Am Polisi Cynllunio

Prif waith yr Is-Adran Polisi a Gweithredu yw cynhyrchu Cynllun Datblygu. Gydag amser, bydd Cynllun Datblygu Unedol Wrecsam yn cymryd lle’r holl gyfarwyddyd presennol a datblygiadau uniongyrchol tan 2011.

Mae Cynllun Datblygu yn amlinellu polisïau penodol ar gyfer defnyddio tir ac adeiladau drwy ddarparu fframwaith i wneud penderfyniadau’n lleol a chysoni’r angen am ddatblygiad a chadwraeth sy’n darparu’r lles cymunedol mwyaf.

Cynllun Datblygu

Amcan y Cynllun Datblygu yw :

• diogelu’r amgylchedd drwy gyfeirio datblygiadau at y trefi a’r pentrefi ac i ffwrdd o gefn gwlad agored,

• sicrhau bod digon o dai a thir cyflogaeth i ddiwallu anghenion y dyfodol,

• annog adfywiad trefol a diogelu treftadaeth y Fwrdeistref Sirol,

• sicrhau llwyddiant parhaol tref Wrecsam fel canolfan siopa drwy gyfeirio datblygiadau adwerthu at y dref yn hytrach na “thu allan i’r
  dref”,

• diogelu cyfleusterau cymunedol presennol ac annog y cyfleusterau o gyfleusterau newydd,

• sicrhau cyfleusterau a rhwydweithiau cludiant digonol, yn benodol cludiant cynhaliadwy sy’n helpu i leihau’r defnydd o geir.

Rhaid i Gynlluniau Datblygu ystyried y polisïau cynllunio cenedlaethol a rhanbarthol perthnasol.

Mae’r cynllun datblygu presennol yn cynnwys y dogfennau canlynol:

• Cynllun Adeiledd Clwyd - Diwygiad 1af

• Cynllun Lleol Wrecsam Maelor

• Cynllun Lleol Ardal Glyndwr.

Cynllun Datblygu Unedol Wrecsam

Bydd Cynllun Datblygu Unedol Wrecsam yn disodli'r canllaw presennol ac yn cyfeirio datblygiadau hyd 2011. Gall y broses hon gymryd sawl blwyddyn, ond mae'n galluogi pawb sy'n dymuno gwneud sylwadau gael sylw a chael ystyriaeth deg a thrylwyr. Er enghraifft, o ganlyniad i'r ymgynghoriad diweddaraf a arddangoswyd i'r cyhoedd gwnaed sylwadau gan 412 o grwpiau a 1158 o unigolion, yna ystyriwyd pob un a rhoddwyd sylwadau arnynt gan yr adran Polisi Cynllunio.

Lawr lwytho dogfennau a chynllunio CDU

Cynllun Datblygu Unedol Wrecsam

Canllawiau Cynllunio Atodol

Mae'r Cyngor wedi cymeradwyo cyfres o ddogfennau canllawiau cynllunio ychwanegol sy'n rhoi cyngor manwl ar y modd y gweithredir polisïau'r Cynllun Datblygu mewn rhai adrannau ac amgylchiadau arbennig. Lluniwyd y rhain mewn ymgynghoriad â chyfranogion ac fe'u hadolygir yn rheolaidd er mwyn sicrhau cysondeb â pholisïau lleol a chenedlaethol yn unol â dyheadau cymunedol. Mae canllawiau cynllunio atodol yn ystyriaeth berthnasol o ran penderfynu ar geisiadau cynllunio ar gyfer datblygiad.

Canllawiau Cynllunio Atodol

Gwaith Prosiect

Mae’r Is-Adran wedi bod yn ymwneud â nifer o brosiectau yn ddiweddar sy’n effeithio ar ein hamgylchedd ac ansawdd ein bywyd. Mae enghreifftiau’n cynnwys:

• Strategaeth Cludiant Integredig Wrecsam

• Astudiaeth o Le Agored Cyhoeddus

• Strategaeth Parcio

• Astudiaeth o Le yn y Dref

• Arolwg Anghenion Lletya

• Cyfarwyddyd Cynllunio Rhanbarthol ar gyfer Gogledd Cymru a Gogledd Orllewin Lloegr.

Gwasanaeth Ystadegol a Rhagolygol

Mae’r Ystadegydd yn cyflawni dadansoddiad ac ymchwil ystadegol ar gyfer amrywiaeth o strategaethau adrannol a chorfforedig ac yn darparu gwybodaeth i’r cyhoedd, busnesau a myfyrwyr. Mae’r strategaethau hyn yn cynnwys:

• Cyfrifiad 2001

• Strategaeth Atal Tlodi

• Astudiaeth Troseddau ac Anhrefn

• Monitro Diweithdra

• Amcanestyniadau Poblogaeth a Chartrefi

Cefnogaeth Dechnegol

Mae'r Tîm Cefnogaeth Dechnegol yn cynllunio a chynhyrchu cynlluniau a dogfennau ar gyfer yr Adran Gynllunio i safon dechnegol uchel ac yn sicrhau bod gan waith ddelwedd broffesiynol. Mae'n cynnwys:

• Arddangosfeydd hyrwyddol

• Adroddiadau, dogfennau a thaflenni cyhoeddiedig

• Arbenigedd mewn GIS a chynhyrchu mapiau

• Ffurflenni cais a nodiadau cyfarwyddyd

• Dogfennau cais corfforedig (statws dinas, cyllid Sportlot, Her Cyfalaf)

Cysylltwch â: Pholisi Cynllunio, Adran Cynllunio, Stryt y Lampint, Wrecsam, LL11 1WL. Ffôn: 01978 292013.
Ffacs: 01978 292502. E-bost: planning@wrexham.gov.uk

Cynllun Datblygu Unedol Wrecsam

Polisi Cynllunio

Mynegai Cynllunio