|
 Mae'r ddogfen ganlynol yn manylu ar raglen arfaethedig o waith gwella priffyrdd a wneir gan Is-adran Treflun a Phriffyrdd Adran yr Amgylchedd Cyngor Bwrdeistref Sirol Wrecsam yn ystod blwyddyn ariannol 2008/2009
Mae'r rhaglenni wedi'u llunio i gefnogi nodau strategol y Cyngor Bwrdeistref Sirol i wella ffyrdd a chludiant.
Caiff y rhaglenni gwella a ariennir gan refeniw a chyfalaf ac sy'n ymwneud â thriniaethau strwythurol ac arwynebol ffyrdd a llwybrau cerdded eu blaenoriaethu o ddata arolwg cyflwr blynyddol i wella rhwydwaith mewnol priffyrdd yng Nghyngor Bwrdeistref Sirol Wrecsam.
Cynllunio Rheoli Asedau Priffyrdd
O sylweddoli na ellir lleihau'r ôl-groniad presennol o waith cynnal a chadw strwythurol ar ffyrdd a llwybrau cerdded heb fabwysiadu ymagwedd strategol hirdymor tuag at wella'r rhwydwaith mewnol priffyrdd, mewn cydweithrediad â Llywodraeth Cynulliad Cymru, mae Bwrdeistref Sirol Wrecsam wedi mabwysiadu ymagwedd Cymru gyfan tuag at Gynllunio Rheoli Asedau Priffyrdd. Mae'r fethodoleg ganlynol yn esbonio'r egwyddorion sy'n deillio o flaenoriaethu rhaglenni gwaith cynnal a chadw arfaethedig:-
- Asesiad mecanyddol a gweledol o'r rhwydwaith mewnol ffyrdd a llwybrau cerdded yn flynyddol. Caiff y wybodaeth ei dehongli gan system gyfrifiadurol dadansoddi pafinau'r Deyrnas Unedig (UKPMS) i ddangos lefel dirywiad ffyrdd a llwybrau cerdded unigol.
- Mae allbwn UKPMS yn destun dadansoddiad peirianneg wedyn i ddarparu strategaethau hirdymor ar gyfer gwelliant sy'n cymryd i ystyriaeth cynlluniau corfforedig ar gyfer datblygiad economaidd a phreswyl, cynlluniau cludiant rhanbarthol, anghenion cymunedol ac ystadegau damweiniau lleol.
- Caiff rhaglenni gwella eu paratoi ar sail blaenoriaeth gyda'r egwyddor "gwaethaf yn gyntaf" fel rheol gyffredinol.
Defnyddir ymagwedd cost bywyd cyfan wrth benderfynu ar raglenni ar gyfer gwahanol fathau o brosesau gwella h.y.
- Gwelliant strwythurol ar ffurf ailadeiladu lle mae lefel dibrisiad yr ased yn fawr. Mae costau'r math hwn o welliant yn uchel ac mae'n arfer gan yr ymagwedd costau bywyd cyfan i gyflwyno rhaglenni trin arwynebau yn ystod cyfnod cynnar dirywiad er mwyn ymestyn bywyd ased i leihau lefel y gwaith ailadeiladu sy'n gosod baich mawr ar y cyllid sydd ar gael.
- Amnewid neu atgyfnerthu'r arwyneb.
- Trin yr arwyneb i ailsefydlu gwead yr arwyneb i ymestyn hyd bywyd yr arwyneb trwy amddiffyn cwrs yr arwyneb sy'n dangos arwyddion cynnar o ddirywiad trwy golli deunydd rhwymo / cydgrynhoi.
- Ail-wneud gwead arwyneb ffordd sydd â strwythur cadarn ond sy'n dangos diffyg gwrthiant sgidio trwy lathru'r deunydd cydgrynhoi o fewn cwrs yr arwyneb.
- Er mwyn cynyddu budd costau'r adnoddau ariannol, rhaid cymryd i ystyriaeth y budd i'r cymunedau trwy gydnabod ardaloedd economaidd a chymdeithasol lleol o weithgaredd lle caiff ffyrdd sy'n dirywio ar lefel debyg eu hystyried a lle bo adnoddau'n gyfyngedig. Er enghraifft, caiff llwybr cerdded gerllaw ardal siopa fawr neu ysgol flaenoriaeth dros lwybr cerdded tebyg mewn lleoliad gwledig lle ceir llai o gerddwyr arnynt.
Mae'r categorïau canlynol wedi'u cynnwys yn y rhestr o gynlluniau sydd wedi'u trefnu i nodi'r ffactorau sy'n cefnogi eu cynhwysiad yn y rhaglen:-
A. Wedi'i nodi trwy broses arolygu cyflwr
B. Wedi'i nodi trwy ymchwiliadau damweiniau fel safle clwstwr damweiniau neu sy'n destun SCRIM isel.
C. Yn destun gwaith adfer cynnal a chadw uchel
CH. Llwybr wedi'i nodi mewn arolygon cyflwr ac yn ffurfio rhan o gynllun datblygu strategol
Nodyn
Er bod pob ymdrech wedi'i wneud i greu rhaglen derfynol a fydd yn darparu rheolaeth effeithiol o'r asedau priffyrdd, mae'n bosibl y bydd yn destun newid cynnwys a manylion trwy gydol y flwyddyn. Gall newidiadau fel hyn godi o'r angen i fynd i'r afael â gofynion cynnal a chadw anrhagweladwy sy'n codi yn ystod y flwyddyn h.y. gwaith gwasanaethau cyhoeddus brys ac addasu'r gyllideb.
|
Yn ôl i'r brig