Cwestiynau Cyffredin am Goddefebau

• Pryd NA FYDD Goddefeb Llinell Felen yn cael ei chaniatáu hyd yn oed os yw'r ymgeisydd yn bodloni'r meini prawf?
• Am faint y mae'r Oddefeb yn ddilys?
• A allaf i brynu fy hawlen o flaen llaw? Faint o flaen llaw?
• A allaf i adnewyddu fy Ngoddefeb Llinell Felen?
• A allaf i ofyn am ad-daliad am Oddefeb Llinell Felen na ddefnyddiais?
• A allaf i ddefnyddio fy Ngoddefeb Llinell Felen i barcio mewn parth parcio arall?
• A allaf i ddefnyddio fy Ngoddefeb Llinell Felen gyda cherbyd arall?
• Beth ddylwn ei wneud os oes gennyf Oddefeb Llinell Felen ddilys a bod Swyddog Gorfodaeth Sifil neu Swyddog yr Heddlu yn gofyn i mi symud?

Pryd NA FYDD Goddefeb Llinell Felen yn cael ei chaniatáu hyd yn oed os yw'r ymgeisydd yn bodloni'r meini prawf?

Ni fydd Goddefeb llinell felen yn cael ei chaniatáu yn yr amgylchiadau a ganlyn:

• Mynediad cyfyngedig – dim cerbydau mawr
• Ffordd Breifat
• Ffordd rhy gul

Am faint y mae'r Oddefeb yn ddilys?

• Isafswm: 24 awr o’r amser y cafodd ei rhoi.  Ni ellir ei hôl‑ddyddio.  
• Uchafswm: 7 diwrnod parhaol (gall gynnwys Sadyrnau a Suliau os yw’r parth parcio lle y maent yn gweithio yn cael ei reoli ar y dyddiau hynny. 

A allaf i brynu fy hawlen o flaen llaw, os gallaf faint o flaen llaw?

Gallwch.  Gellir prynu Goddefeb llinell felen mor bell o flaen llaw ag yr ydych yn ei ddymuno.  Nid oes yn rhaid iddi fod ar gyfer dyddiau olynol a gall gynnwys Sadyrnau a Suliau os yw’r parth parcio lle maent yn gweithio yn cael ei reoli ar y dyddiau hynny.

A allaf i adnewyddu fy Ngoddefeb Llinell Felen?

Na allwch – bydd yn rhaid i chi brynu un newydd gan Wasanaethau Parcio’r Cyngor.

A allaf i ofyn am ad-daliad am Oddefeb Llinell Felen na ddefnyddiais?

Nid ydym yn cynnig ad-daliadau ar oddefebau, hyd yn oed os oes gennych amser nad oeddech ei angen ar ôl heb ei ddefnyddio.

A allaf i ddefnyddio fy Ngoddefeb Llinell Felen i barcio mewn lle arall?

Na chewch, ni chaniateir hynny.  Bydd yn rhaid i chi drefnu Goddefeb arall sydd yn ddilys ar gyfer y parth parcio lle rydych yn dymuno parcio.

A allaf i ddefnyddio fy Ngoddefeb Llinell Felen gyda cherbyd arall?

Na chewch – ni chaniateir trosglwyddo goddefebau, dim ond ar y cerbyd ac i’r diben penodol y cawsant eu trefnu y caniateir eu defnyddio.  Bydd yn rhaid i chi brynu Goddefeb arall os ydych am ddefnyddio cerbyd gwahanol.

Beth ddylwn ei wneud os oes gennyf Oddefeb Llinell Felen ddilys a bod Swyddog Gorfodaeth Sifil neu Swyddog yr Heddlu yn gofyn i mi symud?

Gall Swyddog Gorfodaeth Sifil neu Swyddog yr Heddlu ofyn i ddeiliad Goddefeb ddilys symud er mwyn sicrhau bod traffig yn llifo’n rhwydd.  Hyd yn oed os oes gan gwsmer Oddefeb llinell felen ddilys mae’n rhaid i’r cwsmer ddilyn cyfarwyddiadau Gofalwr Parcio neu Swyddog yr Heddlu.