant gwblhau cais.

Oes, mae’n rhaid i chi wneud cais.

Na, o’r mis Medi ar ôl pen-blwydd y plentyn yn dair oed dim ond mewn meithrinfa ysgol y gellir defnyddio'r 12.5 awr o addysg.   Nid yw hyn yn drosglwyddadwy; fodd bynnag, gall rhieni sy'n gymwys i hawlio'r Cynnig Gofal Plant ddefnyddio'r elfen gofal plant 17.5 awr mewn ystod ehangach o ddarparwyr.   

Bydd ceisiadau hwyr yn cael eu hystyried gan ddefnyddio'r un meini prawf a gyhoeddwyd, ond pe bai gormod o geisiadau i ryw ysgol, bydd unrhyw geisiadau hwyr yn cael eu hystyried ar ôl y rhai a gyrhaeddodd erbyn dyddiad cau’r ALl.
Mae hyn yn golygu y gallai fod gennych lai o gyfle i gael eich ysgol ddewisol os byddwch yn cyflwyno'ch cais ar ôl y dyddiad cau, oherwydd rhoddir blaenoriaeth i geisiadau amserol. 
 

Mae dewisiadau ar gyfer lleoedd mewn ysgolion cymunedol o fewn yr Awdurdod Lleol yn cael eu hystyried ar sail meini prawf yr awdurdod ar gyfer gormod o geisiadau, sydd wedi’i gyhoeddi yn y Canllaw i Rieni ar Wasanaethau Addysg yn Wrecsam. Mae’r wybodaeth yr ydych yn ei rhoi ar eich cais yn bwysig.

Bydd yr holl geisiadau a dderbynnir erbyn dyddiad cau’r Awdurdod Lleol yn cael eu hystyried ar y cyd a’u hasesu yn erbyn meini prawf yr Awdurdod.

 

Bydd ceisiadau hwyr yn cael eu hystyried gan ddefnyddio'r un meini prawf a gyhoeddwyd, ond pe bai gormod o geisiadau i ryw ysgol, bydd unrhyw geisiadau hwyr yn cael eu hystyried ar ôl y rhai a gyrhaeddodd erbyn dyddiad cau’r ALl.
Mae hyn yn golygu y gallai fod gennych lai o gyfle i gael eich ysgol ddewisol os byddwch yn cyflwyno'ch cais ar ôl y dyddiad cau, oherwydd rhoddir blaenoriaeth i geisiadau amserol. 
 

Mae hyn yn golygu na fyddech chi, o bosib’, yn cael lle yn yr ysgol o'ch dewis os derbynnir eich cais ar ôl y dyddiad cau. Os oes gan y plentyn angen meddygol penodol (er enghraifft anabledd a allai olygu bod teithio i ysgol bellach yn fwy anodd), rhaid cyflwyno tystiolaeth ategol cyn diwedd y cyfnod dyrannu lleoedd, gan nodi’r rhesymau pam mai’r ysgol dan sylw yw’r un fwyaf addas a’r anawsterau a fyddai pe bai’n rhaid i’r plentyn fynd i ysgol arall, er enghraifft, llythyr gan weithiwr iechyd cofrestredig fel meddyg neu weithiwr cymdeithasol. Bydd y dystiolaeth yn cael ei hasesu gan ymgynghori gydag Uwch-reolwyr perthnasol.

Os nad oes modd bodloni eich dewisiadau, fe’ch gwahoddir i fynegi rhagor o ddewisiadau.

Nid oes hawl i apelio yn erbyn derbyniadau meithrin.
 

Gallwch barhau i wneud diwygiadau i'ch cais ar ôl y dyddiad cau, fodd bynnag, bydd eich dewis cyntaf newydd yn cael ei ystyried fel cais hwyr. Bydd hyn wedyn yn cael ei ystyried yn erbyn y meini prawf gordanysgrifio cyhoeddedig dim ond ar ôl i'r holl geisiadau ar amser gael eu dyrannu.

Na. Bydd yr awdurdod lleol yn gwirio'r cyfeiriad yn eich cais yn erbyn cofnodion sydd gennym, ac efallai y byddwn yn gofyn am wybodaeth a thystiolaeth gennych os ydynt yn wahanol.

At ddibenion dyrannu lleoedd, bydd unrhyw gynnig am le mewn ysgol yn seiliedig ar ble fydd eich plentyn yn byw ar ddiwedd y cyfnod dyrannu ac fe fydd yn cael ei gynnig ar yr amod bod y plentyn yn byw yn y cyfeiriad hwnnw.

Os rhennir gwarchodaeth y plentyn yn gyfartal, dylai’r rhieni benderfynu pa gyfeiriad i’w ddefnyddio ond efallai y byddwn yn gofyn i weld Gorchymyn Llys neu dystiolaeth arall i gadarnhau bod y trefniant yn bodoli.

Cynghorir rhieni/gofalwyr y gellir tynnu cynnig o le mewn ysgol yn ôl yn gyfreithiol os canfyddir bod yr wybodaeth a nodir ar y ffurflen gais yn dwyllodrus neu’n gamarweiniol. Gallai’r goblygiadau gynnwys nad oes lle ar gael ar gyfer y plentyn yn eu hysgol agosaf nesaf.

Ni all yr Awdurdod Lleol dderbyn dau gais ar gyfer un plenty. Felly, mae’n rhaid i rieni ddod i gytundeb ar y cyd neu gael Gorchymyn Llys priodol a chyflwyno un cais.
 

Rhowch wybod i’n tîm derbyniadau os yw cyfeiriad eich plentyn yn newid yn ystod y cyfnod dyrannu.