Mae ein cynllun prentis Meithrin Cronfa o Dalent ein Hunain wedi cael ei sefydlu er mwyn sicrhau bod gennym gronfa o ymgeiswyr medrus yn gweithio ar draws ein gwasanaethau yn y blynyddoedd i ddod.

Rydym ni wedi datblygu'r cynlluniau prentisiaeth hyn ledled y Cyngor sy’n cefnogi cefndiroedd gwahanol ac yn darparu ystod o gyfleoedd a phrofiadau gwaith i gyflawni cymwysterau yn y maes gyrfa yr ydych chi’n ei ffafrio.

Gallwn gynnig profiad gwaith gwerthfawr a chymorth i ddatblygu eich sgiliau, arbenigedd a’ch gwybodaeth a’r bwriad yw cael gwaith parhaol gyda ni.

Buddion

Fel prentis neu weithiwr dan hyfforddiant, gallwch fwynhau ystod o fuddion, gan gynnwys:

• Dewis i ymuno â’r Cynllun Pensiwn Llywodraeth Leol
• Gweithio’n hyblyg a chydbwysedd rhwng bywyd a gwaith 
• Hawl i wyliau blynyddol hael 
• Amrywiaeth o fentrau ar gyfer iechyd a lles  
• Cynllun gwobrwyo’r Cyngor sydd â nifer o ostyngiadau a chynigion
• Gostyngiad ar aelodaeth mewn canolfannau hamdden
• Dysgu, hyfforddiant a datblygu

Ymgeisiwch rŵan

Cynllun Prentisiaeth Corfforaethol (2 flynedd)

Fel prentis corfforaethol byddwch yn cael eich cefnogi gan Goleg Cambria a’n tîm Datblygu’r Gweithlu i gwblhau cymhwyster NVQ dysgu ar sail gwaith ynghyd â chyfle i symud ymlaen i’r lefel uwch.  

Er mwyn sicrhau eich bod yn derbyn y profiad a datblygiad gorau bosibl, bydd eich lleoliad ar draws ystod o feysydd gwasanaeth dros gyfnod o ddwy flynedd. Byddwn yn canfod rheolwr/mentor i’ch arwain chi ar hyd eich lleoliad, gan sicrhau eich bod yn derbyn cefnogaeth lles a swydd er mwyn eich galluogi i berfformio hyd eithaf eich gallu ac ennill cymaint o brofiad â phosibl.

Fel prentis byddwch yn:

• Ennill cyflog - £12,346.00
• Treulio amser gyda staff profiadol
• Gweithio tuag at gymhwyster yn gysylltiedig â swydd
• Cael gwyliau â thâl a chael yr un buddion â gweithwyr eraill
• Gweithio am tua 37 awr yr wythnos

Pwy all wneud cais?

Gallwch wneud cais ar gyfer y Cynllun Prentisiaeth Corfforaethol:

• Os ydych chi’n 16 mlwydd oed neu’n hŷn
• Os na fyddwch chi mewn addysg llawn amser ym mis Medi nesaf
• Os ydych chi’n bwriadu trosglwyddo o fod yn fyfyriwr i unigolyn ym myd gwaith  
• Os ydych chi’n ddi-waith ac yn dymuno rhoi cynnig ar rywbeth newydd
• Os oes gennych chi’r ymagwedd, y gwerthoedd a’r ymddygiadau cywir tuag at waith – ymddiriedaeth, parch, uniondeb, hyblygrwydd, arloesedd ac ymrwymiad
• Os oes gennych o leiaf 5 TGAU Gradd C neu uwch (neu gyfwerth) yn cynnwys Cymraeg neu Saesneg Iaith a Mathemateg

Ble fyddwch yn gweithio?

Yn dibynnu ar yr hyn yr ydych chi’n ei ffafrio, mae nifer o leoliadau ar gael yn y gwasanaethau canlynol:

• Economi a Chynllunio
• Tai
• Addysg a’r Gwasanaeth Ymyrraeth Gynnar
• Cyllid a TGCh

Ymgeisiwch rŵan

Cynllun gwaith Amgylcheddol dan Hyfforddiant (2 flynedd)

Mae ein cynllun 2 flynedd yn cynnig cyfleoedd profiad gwaith gwerthfawr ac yn eich cefnogi chi i ddatblygu eich sgiliau a gwybodaeth, wrth weithio tuag at gyflawni cyflogaeth barhaol gyda ni. Mae ein rhaglen hyfforddeiaeth yn cyfuno gwaith swyddfa ac ar y safle, gan roi sgiliau a phrofiad i chi ac adeiladu eich hyder.

Fel gweithiwr dan hyfforddiant byddwch yn:

• Ennill cyflog (Blwyddyn 1 - G02, £22,366, Blwyddyn 2 - G03, £22,737)
• Treulio amser gyda staff profiadol a meithrin sgiliau ymarferol yn gyflym
• Cael gwyliau â thâl a chael yr un buddion â gweithwyr eraill
• Gweithio am 37 awr yr wythnos 
• Meithrin sgiliau o amrywiaeth o leoliadau ledled ein Hadran Amgylchedd a Thechnegol

Pwy all wneud cais?

Gallwch wneud cais ar gyfer y Cynllun Prentisiaeth Crefft Tai:

• Os ydych chi’n 16 mlwydd oed neu’n hŷn
• Os na fyddwch chi mewn addysg llawn amser ym mis Medi nesaf
• Os ydych chi’n bwriadu trosglwyddo o fod yn fyfyriwr i unigolyn ym myd gwaith  
• Os ydych chi’n ddi-waith ac yn dymuno rhoi cynnig ar rywbeth newydd
• Os oes gennych chi’r ymagwedd, y gwerthoedd a’r ymddygiadau cywir tuag at waith – ymddiriedaeth, parch, uniondeb, hyblygrwydd, arloesedd ac ymrwymiad
• Os yw’n well gennych chi ddysgu drwy brofiad gwaith

Lleoliadau Blwyddyn 1

Yn ystod y flwyddyn gyntaf byddwch ar bedwar lleoliad. Bydd y rhain o fewn:

• Gwastraff ac ailgylchu
• Cynnal a Chadw Priffyrdd
• Cefnogaeth i Fusnesau
• Prosiectau 

Lleoliadau Blwyddyn 2

Yn ystod yr ail flwyddyn byddwch yn cael eich rhoi ar bedwar lleoliad o’ch dewis o’r canlynol:

• Gwastraff ac ailgylchu
• Strategaeth Gwastraff
• Contractau a Pheirianneg
• Cludiant
• Cynnal a Chadw Priffyrdd
• Gorfodi
• Lleihau Carbon
• Cefnogaeth i Fusnesau
• Rheoli Fflyd
• Prosiectau 
• Yr Amlosgfa a Mynwentydd
• Gwaith Stryd
• Mannau Agored
• Goleuadau Stryd

Ymgeisiwch rŵan