Maethu

Amrywiol Fathau O Ofal Maeth Y Gellwch Eu Darparu

Bydd gwahanol bobl yn gallu cynnig amser amrywiol i faethu ac mae nifer o fathau o faethu y gellwch eu darparu.

Mae nifer o blant a phobl ifanc angen gofal maeth am gyfnodau byr. Enghraifft o hyn yw os yw rhiant neu berthynas yn wael, neu yn y ddalfa neu oherwydd marwolaeth yn y teulu. Yn yr achosion hyn gofynnir i'r gwasanaethau cymdeithasol i gynorthwyo'r teulu am gyfnod byr. Fel Gofalwr Maeth byrdymor byddwch yn darparu cartref diogel a sicr i'r plentyn ac yn cydweithio'n agos â'r teuluoedd genedigol a'r Gwasanaethau Plant i sicrhau eu dyfodol, yn ôl yn eu cartref yn ddelfrydol.

Os oes gennych le, a'r amser ar gyfer mwy nag un plentyn, yn aml mae angen Gofalwyr Maeth sy'n gallu darparu cartref i frodyr a chwiorydd. Pan fydd plant a phobl ifanc yn cael anawsterau a phroblemau yn eu bywydau gall brodyr neu chwiorydd roi cysur, cariad a sefydlogrwydd. Os ydych yn gallu maethu brodyr a chwiorydd, byddwch yn ein helpu drwy roi'r cynnig cadarnhaol o gadw'r plant gyda'i gilydd.

Mae angen gofal arbennig, cariad a sylw ar blant ag anableddau gan eu Gofalwyr Maeth er mwyn i'w helpu i ddysgu i gael y gorau allan o fywyd. Mae rhai gofalwyr yn arbenigo mewn gofalu am y plant hyn a bydd plant heb anableddau yn aros am gyfnodau byr, penodol. Yn y mwyafrif o achosion gall hyn fod yn un neu ddau benwythnos y mis neu fwy os yw hi'n well genych chi. Gelwir y math hwn o faethu yn 'seibiant' a gall fod yn gymorth mawr i sawl teulu; i'w helpu i aros gyda'i gilydd.

Mae angen mwy o ofalwr ar gyfer plant a phobl ifanc dros 10 oed. Mae rhai o'r bobl ifanc hyn angen gofal seibiant, rhai gofal tymor byr a rhai gofal hir dymor. Os ydych yn teimlo y gallech gynnig cartref i blentyn hyn beth am roi galwad i ni i ganfod mwy. Neu, os oes gennych ffrindiau, teulu neu gydweithwyr a fyddai â diddordeb mewn gofalu am blant hyn beth am ddangos y pecyn gwybodaeth hwn iddynt a gofyn iddynt gysylltu â ni os ydynt am wybod mwy.