Mae plant yn wynebu pwysau sylweddol a chynnwrf emosiynol pan fydd aelod o'r teulu yn cael ei garcharu.
Pan fydd teulu yn cael ei effeithio gan garchariad:
- mae'r teulu'n fwy tebygol o brofi tlodi a dyled, yn ogystal â theimlo stigma yn eu cymunedau
- mae plant yn tueddu i deimlo'n fwy ynysig mewn ysgolion ac yn fwy tebygol o wynebu ystod o ganlyniadau gwael, a allai arwain at fywydau tlawd/niweidiol.
Mae hyn hefyd yn effeithio ar blant a theuluoedd sydd â rhiant neu aelod o’r teulu mewn rhan arall o’r system cyfiawnder troseddol, ac nid dim ond yn y carchar.
Ynglŷn â Phrosiect FABI
Mae'r prosiect hwn wedi'i sefydlu i godi ymwybyddiaeth o'r problemau a wynebir gan deuluoedd y mae carcharu yn effeithio arnynt, yn ogystal ag annog gwaith atal a chymorth wedi'i dargedu, heb stigma.
Prif nodau prosiect FABI yw:
- Creu system ffurfiol i nodi plant yr effeithir arnynt gan riant yn y carchar fel eu bod, yn systematig, yn dod yn grŵp ‘gweladwy’ y gellir ei gefnogi’n well
- Helpu gwasanaethau lleol i ddeall a mynd i’r afael yn well ag anghenion iechyd a lles plant yr effeithir arnynt gan riant yn y carchar
- Helpu ysgolion ac amgylcheddau addysgol eraill i ddarparu gwell cymorth i blant yr effeithir arnynt gan riant yn y carchar
- Codi mwy o ymwybyddiaeth am effaith carcharu rhieni ar blant a theuluoedd
Gweithwyr proffesiynol – cymerwch ran yn y prosiect
Os yw eich gwaith yn ymwneud â'r mater hwn, cysylltwch â ni os hoffech gefnogi'r prosiect, neu os ydych yn meddwl y gallech ein helpu i ddatblygu'r prosiect.
Hoffem glywed gennych chi:
- Os ydych chi’n coladu ffigurau ynglŷn â niferoedd plant neu deuluoedd o ogledd Cymru y mae’r mater hwn yn effeithio arnynt
- Os oes gennych chi ddealltwriaeth benodol o anghenion teuluoedd yr effeithir arnynt gan garchariad drwy’r gwaith rydych chi’n ei wneud bob dydd
- Os ydych yn darparu cefnogaeth i deuluoedd sydd wedi eu heffeithio gan garchariad
- Os hoffech chi ddeall mwy am y mater hwn fel y gallwch chi ddarparu cefnogaeth yn y dyfodol
Cysylltwch â ni
E-bost: fabi@wrexham.gov.uk
Ychwanegwch eich gwasanaeth at ‘Dewis Cymru’
Os ydych yn darparu gwasanaeth lleol sy’n gallu cefnogi plant a theuluoedd y mae carchariad yn effeithio arnynt, rydym yn argymell eich bod yn ei ychwanegu at wefan Dewis Cymru.
Mae Dewis Cymru yn gyfeiriadur o wasanaethau cefnogi lleol yng Nghymru. Ei ddiben yw helpu pobl i gael mynediad at wasanaethau lleol yng Nghymru a dod o hyd i’r wybodaeth sydd ei hangen arnynt i wella eu lles eu hunain.
Mwy o wybodaeth ac adnoddau
Gallwch hefyd anfon e-bost at email fabi@wrexham.gov.uk i ofyn am gopïau blaenorol o newyddlen FABI, yn ogystal â mwy o adnoddau a gwybodaeth gefndir am y testun hwn.