Dan Ddeddf Cwricwlwm ac Asesu (Cymru) 2021 mae Crefydd, Gwerthoedd a Moeseg yn disodli addysg grefyddol.
Rôl y Cyngor Ymgynghorol Sefydlog
Mae’r Cyngor Ymgynghorol Sefydlog yn cynghori’r awdurdod lleol ar addysgu a dysgu mewn perthynas â Chrefydd, Gwerthoedd a Moeseg, gan gynnwys:
- Darpariaeth Crefydd, Gwerthoedd a Moeseg orfodol ar gyfer dysgwyr 3-16 mewn ysgolion a gynhelir a lleoliad meithrin nas cynhelir a ariennir
- Darpariaeth Crefydd, Gwerthoedd a Moeseg ddewisol ar gyfer dysgwyr chweched dosbarth, a fydd yn dod i rym fis Medi 2027
Gall y Cyngor Ymgynghorol Sefydlog ddarparu cyngor ar y canlynol:
- Dulliau addysgu
- Y dewis o ddeunyddiau addysgu
- Hyfforddiant i athrawon
- Addoli ar y cyd mewn ysgolion cymunedol ac ysgolion sylfaen, nad oes ganddynt gymeriad crefyddol
- Unrhyw fater arall y mae’r awdurdod lleol yn cyfeirio ato neu fel sy’n briodol
Mae cyngor y Cyngor Ymgynghorol Sefydlog yn seiliedig ar Faes Llafur Cytunedig Wrecsam ar gyfer Crefydd, Gwerthoedd a Moeseg a’r canllawiau Cwricwlwm i Gymru ar Hwb.
Adroddiad blynyddol
Mae’r Cyngor Ymgynghorol Sefydlog yn cyhoeddi adroddiad blynyddol bob mis Chwefror sy’n amlinellu sut maen nhw wedi ymgymryd â’u swyddogaethau a pha gamau gweithredu y maen nhw wedi’u cymryd yn ystod y flwyddyn. Mae’r adroddiad hwn hefyd yn cael ei gyflwyno i Lywodraeth Cymru.
Cyngor Ymgynghorol Sefydlog ar Addysg Grefyddol (CYSAG)
Mae CYSAG Wrecsam yn dal yn bodoli ac yn parhau i gynghori’r awdurdod lleol ar addysg grefyddol tan y bydd y gwaith o gyflwyno’r Cwricwlwm i Gymru wedi gorffen. Fodd bynnag, mae’r cyngor bellach wedi’i gyfyngu i ddarpariaeth addysg grefyddol mewn ysgolion a gynhelir ar gyfer dysgwyr rhwng 11 a 18 oed yn unig, sy’n dal yn dilyn yr hen gwricwlwm.
Dolenni perthnasol
Rhagor o wybodaeth
Am fwy o wybodaeth am Gyngor Ymgynghorol Sefydlog Wrecsam a CYSAG Wrecsam, yn cynnwys copïau o gofnodion a phapurau cyfarfodydd, anfonwch e-bost i clerktosac.rve@wrexham.gov.uk.