Os ydych chi'n byw yn Wrecsam, Sir y Fflint neu Sir Ddinbych, rhaid i chi wneud cais i'ch awdurdod lleol cartref, hyd yn oed os yw'r ysgol rydych chi'n gwneud cais amdani dros y ffin. Mae gan yr awdurdodau lleol hyn drefniant derbyn cydgysylltiedig.  

Mae hyn yn golygu, pan fydd preswylydd Wrecsam yn cyflwyno cais i dîm derbyn Wrecsam, os yw'r cais yn nodi dewis ysgol yn un o'r tair sir hyn byddwn yn anfon eich cais at yr awdurdod derbyn cywir. Nid oes angen i chi wneud ceisiadau ar wahân i'r awdurdodau lleol hyn.  

Dylech wneud cais i'r awdurdod lle rydych chi'n byw yn unig, ac ychwanegu pob dewis ysgol at yr un cais hwn.

Os ydych chi'n gwneud cais am ysgol mewn sir heblaw Wrecsam, Sir y Fflint neu Sir Ddinbych, dylech gysylltu â'r tîm derbyn perthnasol i gael cyngor.

Os ydych yn gwneud cais am le mewn ysgol wirfoddol a gynorthwyir, bydd yr ysgol hefyd yn gofyn i chi lenwi ffurflen gais ar wahân ac efallai y gofynnir am dystiolaeth atodol. Bydd yn ofynnol i chi lenwi a dychwelyd eu ffurflen gais ar wahân yn ogystal â chwblhau ein cais ar-lein (neu bapur) ni.

Bydd yr ysgolion hyn ond yn derbyn ceisiadau ble cwblhawyd y ddwy ran o’r broses ymgeisio.  

Cyfeiriwch at wefannau'r ysgolion am ragor o wybodaeth.

 

Gweler ein polisi trafnidiaeth am ragor o wybodaeth am eich cymhwysedd ar gyfer trafnidiaeth ysgol. Mae'n bwysig ystyried sut y bydd eich plentyn yn mynd i'r ysgol bob dydd wrth benderfynu pa ysgolion i'w hychwanegu at eich cais.  

Os nad ydych yn cwblhau cais erbyn y dyddiad a nodir, mae’n bosib na fydd yr awdurdod perthnasol yn gallu cynnig lle i’ch plentyn yn yr ysgol yr ydych yn ei ffafrio.  Nid yw derbyniadau i'r Dosbarth Derbyn yn awtomatig, rhaid i bob rhiant gwblhau cais.

Gweler y Polisi Cludiant Ysgolion a gyhoeddwyd. Os ydych yn nodi ffafriaeth am ysgol nad yw’n ysgol addas agosaf, yna eich cyfrifoldeb chi fydd gwneud trefniadau o ran cludiant a thalu i’ch plentyn fynd i’r ysgol honno.

Oes, mae’n rhaid i chi wneud cais.

Ni fyddem yn cynnig ysgol i chi yn awtomatig nad yw wedi'i restru ar eich cais. Mae'n bwysig iawn ychwanegu dewisiadau lluosog er mwyn osgoi siom. Bydd unrhyw ysgolion sy'n cael eu hychwanegu at eich cais ar ôl y dyddiad cau, yn cael eu prosesu fel ceisiadau hwyr, ac efallai na fydd yn bosib cynnig lle i chi yn yr ysgol hon.

Mae'r wybodaeth yn y Canllaw i Rieni i Wasanaethau Addysg  yn Wrecsam yn dangos nifer y lleoedd sydd ar gael ym mhob ysgol.   
 

Mae dewisiadau ar gyfer lleoedd mewn ysgolion cymunedol o fewn yr Awdurdod Lleol yn cael eu hystyried ar sail meini prawf yr awdurdod ar gyfer gormod o geisiadau, sydd wedi’i gyhoeddi yn y Canllaw i Rieni ar Wasanaethau Addysg yn Wrecsam. Mae’r wybodaeth yr ydych yn ei rhoi ar eich cais yn bwysig.

Bydd yr holl geisiadau a dderbynnir erbyn dyddiad cau’r Awdurdod Lleol yn cael eu hystyried ar y cyd a’u hasesu yn erbyn meini prawf yr Awdurdod.
 

