Sefydliadau yn darparu cynlluniau cymorth fel rhan o’r Grant Cymorth Tai.
Mae’r Grant Cymorth Tai yn rhaglen grant ymyrraeth gynnar sydd wedi’i hariannu gan Lywodraeth Cymru. Sefydlwyd y rhaglen i helpu rhai o bobl fwyaf diamddiffyn Cymru er mwyn iddyn nhw fyw’n annibynnol yn eu cartrefi eu hunain neu dai â chymorth.
Cyngor Wrecsam adran tai
Cynllun: Llety â Chymorth ac Allgymorth y Moorlands
- E-bost: housingsupportgateway@wrexham.gov.uk
- Pwy sy’n gymwys: Mae’n rhaid bodloni’r meini prawf cymhwyso canlynol i dderbyn y gwasanaeth:
- Rhaid bod â diagnosis o anabledd dysgu ysgafn i gymedrol a/neu fod yn oedolyn diamddiffyn sy’n ffinio ar fod ag anabledd dysgu
- Rhaid bod heb angen am gefnogaeth 24 awr y dydd
- Rhaid bod ag angen am gymorth cymwys â thai
- Rhaid bod yn fodlon cymryd rhan mewn gweithgareddau yn ystod y dydd
- Rhaid bod yn fodlon derbyn cefnogaeth drwy ddull rhwydwaith
- Faint o le sydd ar y Cynllun: 10 (llety), 45 (allgymorth)
Disgrifiad o’r gwasanaeth
Llety hunangynhwysol â chymorth yn y Moorlands – i gynorthwyo deiliaid contractau i fagu’r sgiliau ar gyfer symud ymlaen yn llwyddiannus i lety a byw’n annibynnol.
Allgymorth y Moorlands – cynorthwyo pobl fregus i gadw eu llety, cynorthwyo â budd-daliadau, cyfleustodau ac unrhyw faterion eraill er mwyn atal digartrefedd.
Cyngor Wrecsam gofal cymdeithasol
Cynllun: Llety Byw â Chymorth
- Rhif ffôn: 01978 292066
- Pwy sy’n gymwys:
- Pobl ag anableddau dysgu neu anableddau corfforol / niwroamrywiaeth / anghenion iechyd meddwl / anghenion synhwyraidd.
- Pobl ifanc ac oedolion 16 oed a hŷn, a gwaith pontio gyda phobl ifanc 15 oed sy’n bwriadu symud i lety Byw â Chymorth.
- Pobl sydd â chynllun cyflawni personol sy’n cadarnhau’r angen am gefnogaeth â thai, pobl â Chontract Meddiannaeth neu hawl i breswylio
Disgrifiad o’r gwasanaeth
Llety parhaol â chymorth. Cefnogaeth ar amryw ffurfiau: rhai adegau o’r dydd / yn ôl yr angen; 24 awr y dydd gyda gweithiwr yn cysgu dros nos; cefnogaeth 24 awr uwch gyda gweithiwr yn cysgu dros nos / gweithio drwy’r nos.