|
Bwriad Cynllun Grantiau Bach SPORTLOT yw cefnogi
gweithgareddau a fydd yn cynyddu cyfranogiad a gwella safonau perfformiad
o fewn chwaraeon, yn enwedig ymhlith plant, merched, a grwpiau sydd dan
anfantais neu a eithrir.
Dylai ceisiadau am nawdd fod ar gyfer prosiectau sy’n creu cyfleoedd
newydd, ychwanegol neu well i gymryd rhan mewn chwaraeon. Bwriad y cynllun
yw cefnogi’r chwaraeon hynny sy’n dibynnu ar offer drud i
ddarparu’r cyfleuster sy’n angenrheidiol i gymryd rhan yn
y chwaraeon hynny.
Beth sy'n gymwys?
Ceisiadau i brynu eitemau o offer chwaraeon newydd neu ychwanegol sy’n
costio mwy na £750 a llai na £10,000. Diffiniad o offer chwaraeon
yw bod:-
-
yr offer yn cael ei ddefnyddio’n uniongyrchol i chwarae neu
hyfforddi ar gyfer chwaraeon;
-
yr offer hyd yn para pum mlynedd neu fwy;
-
yr offer yn symudol ac nad yw wedi ei osod yn barhaol.
Bydd Cyngor Chwaraeon Cymru yn ystyried noddi costau ariannol y datblygiad
chwaraeon hyd at uchafswm o £750 pan fo’r rhain â chysylltiad
annatod â’r prosiect offer. Dyma enghreifftiau o’r mathau
o gostau ariannol a allai fod yn gymwys:
-
addysg i hyfforddwyr;
-
eitemau bach o offer nad ydynt yn bersonol;
-
costau cychwyn clwb neu dîm newydd;
-
cyfleoedd cystadlu newydd;
-
darpariaeth hyfforddi newydd neu ychwanegol;
-
deunyddiau hyrwyddo.
Pwy sy'n gymwys?
Gall unrhyw sefydliad sy’n ddilys ac wedi’i sefydlu’n
gywir wneud cais.
Sut i wneud cais?
Cysylltwch â’ch Cyngor
Chwaraeon Cymru rhanbarthol i gael ffurflen gais a nodiadau cymorth.
Ffôn: 01244 822625 neu 01244 822600
Cyngor Chwaraeon Cymru
Canolfan Hamdden Glannau Dyfrdwy
Queensferry
Glannau Dyfrdwy
Sir y Fflint
|
English
Yn ôl i'r brig