Bydd ceisiadau hwyr yn cael eu hystyried gan ddefnyddio'r un meini prawf a gyhoeddwyd, ond pe bai gormod o geisiadau i ryw ysgol, bydd unrhyw geisiadau hwyr yn cael eu hystyried ar ôl y rhai a gyrhaeddodd erbyn dyddiad cau’r ALl.

Mae hyn yn golygu y gallai fod gennych lai o gyfle i gael eich ysgol ddewisol os byddwch yn cyflwyno'ch cais ar ôl y dyddiad cau, oherwydd rhoddir blaenoriaeth i geisiadau amserol. 
 

Mae hyn yn golygu na fyddech chi, o bosib’, yn cael lle yn yr ysgol o'ch dewis os derbynnir eich cais ar ôl y dyddiad cau. Os oes gan y plentyn angen meddygol penodol (er enghraifft anabledd a allai olygu bod teithio i ysgol bellach yn fwy anodd), rhaid cyflwyno tystiolaeth ategol cyn diwedd y cyfnod dyrannu lleoedd, gan nodi’r rhesymau pam mai’r ysgol dan sylw yw’r un fwyaf addas a’r anawsterau a fyddai pe bai’n rhaid i’r plentyn fynd i ysgol arall, er enghraifft, llythyr gan weithiwr iechyd cofrestredig fel meddyg neu weithiwr cymdeithasol. Bydd y dystiolaeth yn cael ei hasesu gan ymgynghori gydag Uwch-reolwyr perthnasol.

Os nad oes modd bodloni eich dewisiadau, fe’ch gwahoddir i fynegi rhagor o ddewisiadau.  Bydd gennych hawl hefyd i apelio yn erbyn y penderfyniad gwrthod.  Mae gwybodaeth am apeliadau derbyn ar gael yn y Canllaw i Rieni ar Wasanaethau Addysg yn Wrecsam.

Ar ôl Diwrnod Cynnig Derbyn, dylid cyflwyno unrhyw apeliadau erbyn 1 Mai, 2026. 
 

Gallwch barhau i wneud diwygiadau i'ch cais ar ôl y dyddiad cau, fodd bynnag, bydd eich dewis cyntaf newydd yn cael ei ystyried fel cais hwyr. Bydd hyn wedyn yn cael ei ystyried yn erbyn y meini prawf gordanysgrifio cyhoeddedig dim ond ar ôl i'r holl geisiadau ar amser gael eu dyrannu.

Nac oes. Bydd yr Awdurdod Lleol yn gwirio'r cyfeiriad ar eich cais yn erbyn y cofnodion a gedwir ar gyfer ysgol bresennol eich plentyn, ac efallai y byddwn yn gofyn am wybodaeth a thystiolaeth gennych chi os ydynt yn wahanol.  

At ddibenion dyrannu lleoedd, bydd unrhyw gynnig am le mewn ysgol yn seiliedig ar ble fydd eich plentyn yn byw ar ddiwedd y cyfnod dyrannu ac fe fydd yn cael ei gynnig ar yr amod bod y plentyn yn byw yn y cyfeiriad hwnnw.

Os rhennir gwarchodaeth y plentyn yn gyfartal, dylai’r rhieni benderfynu pa gyfeiriad i’w ddefnyddio ond efallai y byddwn yn gofyn i weld Gorchymyn Llys neu dystiolaeth arall i gadarnhau bod y trefniant yn bodoli.

Cynghorir rhieni/gofalwyr y gellir tynnu cynnig o le mewn ysgol yn ôl yn gyfreithiol os canfyddir bod yr wybodaeth a nodir ar y ffurflen gais yn dwyllodrus neu’n gamarweiniol. Gallai’r goblygiadau gynnwys nad oes lle ar gael ar gyfer y plentyn yn eu hysgol agosaf nesaf.

Ni all yr Awdurdod Lleol dderbyn dau gais ar gyfer un plenty. Felly, mae’n rhaid i rieni ddod i gytundeb ar y cyd neu gael Gorchymyn Llys priodol a chyflwyno un cais.

Rhowch wybod i’n tîm derbyniadau os yw cyfeiriad eich plentyn yn newid yn ystod y cyfnod dyrannu.