Mabwysiadu
Nid wyf yn gweithio - ydw i'n gallu mabwysiadu?
Gellwch. Nid oes raid i chi fod yn gweithio i fabwysiadu. Gellwch hefyd fabwysiadu os ydych yn gweithio rhan-amser, neu'n llawn amser. Fodd bynnag, mae'n bwysig eich bod yn gallu darparu'r amser a'r lle angenrheidiol i fodloni anghenion y plentyn.
yn ôl i'r brig | Yn
ôl i'r Mynegai Cwestiynau| yn ôl i Mabwysiadu
Rydw i'n rhentu'r ty yr ydw i'n byw ynddo - ydw i'n parhau i allu mabwysiadu?
Gellwch. Gellwch fabwysiadu os ydych yn byw mewn ty ar rent neu os ydych yn berchen ar eich cartref. Mae'n bwysig bod ystafell sbâr gennych at ddefnydd y plentyn.
yn ôl i'r brig | Yn
ôl i'r Mynegai Cwestiynau| yn ôl i Mabwysiadu
Rwyf dros 40 mlwydd oed - ydw i'n gallu mabwysiadu?
Gellwch. Nid oes cyfyngiadau ar yr oedran hynaf ond mae angen bod yn 21 oed o leiaf. Fodd bynnag, argymhellir na ddylai 45 mlynedd o wahaniaeth oedran fodoli rhwng oedran y plentyn ieuengaf a'r rhiant mabwysiol ieuengaf.
yn ôl i'r brig | Yn
ôl i'r Mynegai Cwestiynau| yn ôl i Mabwysiadu
Mae gen i anabledd - ydw i'n gallu mabwysiadu?
Gellwch. Fodd bynnag, gofynnir i bob ymgeisydd mabwysiadu gael archwiliad meddygol fel rhan o'r broses asesu. Mae hyn i sicrhau eich bod yn meddu ar y gallu corfforol i ofalu am blentyn. Os ydych yn anabl bydd eich Ymgynghorydd Meddygol yn cynnig argymhellion ynghylch eich addasrwydd i ofalu am blentyn.
yn ôl i'r brig | Yn
ôl i'r Mynegai Cwestiynau| yn ôl i Mabwysiadu
Nid wyf yn briod - ydw i'n gallu mabwysiadu?
Gellwch. Gall mabwysiadwyr fod yn bobl sengl neu'n barau priod. Ni all parau dibriod fabwysiadu gyda'i gilydd ar hyn o bryd. Fodd bynnag, gellwn dderbyn ceisiadau oddi wrth y rheini sydd mewn perthnasau sefydlog hirdymor, gan enwi un ohonynt fel y mabwysiadwr.
yn ôl i'r brig | Yn
ôl i'r Mynegai Cwestiynau| yn ôl i Mabwysiadu
Ydw i'n gallu mabwysiadu os oes gennyf gofnod troseddol?
Gellwch. Fodd bynnag, bydd hyn yn dibynnu ar y math o drosedd yr ydych yn euog ohono. Os ydych wedi troseddu yn erbyn plant neu bobl ifanc neu eich bod yn euog o droseddau treisgar ni fyddwch yn cael mabwysiadu plentyn. Rydym yn argymhell eich bod yn trafod unrhyw bryderon sydd gennych gyda'ch Gweithiwr Cymdeithasol sy'n gwneud yr asesiad ar y cyfle cynharaf posibl yn eich cais.
yn ôl i Mabwysiadu
|
Yn ôl i'r brig