Gellir prynu tocyn tymor i dalu ffioedd parcio ym Mharc Gwledig Dyfroedd Alun, Melin y Nant a Pharc Gwledig Tŷ Mawr am gost o £50 am flwyddyn.
Sut i wneud cais am docyn tymor ar-lein
Cyfrif wedi'i sefydlu
Y tro cyntaf i chi brynu trwydded; bydd angen i chi greu 'Fy nghyfrif hawlen' (dilynwch y ddolen hon a dewis 'Creu cyfrif newydd').
Rhaid i'r cyfrinair gynnwys o leiaf 8 nod gan gynnwys un llythyren fach, un prif lythyren ac un rhif.
Yna gofynnir i chi ychwanegu eich manylion personol, sy'n cynnwys eich cyfeiriad cartref.
Ar ôl i chi ddewis 'Gorffen', byddwch chi’n derbyn e-bost gyda dolen y bydd angen i chi ei dilyn i actifadu'ch cyfrif.
Gwneud cais am drwydded
- Ar ôl i chi sefydlu cyfrif, mewngofnodwch i'ch ‘Fy nghyfrif hawlen' a dewis 'Cais am Drwydded'.
- Dewiswch 'trwydded maes parcio parciau gwledig' ar gyfer categori’r drwydded.
- Dewiswch y 'Cyfnod Cyhoeddi' (h.y. 12 mis) yna dewiswch y dyddiad pan hoffech i'ch trwydded ddechrau.
- Rhowch fanylion cofrestru ar gyfer eich cerbyd (dylai hyn fod yn llythrennau a rhifau yn unig, heb fylchau).
- Adolygwch y wybodaeth rydych chi wedi'i rhoi, a thicio i dderbyn y Telerau ac Amodau.
- Yna dewiswch 'Gwneud Taliad', ar ôl i chi nodi eich manylion (cerdyn debyd neu gredyd) a gweld sgrin cadarnhau taliad, dewiswch 'Gorffen'.
Yna byddwch yn derbyn 2 e-bost, Un sy'n cadarnhau bod eich trwydded wedi'i phrynu, a'i bod bellach yn ddilys i'w defnyddio, ac un sy'n cadarnhau eich taliad.
Pan fydd eich tocyn yn ddilys, mae hyn yn golygu y gall ein Swyddogion Gorfodi wirio cofrestriad eich cerbyd i weld a oes ganddo drwydded (nid oes angen i chi arddangos unrhyw beth yn eich cerbyd).
Byddwch yn derbyn nodyn atgoffa 30 diwrnod (os yw'n berthnasol) a 2 ddiwrnod cyn i’ch trwydded ddod i ben.
Er mwyn prynu trwydded newydd, ailadroddwch y camau uchod.