Rydym yn defnyddio fframwaith rheoli perfformiad i reoli ein perfformiad o fewn y cyngor. Golyga hyn ein bod yn mesur sut ydym yn cyflawni yn erbyn yr addewidion a nodir yng Nghynllun y Cyngor.
Mae Cynllun y Cyngor yn ddogfen strategol lefel uchel sy’n gyrru gweithgareddau’r cyngor. Mae’r holl gynlluniau eraill yn cael eu hadeiladu ar hwn, gan gynnwys strategaethau penodol megis ein Cynllun Datgarboneiddio, Strategaeth Gwrth-dlodi a chynlluniau gwasanaeth, sy’n darparu manylion am gamau gweithredu, gweithgareddau a rhaglenni y bydd pob maes gwasanaeth yn eu cyflawni er mwyn cyfrannu tuag at gyflawni’r canlyniadau o fewn pob un o flaenoriaethau’r cyngor.
Yn tanategu hyn oll mae cyfres o fesurau sy’n ein galluogi ni i olrhain sut ydym yn gwneud ac i ddeall effaith ein gwaith ar leoedd a phobl Bwrdeistref Sirol Wrecsam. Dyma ein mesurau canlyniadau. Gallwch gael mwy o fanylion am y mesurau hyn ar dudalen Cynllun y Cyngor 2023-28: Fframwaith Rheoli Perfformiad, mesurau canlyniadau.
O dan ein prif fesurau canlyniadau, mae gennym set o fesurau a gweithredoedd ategol. Er bod y rhain yn cael eu casglu bob chwarter fel rhan o'n fframwaith perfformiad, nid ydynt yn cael eu hadrodd arnynt yn uniongyrchol yn ein hadroddiadau perfformiad. Yn hytrach, rydym yn cyfeirio atynt i roi mewnwelediad gwerthfawr i'r ymdrech a'r gweithgareddau sy'n sail i'n canlyniadau a'r cynnydd rydym yn ei wneud.
Byddwn yn adrodd yn flynyddol, gan ddefnyddio mesurau canlyniadau, ar y cynnydd tuag at wireddu ein datganiadau canlyniadau yn Adroddiad Perfformiad Blynyddol Cynllun y Cyngor. Gallwch ddod o hyd i’r ddogfen hon, ynghyd â mwy o fanylion am y ffordd yr ydym yn rheoli perfformiad, ar ein tudalen fframwaith rheoli perfformiad.
Monitro perfformiad tuag at gyflawni ein canlyniadau cydraddoldeb
Er mwyn helpu i fonitro'r cynnydd rydym yn ei wneud tuag at ein canlyniadau cydraddoldeb, mae pob canlyniad cydraddoldeb strategol yn cael ei nodi'n glir, gyda mesurau perfformiad cyfatebol wedi'u cyflwyno'n uniongyrchol isod er mwyn cyfeirio atynt yn hwylus.