|
 Bwriad
y Siarteri hon yw rhoi dealltwriaeth glir i chi o lefel y gwasanaeth y
dylech ei ddisgwyl gan yr Is-Adran Rheoli Cynllunio a Gorfodaeth.
Siartr Cwsmeriaid ar gyfer y
Gwasanaeth Rheoli Cynllunio
Siartr Cwsmeriaid ar gyfer
y Gwasanaeth Gorfodaeth
Siartr Cwsmeriaid ar gyfer y Gwasanaeth Rheoli
Cynllunio
Bwriad y Siartr hon yw rhoi dealltwriaeth glir i chi o lefel y gwasanaeth
y dylech ei ddisgwyl gan yr Is-Adran Rheoli Cynllunio.
Mae'r Cyngor yn delio â chynigion cynllunio ar gyfer pob datblygiad
yn ardal y Fwrdeistref Sirol. Mae'n ceisio cael y cydbwysedd cywir rhwng
annog datblygiadau sy'n darparu cartrefi, swyddi a gwasanaethau i'r gymuned
a diogelu nodweddion arbennig trefi, pentrefi a chefn gwlad.
Fel Adran Cynllunio, ceisiwn annog datblygiad sy'n unol â pholisïau'r
Cyngor sydd yn ei Gynllun Datblygu. Cymeradwyir mwyafrif y ceisiadau.
Cyngor Anffurfiol
Gan y dymunwn i gymaint o geisiadau â phosibl lwyddo, rydym yn
cynnig gwasanaeth cyngor anffurfiol cyn i chi gyflwyno eich cais. Anelwn
at ateb o fewn 15 diwrnod gwaith.
Ymgymerwn y bydd unrhyw gyngor a roddir i chi yn cael ei ystyried yn ystod
y cais ffurfiol.
Ceisiadau Cynllunio
Byddwn yn cofrestru a chydnabod holl geisiadau cynllunio dilys o fewn
3 diwrnod gwaith o'u derbyn. Os yw eich cais yn annilys neu'n anghyflawn,
byddwn yn dweud wrthych o fewn 2 ddiwrnod gwaith ac yn rhoi cyfarwyddyd
clir i chi ar y newidiadau sydd eu hangen.
Byddwn yn cyhoeddi'r holl geisiadau cynllunio drwy hysbysiad (lliw pinc)
wedi ei bostio ger y safle a byddwn yn ysgrifennu at unrhyw eiddo cyfagos
a allent gael eu heffeithio'n uniongyrchol. Bydd yr hysbysiad safle a'r
llythyr yn rhoi enw a rhif ffôn y swyddog achos a dyddiad cau ar
gyfer derbyn sylwadau (21 diwrnod fel arfer). Byddwn hefyd yn rhoi gwybod
i'r Cynghorydd lleol ac yn anfon copi o'r cais i'r Cyngor Cymunedol.
Mae'r holl geisiadau cynllunio a chynlluniau ar gael i'w harchwilio gan
y cyhoedd yn y Swyddfa Gynllunio. Rydym yn gwarantu y bydd Swyddog Dyletswydd
ar gael yn ystod ein horiau swyddfa i gynghori cwsmeriaid. Os na fydd
y swyddog achos ar gael, bydd apwyntiad yn cael ei drefnu.
Ymgymerwn i ddelio â cheisiadau cyn gynted ag y gallwn ac rydym
wedi gosod targedau ar gyfer delio â 95% o geisiadau cartref a 70%
o geisiadau'n gyffredinol o fewn 8 wythnos.
Bydd unrhyw lythyrau o wrthwynebiad neu gefnogaeth yn cael eu cydnabod
a'u hystyried yn ofalus cyn gwneud penderfyniad ar gais. Byddwn yn derbyn
sylwadau drwy e-bost hefyd. Os nad ydym yn cytuno â'r pwyntiau a
godir ac na allwn ddod i gytundeb, bydd y cais yn cael ei gyfeirio at
Bwyllgor Cynllunio'r Cyngor am benderfyniad.
Bydd Hysbysiadau Penderfyniad yn cael eu cyhoeddi o fewn 2 ddiwrnod gwaith
o'r penderfyniad a byddant yn datgan unrhyw amodau (a rhesymau) neu byddant
yn rhoi rhesymau clir dros wrthod y cais. Mae manylion o unrhyw hawl apelio'n
cael eu cynnwys hefyd.
