Gallwch gael mynediad at hyd at 30 awr yr wythnos o Addysg Gynnar wedi’i Hariannu neu Feithrinfa yn ogystal â gofal plant sydd wedi ei ariannu gan y llywodraeth wedi cyfuno am hyd at 48 wythnos y flwyddyn.

Mae’r elfen Addysg Gynnar wedi’i Hariannu hon yn ffurfio 10 awr o'r cynnig 30 awr.

Nid yw sicrhau lle Addysg Gynnar wedi’i Hariannu yn rhoi lle meithrin awtomatig i chi mewn ysgol yn Wrecsam. Rhaid i chi wneud cais am le meithrin ar wahân.

Ar gyfer plant sydd wedi cael eu pen-blwydd yn dair oed cyn dechrau tymor y gwanwyn, bydd lle wedi'i ariannu ar gael ar gyfer tymor y gwanwyn a thymor yr haf. Ar gyfer plant sy'n cael eu pen-blwydd yn ystod tymor y gwanwyn, bydd lle wedi'i ariannu ar gael ar gyfer tymor yr haf

Os yw eich plentyn yn gymwys i gael addysg gynnar yn ystod tymor y gwanwyn a’r haf gallwch wneud cais o’r Medi 1, 2022 ymlaen ac mae’n rhaid i chi fod wedi gwneud cais erbyn Hydref 28, 2022 i gael lle i'ch plentyn nhymor y gwanwyn (Ionawr) 2023.

Os yw eich plentyn chi yn gymwys ar gyfer tymor yr haf yn unig, gallwch wneud cais o Hydref 31, 2022 ymlaen a bydd rhaid i chi fod wedi gwneud cais erbyn Rhagfyr 16, 2022 i gael cynnig lle ar gyfer tymor yr haf (Ebrill) 2023.

Gallwch wneud cais ar lein ar gyfer Addysg Gynnar wedi’i Hariannu.

Fel arall, mae ceisiadau bapur ar gael drwy anfon ebost i admissions@wrexham.gov.uk.

Yn Wrecsam rydym wedi ymrwymo i roi'r dechrau gorau posibl mewn addysg i'n plant ieuengaf. Mae Plant mewn Addysg Gynnar wedi’i Hariannu yn dysgu trwy chwarae – yn unol â’r Cwricwlwm ar gyfer Lleoliadau Meithrin wedi’i Hariannu yng Nghymru.

Mae ymchwil yn Wrecsam wedi profi bod plant tair oed mewn Addysg Gynnar wedi’i Hariannu yn mynd ymlaen i gyflawni canlyniadau uwch, ar ddiwedd blwyddyn chwech, na’r rhai nad ydynt yn manteisio ar y cynnig.

Mae manteision Addysg Gynnar wedi’i Hariannu i’ch plentyn yn cynnwys...

• dysgu sgiliau newydd
• magu hyder
• darganfod a datrys problemau
• archwilio a defnyddio technoleg
• datblygu annibyniaeth
• datblygu creadigrwydd a dychymyg
• dysgu siarad Cymraeg
• gwneud ffrindiau
• cael llawer o hwyl dan do ac yn yr awyr agored

Gall eich plentyn gael lle mewn lleoliad wedi’i ariannu ar gyfer naill ai:

• Pum sesiwn yr wythnos, un y dydd, dwy awr o hyd, neu
• Pedair sesiwn yr wythnos, un y dydd, dwy awr a hanner o hyd.

Bydd hyn yn dibynnu ar yr hyn y mae'r lleoliad cymeradwy o'ch dewis yn ei ddarparu.

Ariennir lleoliad cymeradwy i ddarparu Addysg Gynnar i blant tair oed a gall fod yn un o’r canlynol:

Lleoliad dynodedig...

• Cylch chwarae
• Meithrinfa ddydd breifat
• Dosbarth meithrin neu uned blynyddoedd cynnar mewn ysgol leol.

Ariannu Addysg Gynnar

Dim ond mewn un lleoliad y gallwch wneud cais am le wedi'i Hariannu. Telir cyllid yn uniongyrchol i'r lleoliad.

Lleoliadau sy'n derbyn cyllid...

• Rhaid cael staff â chymwysterau priodol
• Bydd yn cael ei arolygu gan ESTYN ac Arolygiaeth Gofal Cymru (AGC)
• Rhaid darparu'r sesiynau a nodir
• Derbyn hyfforddiant rheolaidd