Mae rheoliadau adeiladu wedi'u llunio i ddiogelu iechyd, diogelwch a lles pobl mewn ac o amgylch adeiladau. 

Mae’r rheoliadau yn cyflenwi nifer o ffactorau sydd efallai angen eu hystyried mewn gwaith adeilad (er enghraifft sadrwydd strwythurol, diogelwch tân, diogelwch trydan, draenio). Maent hefyd yn helpu sicrhau mynediad a chyfleusterau i bobl anabl, yn ogystal ag annog y sgwrs ar danwydd a phŵer.

Os ydych yn berchen ar dŷ ac yn bwriadu adeiladu estyniad neu addasiad, efallai bydd arnoch angen cymeradwyaeth rheoliadau adeiladu yn ogystal â chaniatâd cynllunio. Mewn rhai achosion, efallai bydd angen cymeradwyaeth rheoliadau adeiladu ar gyfer prosiect er nad oes angen caniatâd cynllunio.

A oes arnaf angen cymeradwyaeth rheoliadau adeiladu?

Rydych yn debygol o fod angen cymeradwyaeth rheoliadau adeiladu os ydych eisiau gwneud unrhyw un o’r canlynol:

  • gosod adeilad newydd neu ymestyn neu newid un presennol
  • darparu gosodiadau megis draeniau ac offer cynhyrchu gwres 
  • darparu cyfleusterau iechydol, ymolchi neu storfa dŵr poeth
  • gosod gwydr dwbl newydd

Efallai bydd arnoch angen meddwl am y rheoliadau adeiladu os ydych am newid defnydd adeilad presennol, neu os bydd y gwaith yn effeithio ar eiddo cyfagos.

Mae gwefan Rheoli Adeiladu Awdurdodau Lleol (LABC) yn darparu canllaw pellach ar y mathau o brosiectau adeiladu sydd angen cymeradwyaeth rheoliadau adeiladu.

LABC: a oes arnaf angen cais am reoliadau adeiladu? (dolen gyswllt allanol)

Gallwch gysylltu â ni drwy anfon e-bost at bc_admin@wrexham.gov.uk cyn dechrau unrhyw waith adeiladu, fel y gallwn eich cynghori os yw'r rheoliadau yn berthnasol.

Archwiliad

Fel awdurdod lleol rydym yma i sicrhau bod y gwaith adeiladau ar y safle yn cydymffurfio â rheoliadau adeiladu a deddfwriaeth.

Mae'n rhaid i chi (ceisydd/ contractwr) ein cynghori pan fydd gwaith yn dechrau fel gall y syrfëwr drefnu i’ch cyfarfod ar y safle. Gallwch gysylltu â ni drwy anfon e-bost at bc_admin@wrexham.gov.uk, neu drwy ffonio 01978 298870.

Y prif gamau archwilio yw:
1.    Dechrau’r gwaith
2.    Cloddio ar gyfer sylfeini
3.    Cwrs atal lleithder
4.    Draenio cyn eu gorchuddio
5.    Profi’r draeniau
6.    Adeiladu llawr a tho
7.    Cwblhau archwiliad

Ar ddiwedd y gwaith, mae’n rhaid i syrfëwr gyflawni archwiliad cwblhau, fel y gellir darparu tystysgrif cwblhau, a ddylid ei roi gyda’r gweithredoedd yr eiddo ar gyfer cyfeirnod yn y dyfodol.

Enw a rhifo Stryd

Mae'r adran rheoli adeiladu yn gyfrifol am enwi a rhifo datblygiadau tai, masnach a diwydiannol newydd.

Y prif gamau o’r broses yw:

  • Cyswllt cynnar gyda datblygwyr posibl i gytuno ar enwau
  • Cyswllt rhwng Aelodau’r Cyngor, Swyddfa'r Post a chyrff statudol eraill
  • Mae’n rhaid enwi a rhifo ffyrdd ac eiddo newydd yn unol â’r canllawiau a gweithdrefnau cymeradwy, cyn y bydd adeilad yn cael ei feddiannu.

Gwneud cais am gymeradwyaeth rheoliadau adeiladu

Mathau o gymeradwyaeth rheoliadau adeiladu

Mae dwy ffordd o wneud cais am gymeradwyaeth rheoliadau adeiladu – drwy gais cynlluniau llawn neu gais hysbysiad adeiladu.

Cynlluniau Llawn

Ar gyfer cais cynlluniau llawn, mae angen cynhyrchu cynllun yn dangos yr holl fanylion adeiladu, dipyn cyn i chi ddechrau adeiladu.

Bydd y cais yn cael ei wirio’n fanwl gennym ni, a gallwn ofyn am ddiwygiadau i'r cynlluniau cyn i ni eu cymeradwyo. Gallwn ychwanegu amodau i gymeradwyaeth, gyda’ch cytundeb ysgrifenedig.

Hysbysiad adeiladu

Ar gyfer ceisiadau hysbysiad adeiladu, bydd y gwaith adeiladu yn cael eu hymchwilio fel y mae’n mynd rhagddo. Cewch eich cynghori gan syrfëwr rheoli adeiladu, ar unrhyw adeg, os nad yw’r gwaith yn cydymffurfio â’r rheoliadau.

Fodd bynnag, os byddwn angen unrhyw wybodaeth bellach ynghylch eich cynnig naill ai cyn y dyddiad dechrau neu yn ystod y gwaith adeiladu, gofynnir i chi ddarparu manylion a geisir.

Mae’n rhaid i chi deimlo’n hyderus y bydd y gwaith yn cydymffurfio â'r rheoliadau neu eich risg o gywiro hyn yn ôl ein cais.

Canllaw rheoliadau adeiladu
Darllenwch ein canllaw rheoliadau adeiladu cyn cwblhau ein ffurflen cymeradwyaeth rheoliadau adeiladu.

Sut i wneud cais am gymeradwyaeth rheoliadau adeiladu

I wneud cais am ffurflen cymeradwyaeth rheoliadau adeiladu, neu i gael gwybodaeth ynghylch ffioedd rheoliadau adeiladu, anfonwch e-bost at bc_admin@wrexham.gov.uk.

Ar ôl i chi gwblhau’r ffurflen gais, bydd arnoch angen ei dychwelyd drwy e-bost at bc_admin@wrexham.gov.uk  neu ei argraffu allan a’i anfon at ‘Cyngor Bwrdeistref Sirol Wrecsam – Adran Gynllunio,  Stryt y Lampint, Wrecsam. LL11 1AR’.

Fel arall, gallwch ddefnyddio’r Porth Cenedlaethol Rheoli Adeiladu Awdurdodau Lleol ‘Cyflwyno Cynllun’ i wneud cais.

Cyflwyno Cynllun (dolen gyswllt allanol)