Mae'r dudalen we hon yn darparu gwybodaeth allweddol i drigolion, rhieni a gofalwyr wrth i gynllun Strydoedd Ysgol gael ei gyflwyno. Bydd y cynllun yn helpu i wella diogelwch a hyrwyddo teithio egnïol yn ystod amseroedd gollwng a chasglu plant i'r ysgol.
Beth yw Stryd Ysgol?
Mae Stryd Ysgol yn gynllun lle mae ffordd sydd tu allan i ysgol ar gau dros dro i'r rhan fwyaf o gerbydau yn ystod amseroedd gollwng a chasglu plant o’r ysgol yn ystod y tymor.
Mae hyn yn helpu i:
- lleihau perygl traffig
- gwella ansawdd aer
- annog teithio egnïol
- lleihau tagfeydd a pharcio anystyriol
Dim ond rhai cerbydau sy'n cael mynediad yn ystod yr amseroedd cyfyngedig (gweler yr eithriadau isod).
Pwy all barhau i gael mynediad i barth Strydoedd Ysgol?
Mae cerbydau eithriedig yn cynnwys:
- preswylwyr â thrwyddedau Strydoedd Ysgol dilys
- deiliaid Bathodyn Glas
- bysiau ysgol a chludiant ysgol
- trafnidiaeth gyhoeddus a thacsis sy'n gwasanaethu'r ardal gyfyngedig
- gwasanaethau brys a gweithwyr gofal iechyd
- cyfleustodau a chrefftwyr sy'n gweithio yn yr ardal
- gwasanaethau post a dosbarthu
Yn dibynnu ar yr ysgol, efallai y bydd opsiwn i staff yr ysgol deithio trwy'r cyfyngiad i gael mynediad i'r safle.
Bydd preswylwyr yn derbyn gwybodaeth ar sut i wneud cais am Docyn Strydoedd Ysgol. Rhaid arddangos y rhain yn glir mewn unrhyw gerbyd sy'n mynd drwy’d gofyngiad yn ystod y cyfyngiadau.
Pryd fydd cyfyngiadau'n berthnasol?
Mae Strydoedd Ysgol yn gweithredu:
- dydd Llun i Ddydd Gwener yn ystod tymor yr ysgol yn unig
- yn ystod amseroedd gollwng a chasglu'r ysgol
- bydd amseroedd yn cael eu dangos ar arwyddion ffyrdd wrth fynedfa parth Strydoedd Ysgol
Nid oes unrhyw gyfyngiadau yn ystod penwythnosau na gwyliau ysgol.
Ein Cynlluniau Strydoedd Ysgol cyfredol:
Victoria C.P
8.30-9.15yb
2.30-3.30yp