YMATEB 999 - Mae Pob Munud Yn Cyfrif

Menter newydd yw YMATEB i geisio lleihau marwolaethau ac anafiadau difrifol mewn gwrthdrawiadau ar y ffyrdd.

Mae'r tri gwasanaeth brys yn crfnogi'r fenter, gyda chefnogaeth y Cynulliad Cenedlaethol, Cyngor Bwrdeistref Sirol Wrecsam a Phartneriaeth Diogelwch Cymunedol Gogledd Cymru.

Amcanion y Bartneriaeth yw:

• Arbed bywydau
• Gwella diogelwch ar y ffyrdd
• Gwella amseroedd ymateb

Yr Adran Briffyrdd wnaeth adnabod y meysydd blaenoriaeth hyn yn ardal Wrecsam, a bydd y cynllun peilot yn canolbwyntio ar yr ardaloedd hyn i ddechrau.

• A534 o ffordd gyswllt Llan-y-pwll i Hugmore Lane
• A525 Cross Lanes i Halghton Mill - 2 ran o'r ffordd
• Cylchfan Halton A5 at ffin y sir
• A483 Croesfoel
• A483 / A525 Cyffordd Ffordd Rhutun
• A539 / A528 Erbistock
• A528 / B5426 Croesffordd Eyton
• Cyffordd Sandy Lane, Llannerch Banna (Penley)
• Cyffordd y A534 / B5130 yn Holt
• A541 ger cylchfan B&Q
• B5425 Ffordd Newydd Llai

Defnyddiwyd system cyfeirnod map, a rhoddwyd rhif cyfeirnod unigryw ar lampau stryd a dodrefn ochr ffordd arall i nodi pob lleoliad.

Bydd Gweithredwyr Ystafell Reoli sy'n ateb galwadau 999 yn canfod:

• natur y digwyddiad
• niferoedd sydd yn y cerbyd(au)
• os yw'r rhain wedi eu dal neu'n methu symud o'r cerbyd(au)
• yr union leoliad

Gellir sicrhau'r union leoliad trwy anfon y galwyr at yr arwydd agosaf, lle gellir darllen y cyfeirnod map chwe rhif. Bydd hyn yn arbed amser gwerthfawr wrth geisio canfod lle mae'r digsyddiad a chyfeirio'r Heddlu, Ambiwlans a'r Gwasanaeth Tân ac Achub yno.

Mae amser yn hanfodol - mae rhoi cymorth i'r sawl a anafwyd mewn gwrthdrawiadau ar y ffyrdd o fewn yr 'awr aur' yn hollbwysig, felly mae pob munud yn cyfrif.

Bydd y cynllun peilot yn rhedeg i ddechrau am gyfnod o flwyddyn. Bydd y barneriaeth yn dadansoddi'r digwyddiadau'n fanwl. Bydd y fenter yn ehangu ar draws Gogledd Cymru ar sail canlyniadau'r cynllun peilot.