Nodiadau Cyfarwyddyd Deddf Ailsefydlu Troseddwyr (1974)

Datgelu Collfarnau Troseddol

Dan y Ddeddf hon, gofynnir i chi ddatgelu manylion o gollfarnau blaenorol, hyd nes i gyfnod penodol o amser fynd heibio a daw’r collfarnau hyn yn rhai ‘wedi darfod’.

Dan y Ddeddf uchod, nid oes raid i chi roi manylion am fân-droseddau gyrru na chollfarnau blaenorol os ydynt ‘wedi darfod’. Mae hyn yn cynnwys y dyddiad rydych yn llofnodi’r ffurflen gais.

Dylech nodi’r canlynol wrth ystyried a yw collfarn ‘wedi darfod’:-

  1. hanerir cyfnodau ‘wedi darfod’ os digwyddodd y gollfarn pan oeddech yn 17 oed neu iau;
  2. ni fydd dedfryd o fwy na 2½ flynedd yn y carchar yn ‘darfod’ byth;
  3. nid yw dedfryd o gadw ataliol a dedfryd cadw yn ystod pleser ei Mawrhydi byth yn ‘darfod’; neu
  4. nad yw’n bwysig i’r broses o gyfrif collfarn ‘wedi darfod’ pa un a ohiriwyd y dedfryd neu beidio.

Ymdrinnir â’r wybodaeth a roddwch yn hollol gyfrinachol. Ni fydd cael collfarn yn eich rhwystro rhag cael eich cyflogi o angenrheidrwydd. Bydd yn dibynnu ar amgylchiadau a chefndir y drosedd ac ystyrir hyn wrth ystyried pa mor addas ydych chi ar gyfer y math o waith dan sylw, os bydd eich cais yn llwyddiannus.

Gallai methiant i ddatgelu unrhyw gollfarnau nad ydynt ‘wedi darfod’ arwain at dynnu’r cynnig o waith yn ei ôl. Os penodwyd chi eisoes, gellid eich diswyddo heb rybudd.

Darllenwch y rhestr isod sy’n manylu ar y cyfnodau ailsefydlu ar gyfer collfarnau troseddol.

Collfarnau Troseddol a’r Cyfnodau Cyn iddynt Ddarfod

Dedfryd Yn darfod ar ôl
Dedfryd o garchar neu ddalfa’r ifanc sy’n fwy na chwe mis ond nad yw’n fwy na dwy flynedd a hanner. 10 mlynedd
Dedfryd o garchar neu ddalfa’r ifanc heb fod yn fwy na chwe mis. 7 mlynedd
Dedfryd o hyfforddiant Borstal 7 mlynedd
Dirwy neu ddedfryd arall dan y Ddeddf hon na chwmpaswyd hwy yn y tabl hwn 5 mlynedd
Rhyddhad diamod 6 mis
Gorchymyn prawf, rhyddhad amodol neu rwymo, gorchmynion rhywun addas, gorchymyn goruchwylio neu orchymyn gofal dan Ddeddfau Plant a Phobl Ifanc (a’r deddfau cyfatebol yn yr Alban) 1 flwyddyn neu hyd nes i'r gorchymyn ddod i ben (pa un bynnag sydd hwy)

 

Dedfryd Yn darfod ar ôl
Dwyn arian, rhyddhad ag anurddas neu ddiswyddiad â chywilydd o Wasanaeth Ei Mawrhydi 10 mlynedd
Diswyddiad o Wasanaeth Ei Mawrhydi 7 mlynedd
Dedfryd cadw mewn perthynas â chollfarn mewn achos disgyblu mewnol 5 mlynedd
Cadw dan gyfeiriad yr Ysgrifennydd Cartref ,
am gyfnod sy’n fwy na chwe mis ond nad yw’n fwy na dwy flynedd a hanner 5 mlynedd
am gyfnod nad yw’n fwy na chwe mis 3 mlynedd
am orchymyn ganolfan ddisgyblu 3 mlynedd
am orchymyn canolfan remán, gorchymyn ysgol a gymeradwyir neu orchymyn canolfan ymbresenoli Cyfnod y gorchymyn ynghyd â blwyddyn arall ar ôl i’r gorchymyn ddod i ben
am orchymyn ysbyty dan y Deddfau Iechyd Meddwl Cyfnod y gorchymyn ynghyd â 2 flynedd arall ar ôl i’r gorchymyn ddod i ben (â lleiafswm o 5 mlynedd o ddyddiad y gollfarn)

Eithriadau dan y Ddeddf Ailsefydlu Troseddwyr

Mae categorïau penodol o swyddi a dosbarthiadau cyflogaeth a eithrir dan ddarpariaethau’r Ddeddf. Golyga hyn nad yw collfarnau’n “darfod” ar gyfer swyddi yn y categorïau hyn. Felly, os ydych yn ymgeisio am swydd sy’n dod o fewn un o’r categorïau gwaith a restrir isod, bydd raid i chi ddatgan unrhyw gollfarnau sydd gennych pa un a yw’r terfyn amser wedi dod i ben neu beidio. Fel arfer, ym maes llywodraeth leol, maent fel a ganlyn:

  • Unrhyw swydd neu gyflogaeth sy’n ymwneud â darparu llety, gofal, cyfleusterau hamdden ac adloniant, addysg, gwasanaethau cymdeithasol, goruchwyliaeth neu hyfforddiant i unigolion dan 18 oed, sef swydd neu gyflogaeth sy’n galluogi’r deiliad i gael mynediad, wrth gyflawni ei ddyletswyddau arferol a gyflawnir yn hollol neu’n rhannol ar yr eiddo lle cynigir y ddarpariaeth honno.

  • Cyflogaeth sy’n gysylltiedig â darparu gwasanaethau cymdeithasol sy’n cynnwys pobl ifanc, pobl dros 65 oed, pobl ag anableddau meddwl a chorfforol, pobl ddifrifol sâl, anabl neu bobl sy’n ddibynnol ar gyffuriau neu alcohol.

  • Cyflogaeth sy’n gysylltiedig â darparu gwasanaethau i oedolion hawdd eu niweidio h.y. darparu llety a gofal nyrsio neu bersonol mewn cartref gofal neu yng nghartref unigolion hawdd eu niweidio neu wasanaethau a ddarperir mewn lleoliad sy’n diwallu ar gyfer unigolyn ag anawsterau dysgu.

  • Cyflogaeth sy’n ymwneud â darparu gwasanaethau iechyd, yn y Gwasanaeth Iechyd Cenedlaethol neu rywle arall, sy’n cynnwys mynediad i gleifion.


 Cau'r ffenestr hon