Grantiau adfer coed a gwrychoedd

Pwysigrwydd gwrychoedd a choed mewn gwrychoedd

Mae coed a gwrychoedd yn nodwedd draddodiadol a gweledol bwysig o gefn gwlad Wrecsam. Maent yn rhan o'n treftadaeth wledig ac maent yn gallu bod yn gannoedd o flynyddoedd oed. Maent yn aml yn nodi hen derfynau.

Mae coed a gwrychoedd yn ddarnau o hanes byw ac maent yn hynod o werthfawr ar gyfer bioamrywiaeth, gan gynnal amrediad eang o blanhigion ac anifeiliaid y coetir.

Y broblem

Mae coed a gwrychoedd wedi dioddef yn arw oherwydd ffactorau fel tynnu gwrychoedd cyfan, clefyd llwyfen yr Isalmaen, ynn yn gwywo a gordorri gwiail. Mae goraeddfedrwydd a dirywio, torri a diffyg recriwtio yn ychwanegu at y golled hon.

Gyda dyfodiad torri gwiail gwrychoedd, nid yw marchwiail wedi eu cenhedlu'n naturiol yn cymryd lle coed gwrych. Bydd dirywiad fel hyn yn parhau ac yn cyflymu oni ellir adfer parhad trwy raglen o blannu a/neu ddethol a labelu gwiail sy'n bodoli eisoes.

Pa amodau fydd mewn grym?

Gwahoddir ceisiadau ond maent dan reolaeth yr amodau canlynol:

• Mae'n rhaid i'r cais ymwneud â gwrych sydd eisoes yn bodoli neu sy'n seiliedig ar linell hen wrych. Ni ellir derbyn ceisiadau am wrychoedd gyfangwbl newydd neu lle bo gwrych yn ffurfio rhan o derfyn gardd.

• Mae'n rhaid cynnwys coed cynhenid, yn enwedig derw ac ynn, wrth blannu coed. Wrth blannu gwrych, mae'n rhaid cynnwys rhywogaethau sy'n ffurfio rhan ohono eisoes, e.e. draenen wen, cyll, celyn a'r fasarnen fach.

• Lle mae'r gwrych ar glawdd, yna, dylai adfer y gorglawdd (lle bo'n briodol) ffurfio rhan o'r cynllun cyfan.

• Mae'n rhaid gwneud gwrychoedd sydd wedi eu hadfer a phlannu coed newydd fel eu bod yn rhwystro gwartheg ar y naill ochr a'r llall. Os yw cwningod yn niferus, efallai y bydd angen gardiau cwningod neu netin hefyd.

• Ni ddylai'r ymgeisydd fod wedi gwneud cais am gymhorthdal na derbyn unrhyw gymhorthdal ar gyfer y prosiect.

• Mae'n rhaid i ymgeiswyr gynnal gwaith a dderbyniodd grant i safon uchel am gyfnod o 10 mlynedd o ddyddiad talu'r grant. Bydd y grant yn cael ei adennill gyda llog os digwydd esgeuluso neu ddifrodi bwriadol.

• Mae'n rhaid gwneud pob gwaith dan y cynllun rhwng misoedd Tachwedd a Mawrth a'i gwblhau cyn dechrau'r tymor nythu adar.

• Mae'n rhaid plannu coed ar hyd gwrychoedd neu mewn caeau a chorneli caeau, naill ai'n unigol neu mewn grwpiau heb fod dim mwy na phum coeden.
  

Amcanion a Nodau

• Annog a chynorthwyo'r broses o gadw ac adfer gwrychoedd a choed gwrych ar gyfer ffermwyr a thirfeddianwyr yn Wrecsam.

• Hyrwyddo defnydd cywir o goed gwrych i greu adnodd o bren dodrefn ansawdd uchel i'r dyfodol.

• Cyflawni amcanion a nodau Strategaethau Tirlun ar gyfer Wrecsam a chefnogi Cynllun Gweithredu Bioamrywiaeth Wrecsam.

Pa ganran o grant sydd ar gael?

Bydd y grant ar raddfa o hyd at 50%, yn amodol ar uchafswm grant o £1,000 yr ymgeisydd y flwyddyn. Mae angen cymeradwyaeth ymlaen llaw ac ni ystyrir unrhyw waith a wneir cyn derbyn cynnig ffurfiol ysgrifenedig.

Sut gallaf wneud cais am grant?

I gael ffurflen gais a chanllawiau gwneud cais am grant cysylltwch ag:

Alistair Henderson neu Amanda Davies,
Yr Adran Gynllunio (Is-adran Amgylchedd),
Cyngor Bwrdeistref Sirol Wrecsam,
Stryt y Lampint, Blwch SP 1290,
Wrecsam, LL11 1WL

Ffôn: 01978 292019
Ffacs: 01978 292502
E-bost: planning@wrexham.gov.uk

Noddwyd gan: Manweb Rural Care mewn partneriaeth â Cyngor Bwrdeistref Sirol Wrecsam a Coed Cymru.

Gorchmynion Cadwraeth Coed

Bioamrywiaeth

Cynllunio Amgylchedd