Rydym yn anelu at ddarparu gwasanaeth cyfeillgar ac agored a gwnawn
ein gorau i ddarparu cymaint o wybodaeth ag y gallwn.
Cwynion:-
Os ydych yn anfodlon â'n gwasanaeth, mae gennym weithdrefn tri
cham y gallwch ei defnyddio i wneud cwyn.
Cam 1
Cysylltwch â'n staff yn uniongyrchol i weld a allant ddatrys
eich pryderon.
Cam 2
Cysylltwch â Wendy Drendel - y Swyddog Cyswllt Cwsmer ar gyfer
Cynllunio 01978 292415
Cam 3
Cysylltwch â Chyfarwyddwr Gwasanaethau Corfforedig y Cyngor
01978 292201
yn ôl i'r brig
Sut i Gysylltu â Ni
Ffôn: 01978 292017 (llinell uniongyrchol i'r Gwasanaeth
Rheoli Cynllunio)
E-bost: planning@wrexham.gov.uk
Llythyr: Prif Swyddog Cynllunio, Stryt y Lampint, Blwch SP 1290,
Wrecsam, LL11 1WL
Ffacs: 01978 292502
Yn bersonol: Mae'r Adran Gynllunio ar ail lawr swyddfeydd y Cyngor
ar Stryt y Lampint. Mae ramp/lifft ar gael. Mae system cyswllt clyw ar
gael.
Ein horiau agor yw:
Mae ein swyddfeydd ar agor i ymwelwyr rhwng 8.45 a 5.15 o ddydd Llun i ddydd Iau ac o 8.45 i 4.45 ar ddydd Gwener. Neu gallwch ein ffonio rhwng 8.30 a 5.30 o ddydd Llun i ddydd Gwener.
Gellir gwneud trefniadau arbennig i gyfarfod â swyddogion unigol
tu allan i'r oriau hyn.
Adran Cynllunio, Ebrill 2002
Rheoli Cynllunio
Mynegai Siartri Cwsmeriaid
yn ôl i'r brig
Siartr Cwsmeriaid ar gyfer y Gwasanaeth Gorfodaeth
Bwriad y Siartr hon yw rhoi dealltwriaeth glir i chi o lefel y gwasanaeth
y dylech ei ddisgwyl gan yr Is-Adran Gorfodaeth.
Mae'r Adran Gynllunio'n cynnal 500 ymchwiliad y flwyddyn ac, ym mhob
achos, rydym yn anelu at gael y cydbwysedd iawn rhwng hawliau pobl i fwynhau
eu heiddo gyda hawliau eu cymdogion a'r gymuned er mwyn iddynt gael lle
gweddus i fyw ynddo.
Mae oddeutu 68% o achosion angen ymweliad safle; ein targed yw ymweld
ag 80% o'r rhain o fewn 5 diwrnod gwaith. Mewn bron i hanner yr achosion,
gwelwn nad oes unrhyw dor-reolaeth cynllunio ac, yn y dyfodol, dymunwn
roi mwy o wybodaeth i bobl ynghylch yr hyn gall y gwasanaeth ddelio ag
ef a'r hyn na all ddelio ag ef. Dymunwn ddweud wrth bobl am y lefel o
wasanaeth ddylent ei ddisgwyl a'r hawliau sydd ganddynt hwy ac eraill
i fwynhau eu tir heb angen caniatâd cynllunio.
Anelwn at weithredu er budd y cyhoedd ac ni allwn ymyrryd mewn dadleuon
preifat rhwng unigolion. Ceisiwn gael ateb i weithgareddau a datblygiadau
anawdurdodedig yn hytrach na gorfodi Hysbysiadau Cyfreithiol. Dymunwn
sicrhau bod y datblygiad neu'r defnydd yn cydymffurfio â pholisïau'r
Cyngor.
Gorfodi Rheolaeth Gynllunio
Rheolir y system gorfodaeth gan fframwaith cyfreithiol cymhleth. Yn aml
iawn, ni allwn reoli'r amser mae'n cymryd i ddatrys achosion. Lle mae
terfynau amser o fewn ein rheolaeth, rydym yn ymroddedig i gwrdd â
hwy'n effeithiol.
Bydd pob cwyn yn cael ei chofrestru a bydd y wybodaeth yn cael ei chadw'n
gyfrinachol ac ni fydd y cyhoedd yn cael ei gweld. Ni fydd hunaniaeth
yr achwynydd yn cael ei datgelu. Os derbynnir cwyn ddienw, bydd ein hymchwiliadau'n
cael eu cyfyngu. Oni bai bod ymweliad yn datgelu tystiolaeth amlwg o dorri
rheolaeth gynllunio, bydd yr ymchwiliad yn dod i ben bryd hynny.
