- Mae'r tocyn tymor yn ddilys ym Mharc Gwledig Tŷ Mawr, Canolfan Ymwelwyr Melin y Nant a meysydd parcio Gwersyllt a Llai Parc Gwledig Dyfroedd Alun. Nid yw'n ddilys mewn unrhyw faes parcio arall y Cyngor.
- Mae tocynnau tymor yn drwydded 'rithwir', ac ni ddarperir unrhyw drwydded ffisegol. O Medi 12 2025 bydd pob trwydded yn cael ei chyhoeddi'n rhithwir. Bydd trwyddedau papur yn parhau i fod yn ddilys tan eu dyddiad dod i ben (os oes gennych drwydded bapur ddilys o hyd, gwiriwch yr amodau defnydd blaenorol yn lle hynny)
- Nid yw tocyn tymor a roddir i'r deiliad yn drosglwyddadwy i berchnogion cerbydau eraill. Maent yn cael eu cyhoeddi i'r rhif cofrestru cerbyd a nodir ar eich cais. Os ydych chi (y deiliad) yn newid cerbydau, gellir newid manylion cerbyd newydd drwy eich cyfrif ar-lein.
- Gall swyddogion wirio eich tocyn tymor rhithwir ar-lein.
- Nid yw cerbydau sy'n arddangos Bathodyn Glas dilys yn destun ffioedd ac felly nid oes angen tocyn tymor arnynt.
- Mae tocynnau tymor yn ddilys am 12 mis o'r dyddiad cyhoeddi.
- Nid yw Cyngor Bwrdeistref Sirol Wrecsam (“y Cyngor”)yn derbyn unrhyw gyfrifoldeb dros golled neu ddifrod i geir sydd wedi’u parcio yn y maes parcio nac am gynnwys y ceir hynny oni bai bod colled neu ddifrod wedi’i achosi gan esgeulustod y Cyngor.
- Nid yw'r Cyngor yn derbyn unrhyw gyfrifoldeb am unrhyw anaf personol i ddeiliad y tocyn tymor, unrhyw deithiwr gyda deiliad y tocyn tymor, nac unrhyw bersonau sydd wedi'u hawdurdodi gan y perchennog i fynd i mewn i'r maes parcio mewn cysylltiad â defnyddio'r tocyn tymor, oni bai bod anaf o'r fath yn cael ei achosi gan esgeulustod y Cyngor.
- Ni chaiff deiliad y tocyn tymor, tra bydd yn y maes parcio, beri na chaniatáu i'w gerbyd gael ei barcio fel ei fod yn rhwystro unrhyw ffordd fynediad, ardal wasanaeth neu fae, hydrant, is-orsaf neu unrhyw fynedfa neu allanfa o adeiladau sy'n gyfagos i'r maes parcio.
- Mae'r Cyngor yn cadw'r hawl i gau'r maes parcio y mae'r tocyn tymor yn ymwneud ag ef ar unrhyw ddiwrnod pan fo angen y maes parcio ar gyfer unrhyw ddigwyddiad dinesig neu ddigwyddiad arbennig arall, mewn amodau tywydd garw, os bydd argyfwng cyhoeddus, neu pan fo angen atgyweirio a chynnal a chadw i'r maes parcio ei hun neu i unrhyw adeiladau neu gyfleusterau cyfagos.
- Mae'r Cyngor yn cadw'r hawl i derfynu'r hawl i barcio a roddir gan y tocyn tymor. Ni roddir unrhyw ad-daliadau os yw'r consesiwn tocyn tymor yn cael ei derfynu gan y Cyngor neu os nad oes angen y tocyn ar y prynwr mwyach.
- Mae'r Cyngor yn cadw'r hawl i gyhoeddi hysbysiad tâl cosb mewn unrhyw achos o gerbydau lle:
a. Nad oes cais na thâl wedi’i wneud am drwydded rithwir ddilys ar ei gyfer
b. Mae'r cerbyd wedi'i barcio'n anghywir
c. Nid oedd caniatâd am y math o gerbyd yn yr ardal honno.
d. Roedd unrhyw drelar wedi'i adael yn y man parcio heb docyn
e. Unrhyw achos arall o fynd yn groes i Orchymyn perthnasol Cyngor Bwrdeistref Sirol Wrecsam (man parcio oddi ar y stryd)
I gael gwybodaeth am sut mae Cyngor Bwrdeistref Sirol Wrecsam yn trin data personol, gweler ein hysbysiadau preifatrwydd ar ein gwefan.