Fel mewn blynyddoedd blaenorol, cysylltir â phob aelwyd yn Wrecsam.  Gall hyn fod drwy anfon ffurflen canfasiad, llythyr neu drwy gysylltu ag unigolion drwy e-bost, tecstio neu alwad ffôn.

Os na fyddwn yn derbyn ymateb pan fyddwn ni angen un yn gyfreithiol, mae’n rhaid i ni geisio cysylltu unwaith eto. Gall hynny fod drwy ddull gwahanol i’r dull cyntaf.

Mae’n bwysig eich bod yn darllen y cyfathrebiad a anfonwyd gennym atoch yn ofalus (yn llythyr, ffurflen neu e-bost). Nid oes angen ymateb i bob llythyr canfasiad eleni.

Rydych angen dilyn y cyfarwyddiadau i wneud yn siŵr fod pawb sy’n byw yn eich eiddo (sy’n gymwys i bleidleisio) wedi cofrestru. Os oes gwybodaeth ar goll yna rhaid i chi gysylltu â ni i roi gwybod i ni. Os oes unrhyw bobl ifanc 14 i 17 oed neu ddinasyddion tramor eraill yn yr eiddo sydd heb eu rhestru, mae angen i ni gael eu manylion nhw hefyd. Byddem yn gwerthfawrogi ymateb sydyn fel nad oes angen anfon nodyn atgoffa atoch.

Os na fyddwch yn ymateb i’r cyfathrebiad neu’r nodyn atgoffa pan ofynnir i chi wneud hynny, o bosib byddwn yn eich ffonio o’n swyddfa neu bydd canfasiwr (swyddog o’r Cyngor) yn ymweld â’ch eiddo i gadarnhau hynny gyda chi yn bersonol.

Dilynwch y cyfarwyddiadau wedi’u darparu yn y cyfathrebiad. Os oes angen ymateb bydd hynny wedi’i nodi yn y cyfathrebiad. Os yn bosibl, defnyddiwch un o’r gwasanaethau isod gan ei fod yn ein helpu i arbed arian.

Ar-lein - i gadarnhau, ychwanegu, dileu neu ddiwygio manylion

Mewngofnodwch* i’r wefan ymateb aelwyd.

Gwasanaeth Ffôn Awtomataidd Rhadffôn – gellir ond ei ddefnyddio i gadarnhau bod manylion yn gywir

Ffoniwch 
0800 8840701 – Saesneg*
0800 8840702 - Cymraeg*

Neges Destun - i gadarnhau bod manylion yn gywir yn unig

Anfonwch neges NOCHANGE gyda’ch cod diogelwch* i ddilyn at 80212 (os nad oes neb yn gymwys i bleidleisio dylech gynnwys rheswm ar ôl eich cod diogelwch h.y. eiddo yn wag, busnes, ail gartref, dim, arall).

Ar ôl i ni dderbyn y wybodaeth mi wnawn ni ei wirio yn erbyn y gofrestr etholwyr. Os oes yna unrhyw ychwanegiadau, gwybodaeth i’w ddileu neu ddiwygio bydd yn cael ei ddiweddaru ar y gofrestr etholiadol.

Os byddwch yn dweud wrthym fod rhywun wedi symud o'r cyfeiriad, byddwn yn anfon llythyr at yr unigolyn hynny er mwyn i ni gael cadarnhad eu bod wedi symud. Mae’n ofynnol arnom fod gennym ddau ddarn o dystiolaeth i dynnu rhywun oddi ar y gofrestr etholiadol.

Ffurflen Gwahoddiad i Gofrestru

Os ydych wedi ychwanegu rhywun i’r eiddo yna mi fyddwn ni’n anfon ffurflen Gwahoddiad i Gofrestru yn y post neu dros e-bost iddyn nhw yn gofyn iddyn nhw ddarparu mwy o wybodaeth fel dyddiad geni a rhif yswiriant gwladol. Rydym angen y wybodaeth hon er mwyn cadarnhau eu hunaniaeth.

Os ydych wedi cael eich ychwanegu i eiddo rydym angen ymateb i’r ffurflen hon er mwyn cwblhau eich cofrestriad etholiadol. Ni fyddwch yn cael eich ychwanegu i’r gofrestr etholiadol nes ein bod wedi derbyn y wybodaeth hon. Gallwch gwneud hyn hefyd trwy gofrestru i bleidleisio ar lein.

Byddwch angen eich rhif yswiriant gwladol a’ch dyddiad geni i gwblhau’r broses. Y rheswm dros hynny yw cadarnhau eich hunaniaeth yn erbyn cofnodion yr Adran Gwaith a Phensiynau. Mae yna hefyd adran i’w chwblhau am unrhyw gyfeiriad blaenorol.

Mae’r adroddiad canlynol a gynhyrchwyd ar gyfer Tŷ'r Cyffredin yn crynhoi’r hyn mae’r gyfraith yn ei ddweud am eich cyfrifoldebau i ymateb i’r ffurflenni cofrestru a anfonwyd atoch chi.