Lle ydyn ni arni bellach?
Fel eich landlord mae’n bwysig ein bod yn gwybod sut rydych yn teimlo am eich cartref, eich cymdogaeth, a’r gwasanaeth rydym yn ei ddarparu i chi. Bob dwy flynedd rydym yn cynnal arolwg i ganfod gwybodaeth allweddol gennych chi, ac rydym wedyn yn defnyddio’r wybodaeth honno i helpu i siapio’n gwasanaethau.
Cynhaliwyd yr arolwg diwethaf yn hwyr yn 2019. Fe wnaethom dderbyn 1096 o ymatebion, sydd yn gyfwerth ag oddeutu 16% o’n tenantiaid. Dyma grynodeb o’r cwestiynau craidd a ofynnwyd yn 2019 a’r canran o’r rheiny a ymatebodd a oedd yn fodlon.
Ymatebion boddhad tenantiaid
| Cwestiwn craidd | % o ymatebwyr |
|---|---|
| Gan ystyried pob dim, pa mor fodlon neu anfodlon ydych chi â’r gwasanaeth a ddarperir gan Wasanaethau Tai Cyngor Wrecsam? | 77% |
| Pa mor fodlon neu anfodlon ydych chi ag ansawdd cyffredinol eich cartref? | 77% |
| Pa mor fodlon neu anfodlon ydych chi gyda’ch cymdogaeth fel lle i fyw? | 79% |
| Pa mor fodlon neu anfodlon ydych chi fod eich rhent yn cynnig gwerth am arian? | 70% |
| Pa mor fodlon neu anfodlon ydych chi fod eich taliadau gwasanaeth yn cynnig gwerth am arian? | 65% |
| Pa mor fodlon neu anfodlon ydych chi fod Gwasanaethau Tai Cyngor Wrecsam yn gwrando ar eich safbwyntiau ac yn gweithredu arnynt? | 59% |