Yn 2016, pasiodd Llywodraeth Cymru Ddeddf Rhentu Cartrefi (Cymru) 2016.
Mae’r ddeddf wedi bod ar waith ers 1 Rhagfyr, 2022. Cyflwynodd lawer o newidiadau i gyfreithiau tenantiaeth ac mae’n berthnasol i’r sectorau rhentu cymdeithasol a phreifat.
Mae’r dywediadau ‘contract meddiannaeth’ a ‘deiliaid contract meddiannaeth sy’n cael eu defnyddio ar y dudalen hon yn cymryd lle'r dywediadau ‘contractau tenantiaeth’ a ‘thenantiaid’.
Pwrpas y ddeddf
Nod y ddeddf yw:
- gwneud hi’n haws ac yn fwy syml i landlordiaid a deiliaid contract meddiannaeth i rentu cartref yng Nghymru
- symleiddio cytundebau a gwella cyflwr cartrefi rhent yng Nghymru
- cynnig mwy o ddiogelwch a sicrwydd i ddeiliaid contract meddiannaeth a landlordiaid
Ar bwy mae’r ddeddf yn effeithio
- Pob landlord - preifat a chymdeithasol
- Holl ddeiliaid contract meddiannaeth - preifat a chymdeithasol
Newidiadau penodol
- Disodlwyd cytundebau tenantiaeth gan gontractau meddiannaeth.
- Sicrwydd cynyddol i ddeiliaid contract meddiannaeth rhent preifat - mae’n rhaid i landlordiaid roi rhybudd o 6 mis cyn belled â bod y contract heb ei dorri.
- Rhaid i bob eiddo fod yn ddiogel ac o safon y gellir byw ynddynt - mae hyn yn cynnwys cael larymau mwg sy’n gweithio, larymau carbon monocsid a phrofion diogelwch trydanol.
- Mae deiliaid contract meddiannaeth wedi cynyddu hawliau olyniaeth i’w basio ar eu cartref
- Gellir ychwanegu neu ddileu deiliad contract heb fod angen terfynu’r contract.
- Gall landlordiaid adfeddiannu eiddo a adawyd heb orchymyn llys, ar yr amod bod ymchwiliadau wedi'u cynnal.
Beth mae’n ei olygu i chi fel deiliad contract meddiannaeth
Mae’r ddeddf yn:
- symleiddio a gwella eich hawliau fel deiliad contract meddiannaeth (mae contractau yn cynnig gwell diogelwch a sicrwydd i chi)
- gwella sut mae landlordiaid yn rheoli cartrefi a rentir yng Nghymru
- rhoi gwell diogelwch fel deiliaid contract meddiannaeth yn y sector rhentu preifat
Sut y bydd yn effeithio’n uniongyrchol arnoch chi
- Bydd unrhyw gytundeb tenantiaeth bresennol yn cael ei newid yn awtomatig o’ch contract tenantiaeth bresennol i gontract newydd a byddwch yn derbyn copi o’r contract newydd erbyn 1 Mehefin, 2023.
- Os ydych chi’n dod yn ddeiliad contract meddiannaeth newydd byddwch yn arwyddo eich contract yn y ffordd arferol ac yn derbyn copi o fewn 14 diwrnod.
Nid yw'r ddeddf yn effeithio ar eich rhent ac ni fydd yn costio unrhyw arian i chi.
Beth sydd angen i chi ei wneud
Yr unig beth sydd angen i chi ei wneud yw darllen eich contract ac ymgyfarwyddo â'ch hawliau a'ch cyfrifoldebau.
Mwy o wybodaeth
'Mae’r ffordd yr ydych chi’n rhentu yn newid... i denantiaid a landlordiaid'
Os oes gennych unrhyw gwestiynau, gallwch e-bostio rentinghomes@wrexham.gov.uk.