Siartr Cwsmeriaid ar gyfer y Gwasanaeth Polisi Cynllunio

Bwriad y Siartr hon yw rhoi dealltwriaeth glir i chi o lefel y gwasanaeth y gallwch ei ddisgwyl gan yr Is-Adran Polisi Cynllunio.

Cefndir

Gosodir allan polisïau a chynigion y Cyngor ar gyfer defnyddio tir yn y Fwrdeistref Sirol yn y Cynllun Datblygu. Mae'r Cynllun yn dyrannu tir ar gyfer datblygiadau newydd ac yn sefydlu fframwaith polisi i benderfynu ceisiadau am ganiatâd cynllunio. Ar hyn o bryd, mae'r Cynllun Datblygu'n cynnwys Cynlluniau Lleol Wrecsam Maelor a Glyndwr, ynghyd â Diwygiad Cyntaf Cynllun Strwythur Clwyd. Fodd bynnag, bydd y rhain yn cael eu hamnewid gan ddogfen unigol newydd - Cynllun Datblygiad Unedol Wrecsam - a fydd yn cwmpasu'r cyfnod hyd at 2011.

Mae'r Cyngor hefyd yn cyhoeddi Lleol Nodiadau Cyfarwyddyd Cynllunio anffurfiol sy'n esbonio sut bydd y polisïau yn y Cynllun Datblygu'n cael eu gweithredu. Bwriad y nodiadau hyn yw helpu darpar ddatblygwyr drwy esbonio'r ymagwedd bydd y Cyngor yn ei chymryd tuag at ddelio â chynigion penodol.

Amcanion

Rydym yn anelu at sicrhau:-

• Bod yna Gynllun Datblygu diweddaredig mewn grym ar gyfer holl ardaloedd y Fwrdeistref Sirol.

• Pryd bynnag yr arolygir y Cynllun, gall unigolion a sefydliadau sydd â diddordeb mewn datblygu tir gyfrannu'n effeithiol at y broses baratoi.

• Cynhyrchir y Cynllun Datblygu, Lleol Nodiadau Cyfarwyddyd a dogfennau cysylltiedig eraill mewn ffordd glir, cyson a hawdd eu defnyddio ac maent yn cael eu diweddaru'n rheolaidd.

• Mae copïau cyfeiriol o'r Cynllun Datblygu a dogfennau cysylltiedig ar gael i'w harchwilio mewn lleoliadau cyfleus ledled y Fwrdeistref Sirol.

• Gellir cael gwybodaeth ynghylch y Cynllun Datblygu'n hawdd ac ymdrinnir ag ymholiadau'n gyflym ac effeithiol.

Cynnwys Chi wrth Baratoi'r Cynllun Datblygu

Mae gweithdrefnau statudol penodol y mae'n rhaid i'r Cyngor eu dilyn wrth baratoi neu arolygu'r Cynllun Datblygu. Mae'r rhain yn cynnwys hysbysebu prif gyfnodau'r broses yn y papurau newydd lleol a sicrhau lleiafswm cyfnod o chwech wythnos ar gyfer cyflwyno sylwadau a gwrthwynebiadau.

Fodd bynnag, er mwyn cynnwys cymaint o bobl a sefydliadau â phosibl a sicrhau eu bod yn cyfrannu'n effeithiol at baratoi'r Cynllun, byddwn yn:-

• Cadw rhestr bostio er mwyn hysbysu pawb sy'n mynegi diddordeb yn y broses o baratoi'r Cynllun o gynnydd.

• Cyhoeddi a dosbarthu gwybodaeth os yw unrhyw gyfnodau rhwng paratoi'r Cynllun yn fwy na chwe mis.

• Cydnabod llythyrau o fewn 10 diwrnod gwaith a dilyn i fyny unrhyw bwyntiau sydd angen esboniad cyn gwneud unrhyw argymhellion.

• Sicrhau bod pob drafft o'r Cynllun ac unrhyw ddogfennau ar gael i'w harchwilio mewn ystod o leoliadau.

• Cyhoeddi adroddiadau ym mhob cyfnod o'r broses baratoi gan grynhoi'r holl farnau a dderbynnir a gosod allan ymateb y Cyngor.

• Cynnwys gwybodaeth am y broses baratoi ar wefan y Cyngor - gweler Dogfen a Chynllunio Cynllun Datblygiad Unedol Wrecsam.

Nodiadau Cyfarwyddyd Cynllunio Lleol

• Byddwn yn cyhoeddi fersiynau drafft o unrhyw Lleol Nodiadau Cyfarwyddyd newydd neu ddiwygiedig a rhoi chwech wythnos ar gyfer sylwadau.

• Bydd yr holl sylwadau a dderbyniwn yn cael eu hystyried yn ofalus a, lle'n briodol, bydd y Nodiadau'n cael eu diwygio cyn cyhoeddi'r fersiynau terfynol.

Cymorth a Chyngor

• Gwnawn ein gorau i roi'r wybodaeth rydych ei hangen mewn ymateb i'ch ymholiad ffôn. Fodd bynnag, bydd angen i ni ymchwilio ymhellach ar adegau cyn rhoi ateb cyflawn. Ar yr adegau hyn, byddwn yn dychwelyd eich galwad o fewn 1 diwrnod gwaith neu, os bydd angen ymateb ysgrifenedig, byddwn yn anfon llythyr atoch o fewn 10 diwrnod gwaith.

• Mae'r staff ar ddyletswydd yn Nerbynfa'r Adran Gynllunio yn gallu delio â mwyafrif yr ymholiadau cyffredinol ynghylch y Cynllun Datblygu a materion cysylltiedig eraill. Fodd bynnag, os bydd angen trafod rhywbeth yn fwy manwl, mae'n well gwneud apwyntiad. Byddwn yn ceisio diwallu unrhyw geisiadau am gyfarfod o fewn wythnos.

Cwynion

Os ydych yn anfodlon â'n gwasanaeth, mae gennym weithdrefn tri cham y gallwch ei defnyddio i wneud cwyn.

Cam 1
Cysylltwch â'n staff yn uniongyrchol i weld a allant ddatrys eich pryderon.

Cam 2
Cysylltwch â Wendy Drendel - y Swyddog Cyswllt Cwsmer ar gyfer Cynllunio 01978 292415

Cam 3
Cysylltwch â Chyfarwyddwr Gwasanaethau Corfforedig y Cyngor 01978 292201

Sut i Gysylltu â Ni

Ffôn: 01978 292013 (llinell uniongyrchol i'r Gwasanaeth Cynllun Datblygu)

E-bost: planning@wrexham.gov.uk

Llythyr: Prif Swyddog Cynllunio, Stryt y Lampint, Blwch SP 1290, Wrecsam, LL11 1WL

Ffacs: 01978 292502

Yn bersonol: Mae'r Adran Gynllunio ar ail lawr swyddfeydd y Cyngor ar Stryt y Lampint. Mae ramp/lifft ar gael. Mae system cyswllt clyw ar gael.

Ein horiau agor yw:
Dydd Llun i ddydd Iau: 8.45 am i 5.15 pm
Dydd Gwener: 8.45 am i 4.45 pm
Dydd Sadwrn a ddydd Sul: AR GAU

Gellir gwneud trefniadau arbennig i gyfarfod â swyddogion unigol tu allan i'r oriau hyn.

Adran Cynllunio, Ebrill 2002

Polisi Cynllunio

Mynegai Siartri Cwsmeriaid

Dogfennau Cynllunio Allweddol