Ystadegau Allweddol ar Gyfer Wrecsam

Casglwyd gwybodaeth o ystod o ffynonellau i gyflwyno trosolwg ystadegol o Fwrdeistref Sirol Wrecsam a’i 47 adran/ward etholiadol. Mae’r tudalennau canlynol yn cynnwys gwybodaeth ystadegol i gynorthwyo preswylwyr, ymwelwyr a busnesau i gael gwell dealltwriaeth o gyfansoddiad cymdeithasol, economaidd ac amgylcheddol yr ardal.

Cyflwyniad

Wrecsam yw’r ganolfan fasnachol a gweinyddol yn ardal ddiwydiannol gogledd ddwyrain Cymru. Mae hefyd yn ganolbwynt naturiol i’r ardal sydd o’i hamgylch.

Mae Wrecsam wedi cadw ei hamgylchedd tref farchnad, er gwaethaf y ffaith bod gan y dref ganolfan siopa gyfoes i gerddwyr yn unig, sy’n cynnig cymysgedd o siopau lleol a chenedlaethol. Mae’r dalgylch yn ymestyn y tu hwnt i ffin y fwrdeistref ac yn denu siopwyr o ardaloedd y gororau sef Sir Gaer a Sir Amwythig ac o ganolbarth a gogledd Cymru.

Wrecsam yw’r dref fwyaf yng ngogledd Cymru a hi yw’r drydedd ganolfan fanwerthu fwyaf yng Nghymru ar ôl Caerdydd ac Abertawe.

Mae gan Fwrdeistref Sirol Wrecsam oddeutu 1000 o siopau, banciau, cymdeithasau adeiladu a swyddfeydd post ac mae 600 ohonynt o fewn cylchffordd fewnol y dref.

Yn y degawdau diwethaf gwelwyd newid mawr yng nghymeriad diwydiannol yr ardal wrth i’r diwydiannau glo a chynhyrchu briciau leihau a diflannu.

Atgynhyrchir deunydd sydd â hawlfraint y goron drwy ganiatâd Rheolwr Llyfrfa Ei Mawrhydi ac Argraffydd y Frenhines ar gyfer yr Alban. Rhif Trwydded Clic-defnyddio C02W0002178.