Os bydd ein hymchwiliadau'n awgrymu tor-reolaeth, byddwn yn ysgrifennu
at berchennog/ breswylydd y tir o fewn 10 diwrnod gwaith. Bydd y llythyr
yn esbonio'r hyn sydd i weld o'i le a'r camau gweithredu y bwriadwn eu
cymryd. Os oes unrhyw amheuaeth ynghylch ffeithiau'r achos, gallwn anfon
hysbysiad sy'n gofyn am wybodaeth bellach. Bydd yn nodi'r wybodaeth sydd
ei hangen a'r amser ar gyfer ymateb. Heblaw am achos o bryder o'r pwys
mwyaf, bydd y perchennog/ preswylydd yn cael 28 diwrnod i ymateb. Gallai
hyn olygu cywiro'r hyn sydd o'i le neu ymgeisio am ganiatâd cynllunio.
Byddwn yn anfon un nodyn atgoffa yn caniatáu 7 diwrnod pellach
i ymateb a byddwn yn gweithredu mewn ffordd sy'n gymesur â'r gweithgaredd
neu'r datblygiad anawdurdodedig.
Rydym yn anelu at ddatrys 75% o ymchwiliadau o fewn 12 wythnos. Bydd
hyn yn caniatáu trafodaethau manwl, sy'n ofynnol dan y cyfarwyddyd
a gyhoeddir gan Gynulliad Cenedlaethol Cymru. Mewn materion syml, rydym
yn anelu at ddatrys 40% o fewn pythefnos o'r honiadau. Rydym yn anelu
at ddiweddaru achwynwyr o'n hymchwiliadau.
Ein prif amcan yn cywiro materion. Ceir achos cyfreithiol dim ond os daw
hi i'r pen. Fodd bynnag, os yw tor-reolaeth yn achosi pryder ac nad oes
tystiolaeth bod materion yn cael eu datrys drwy drafodaeth, ni fyddwn
yn oedi cyn cyhoeddi hysbysiad neu, mewn achosion difrifol, cael gorchymyn
llys. Tra bod gwasanaeth effeithiol yn bwysig, mae'n rhaid i ni wybod
a ydym yn gwneud y penderfyniad cywir. Felly, rydym yn chwilio am ffyrdd
o fesur ansawdd ein penderfyniadau. Bydd y wybodaeth hon yn cael ei defnyddio
i wella ein gwasanaeth ymhellach.
Cwynion:-
Os ydych yn anfodlon â'n gwasanaeth, mae gennym weithdrefn tri
cham y gallwch ei defnyddio i wneud cwyn.
Cam 1
Cysylltwch â'n staff yn uniongyrchol i weld a allant ddatrys
eich pryderon.
Cam 2
Cysylltwch â Wendy Drendel - y Swyddog Cyswllt Cwsmer ar gyfer
Cynllunio 01978 292415
Cam 3
Cysylltwch â Chyfarwyddwr Gwasanaethau Corfforedig y Cyngor
01978 292201
yn ôl i'r brig
Sut i Gysylltu â Ni
Ffôn: 01978 292017 (llinell uniongyrchol i'r Gwasanaeth
Gorfodi Cynllunio)
E-bost: planning@wrexham.gov.uk
 Llythyr: Prif Swyddog Cynllunio, Stryt y Lampint, Blwch SP 1290, Wrecsam, LL11
1WL
Ffacs: 01978 292502
Yn bersonol: Mae'r Adran Gynllunio ar ail lawr swyddfeydd y Cyngor
ar Stryt y Lampint. Mae ramp/lifft ar gael. Mae system cyswllt clyw ar
gael.
Ein horiau agor yw:
Dydd Llun i ddydd Iau: 8.45 am i 5.15 pm
Dydd Gwener: 8.45 am i 4.45 pm
Dydd Sadwrn a ddydd Sul: AR GAU
Gellir gwneud trefniadau arbennig i gyfarfod â swyddogion unigol
tu allan i'r oriau hyn.
Adran Cynllunio, Ebrill 2002
Rheoli Cynllunio
Mynegai Siartri Cwsmeriaid
Dogfennau Cynllunio Allweddol
|
Yn ôl i'r brig