Mae Cefnogwyr Rhieni’n wirfoddolwyr sy’n gweithio ochr yn ochr â Gwasanaeth Gwybodaeth i Deuluoedd Wrecsam i ddarparu gwybodaeth a chyngor i’w cymunedau lleol. Maent yn cyfeirio rhieni a gofalwyr at wasanaethau lleol ac yn rhannu eu profiadau personol o fod yn rhiant ac yn cael mynediad at gefnogaeth eu hunain.
Cyfeiriadau ar gyfer rhieni a gofalwyr
Gallwch ofyn i gefnogwyr rhieni am bynciau amrywiol, gan gynnwys:
- Gweithgareddau a digwyddiadau ar ôl ysgol ac yn ystod gwyliau’r ysgol
- Gwasanaethau cymorth i rieni
- Gwasanaethau cymorth iechyd a lles
- Gwasanaethau cymorth perthnasoedd
- Gwasanaethau i blant anabl a phlant sydd ag anghenion ychwanegol
Derbyn cefnogaeth bellach
Os ydych chi wedi cwrdd â chefnogwr rhieni yn eich cymuned leol ac yn awyddus i gael cefnogaeth neu wybodaeth bellach, cysylltwch â ni drwy lenwi’r ffurflen ymholi GGiDW.
Dod yn gefnogwr rhieni
Rydym bob amser yn chwilio am gefnogwyr rhieni newydd a hoffai gefnogi’r teuluoedd yn eu hardal leol. I ddarganfod mwy am gyfleoedd i wirfoddoli gyda chefnogwyr rhieni, anfonwch e-bost at parentchampions@wrexham.gov.uk.