 Gweithdrefn Gwyno'r Adran Gynllunio
Mae'r weithdrefn gwyno yn ymdrin â chwynion a chanmoliaeth.
Canmoliaeth yw unrhyw glod neu foddhad a fynegir gan gwsmer am y gwasanaeth neu'r ffordd y cawsant eu trin gan aelod o staff, y mae'r cwsmer yn teimlo y dylid ei gofnodi. Fel rheol, bydd hyn yn cynnwys mwy na'r cwsmer yn cydnabod y gwasanaeth a dderbyniwyd trwy ddweud diolch yn unig.
Cwyn yw unrhyw fath o anfodlonrwydd a fynegir gan gwsmer, am y gwasanaeth neu'r ffordd y cawsant eu trin gan aelod o staff. Dylid cofnodi pob math o gwyn.
Nid oes rhaid derbyn canmoliaeth na chwyn yn ysgrifenedig i'w gofnodi.
Mae Cyngor Bwrdeistref Sirol Wrecsam yn ymroddedig i ofal cwsmeriaid. Fel rhan o'n hymdrechion i ddarparu gwasanaethau effeithlon ac effeithiol, mae angen i ni wybod os oes gennych broblem.
Hoffem glywed gennych hefyd:
- os oes gennych unrhyw awgrymiadau ynghylch sut y gallwn wella ein gwasanaethau
- os ydych yn ei chael hi'n anodd defnyddio unrhyw rai o'n gwasanaethau
- os oes angen unrhyw wybodaeth arnoch am sut y gallwn eich helpu.
Sut allaf gwyno i'r Adran Gynllunio?
Cam 1
Cysylltwch â'r staff sy'n gysylltiedig â'ch cwyn yn uniongyrchol. Gallai hyn fod yr unigolyn sydd wedi'i (h)enwi ar unrhyw ohebiaeth neu ei r(h)eolwr.
Bydd y rheolwr perthnasol yn cydnabod eich cwyn o fewn 5 diwrnod gwaith. Dylech dderbyn ymateb ysgrifenedig llawn i'ch cwyn o fewn 20 diwrnod gwaith ar ôl i'r Adran Gynllunio ei dderbyn. Os na ellir rhoi ymateb llawn, anfonir ymateb ysgrifenedig dros dro o fewn y terfyn amser, ac anfonir yr ymateb ysgrifenedig llawn ar ôl hynny.
IOs nad ydych yn fodlon â'r ymateb ysgrifenedig, neu os nad ydych yn derbyn ymateb ysgrifenedig, gellwch symud ymlaen i Gam 2 y weithdrefn gwyno
Cam 2
Cysylltwch â'r Prif Swyddog Cynllunio:
Prif Swyddog Cynllunio
Cyngor Bwrdeistref Sirol Wrecsam
Stryt y Lampint, Wrecsam, LL11 1AR
Ffôn: 01978 292500
Ffacs: 01978 292502
E-bost: planning@wrexham.gov.uk
Cydnabyddir eich cwyn o fewn 5 diwrnod gwaith. Dylech dderbyn ymateb ysgrifenedig llawn o fewn 20 diwrnod ar ôl i'r Adran dderbyn eich cwyn Cam 2.
Os ydych yn parhau i fod yn anfodlon â'r ymateb ysgrifenedig, neu os nad ydych yn derbyn ymateb ysgrifenedig, gellwch symud ymlaen i Gam 3 o'r weithdrefn gwyno (gweler drosodd).
Cam 3
Cysylltwch â Rheolwyr Archwilio'r Cyngor:
Swyddog Cwynion Corfforedig
Cyngor Bwrdeistref Sirol Wrecsam
Neuadd y Dref, Wrecsam, LL11 1WS
Ffôn: 01978 292201
Cydnabyddir eich cwyn ac fe'ch cynghorir y bydd Swyddog Cwynion Corfforedig Cyngor yn ymchwilio ymhellach i'r gwyn. Dylech dderbyn ymateb ysgrifenedig llawn gan y Swyddog Cwynion Corfforedig o fewn 10 diwrnod ar ôl iddo/iddi dderbyn eich cwyn.
Ymdrechwn i roi canlyniad boddhaol i'ch cwynion neu'ch sylwadau, fodd bynnag os byddwch yn parhau'n anfodlon ar ôl dilyn y weithdrefn gwyno, gellwch gwyno'n uniongyrchol i'r:
Ombwdsmon Llywodraeth Leol
1 Ffordd yr Hen Gae
Pencoed CF35 5LJ
Ffôn: 01656 641150
Ffacs: 01656 641199
 Gweithdrefn Gwyno'r Adran Gynllunio
Mae'r ddogfen yma ar gael i ddadlwytho yn y fformat isod:
Gweithdrefn Gwyno'r Adran Gynllunio - Fersiwn PDF 528Kb 
I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.
Gellir newid dogfennau Adobe Acrobat yn ôl i destun plaen trwy ddefnyddio'r Gwasanaeth Newid Abobe.
|
Yn ôl i'r brig