Mae’n rhaid i ymgeiswyr roi o leiaf un mis o rybudd i’r cyngor dosbarth/bwrdeistref o’u bwriad i gynnal sêl cist car (neu i ganiatáu i’w tir gael ei ddefnyddio ar gyfer sêl cist car), oni bai fod elw’r sêl cist car am gael ei ddefnyddio’n bennaf neu’n gyfan gwbl at ddibenion elusennol, cymdeithasol, chwaraeon neu wleidyddol.
Rhaid cyflwyno ceisiadau ysgrifenedig (gan gynnwys drwy ddulliau electronig) a rhaid cynnwys enw a chyfeiriad yr ymgeisydd, ble a phryd mae’n dymuno cynnal y sêl ac enw a chyfeiriad meddiannydd y safle hwnnw, os yw’n wahanol i’r ymgeisydd.
