Mae’n rhaid i ymgeiswyr ddarparu’r gwybodaeth a’r cynlluniau y gofynnwyd amdanynt i’r awdurdod lleol yn yr amser a nodir. Os na fydd yr ymgeisydd yn darparu’r manylion hyn yn ystod y cyfnod amser a ganiateir, tybir bod y cais wedi cael ei dynnu’n ôl.

Bydd yr awdurdod lleol yn ystyried a yw’r ymgeisydd mewn sefyllfa i atal unrhyw achos o dorri telerau ac amodau tystysgrif.

Yng Nghymru a Lloegr, mae’n rhaid i’r awdurdod lleol anfon copi o gais am dystysgrif diogelwch i brif swyddog yr heddlu yn yr ardal, yr awdurdod tân ac achub os nad hwnnw yw’r awdurdod cymwys a’r awdurdod adeiladu os nad hwnnw yw’r awdurdod. Yn yr Alban, mae’n rhaid i’r awdurdod lleol anfon cais i brif swyddog yr heddlu a naill ai’r awdurdod tân ac achub neu’r awdurdod adeiladu.

Mae’n rhaid ymgynghori â phob un o’r cyrff hyn ynghylch y telerau ac amodau sydd i’w cynnwys ar dystysgrif.

Os gwneir cais i drosglwyddo tystysgrif, mae’n rhaid i’r awdurdod lleol benderfynu a fyddai’r unigolyn y bwriedir trosglwyddo’r dystysgrif iddo, petai’n gwneud cais, yn gymwys i gael tystysgrif. Gall yr ymgeisydd fod yn ddeilydd presennol y dystysgrif neu’r unigolyn y bwriedir trosglwyddo’r dystysgrif iddo.

Yng Nghymru a Lloegr, mae’n rhaid i’r awdurdod lleol anfon copi o’r cais trosglwyddo i brif swyddog yr heddlu yn yr ardal, yr awdurdod tân ac achub os nad hwnnw yw’r awdurdod cymwys a’r awdurdod adeiladu os nad hwnnw yw’r awdurdod. Yn yr Alban, bydd yn rhaid i’r awdurdod lleol anfon y cais i’r prif swyddog heddlu a naill ai’r awdurdod tân neu’r awdurdod adeiladu. Mae’n rhaid ymgynghori â nhw am unrhyw gais i newid, adnewyddu neu drosglwyddo tystysgrif.

Na fydd. Er budd y cyhoedd, mae’n rhaid i’r awdurdod brosesu eich cais cyn y gellir ei ganiatáu. 

Dylech gysylltu â ni os nad ydych wedi clywed gennym o fewn cyfnod rhesymol o amser.

56 diwrnod calendr.

Dim wedi’u gosod – yn unol â’r gost.

Gwasanaethau Gwarchod y Cyhoedd, Stryt y Lampint, Wrecsam. LL11 1AR.

E-bost: public_protection_service@wrexham.gov.uk.

Cysylltwch â ni yn y lle cyntaf.

Gall unrhyw ymgeisydd y gwrthodir ei gais am dystysgrif diogelwch oherwydd nad yw’n cael ei ystyried yn unigolyn cymwys gyflwyno apêl i’r llys ynadon.

Gall ymgeisydd y gwrthodir ei gais am dystysgrif diogelwch arbennig gyflwyno apêl i’r llys ynadon lleol hefyd yn erbyn penderfyniad i wrthod ei gais ar sail arall heblaw ‘r ffaith nad yw’n unigolyn cymwys.
 

Cysylltwch â ni yn y lle cyntaf.

Gall unrhyw ddeilydd trwydded sy’n dymuno apelio yn erbyn amod ynghlwm â’i dystysgrif, neu unrhyw beth sydd wedi’i hepgor o’r dystysgrif diogelwch, neu yn erbyn penderfyniad i newid neu adnewyddu tystysgrif diogelwch, gyflwyno apêl i’r llys ynadon. Gall hefyd apelio i Lys y Goron yn erbyn gorchymyn y llys ynadon.

Os ydych yn dymuno cwyno am unrhyw fater, rydym bob amser yn eich cynghori i gysylltu â’r masnachwr yn y lle cyntaf – trwy ysgrifennu llythyr yn ddelfrydol (gan ofyn am brawf bod y llythyr wedi cael ei ddanfon).

Os nad yw hyn yn llwyddiannus, os ydych yn byw yn y Deyrnas Unedig gallwch gael cyngor gan Cyngor ar Bopeth (dolen gyswllt allanol). Os ydych yn byw y tu allan i’r Deyrnas Unedig, cysylltwch â Chanolfan Defnyddwyr Ewropeaidd y Deyrnas Unedig (dolen gyswllt allanol).

Gall unrhyw un sy’n ymwneud â sicrhau cydymffurfiaeth â thelerau ac amodau’r dystysgrif diogelwch apelio i’r llys ynadon yn erbyn unrhyw amod sydd ynghlwm â’r dystysgrif, neu unrhyw beth sydd wedi’i hepgor o’r dystysgrif diogelwch, neu yn erbyn penderfyniad i wrthod newid neu adnewyddu tystysgrif diogelwch.