Parc Sgrialu Symudol

Cafodd y parc sgrialu symudol ei gaffael mewn partneriaeth rhwng Cyngor Bwrdeistref Sirol Wrecsam, Cymunedau yn Gyntaf Plas Madoc a Phartneriaeth Gymunedol Dyffryn Dyfrdwy. Prif nod y swydd hon yw helpu i gynyddu'r ddarpariaeth chwaraeon ar olwynion yng nghymunedau de Wrecsam.

Gofynnwyd am y Parc Sgrialu gan bobl leol er mwyn darparu gweithgareddau hygyrch i bobl ifanc ar draws 5 o gymunedau yn ne Wrecsam. Mae'r rhain yn cynnwys Acrefair, Cefn Mawr, Plas Madoc, Rhiwabon a Chefnbychan. Caiff y cynllun ei ariannu ar hyn o bryd gan Ymddiriedolaeth Cathleen Davies, sy'n darparu cefnogaeth ariannol i brosiectau cymunedol yn yr ardal leol.

Nod y cynllun

Nod y cynllun yw hyrwyddo chwaraeon ar olwynion yn y cymunedau lleol o amgylch Plas Madoc.  Mae'r rhain yn cynnwys sgrialu, sglefrolio a beicio BMX.

Prif nod y parc sgrialu yw cynyddu ymglymiad hirdymor chwaraeon ar olwynion trwy gyfranogi, gwirfoddoli a hyfforddi.

Amcanion

• Cynyddu nifer y cyfranogwyr mewn chwaraeon ar olwynion.
• Cynyddu nifer y gwirfoddolwyr sy'n gysylltiedig â'r gymuned leol
• Cynnig cyfleoedd datblygiad personol i bobl ifanc megis cymwysterau a phrofiad o weithio gyda phlant.
• Darparu amgylchedd dysgu diogel ar gyfer cyfranogiad dan oruchwyliaeth gyda hyfforddiant a chyngor ar gael.

Grwpiau targed

Bydd y sesiynau'n targedu nifer o grwpiau gan gynnwys:

• Grwpiau ieuenctid yn y 5 cymuned
• Ysgolion, yn ystod amser cinio a chlybiau ar ôl ysgol.
• Clybiau sglefrolio lleol - cystadlaethau
• Pobl ifanc leol

Partneriaid

Ariannwyd y parc sgrialu'n rhannol gan Gyngor Chwaraeon Cymru. Rhannwyd y gweddill rhwng tri phartner lleol:

1. Cyngor Bwrdeistref Sirol Wrecsam
2. Cymunedau yn Gyntaf Plas Madoc
3. Partneriaeth Gymunedol Dyffryn Dyfrdwy

Gan fod y cyllid wedi'i rannu'n dri, rhaid i ddefnydd y parc gwmpasu holl ofynion y tri sefydliad partner yn ogystal â'r pum cymuned.  

Cydlynydd y Parc Sgrialu

Rôl Cydlynydd y Parc Sgrialu yw:

• Hwyluso defnydd y parc sgrialu rhwng y pum cymuned
• Recriwtio gwirfoddolwyr i gynnal sesiynau
• Cynorthwyo i osod a chludo'r parc
• Creu rhaglen addysg i hyfforddwyr a chynllun gwobrwyo ar gyfer cyfranogwyr

Sicrwydd Ansawdd

Mae'r holl staff sy'n gysylltiedig â'r cynllun yn hollol gymwys; maent wedi bod yn destun gwiriadau gan yr heddlu ac maent wedi cael hyfforddiant amddiffyn plant.

Bydd gofyn i wirfoddolwyr ymuno â Rhaglen Gwirfoddolwyr Datblygu Chwaraeon Wrecsam a chwblhau'r canlynol:

• Gwiriad gan y Swyddfa Cofnodion Troseddol
• Hyfforddiant cymorth cyntaf
• Hyfforddiant codi a symud â llaw

Bydd gofyn i hyfforddwyr gwblhau'r canlynol:

• Diogelu ac Amddiffyn Plant - Sports Coach UK
• Hyfforddiant asesu risg
• Hyfforddi plant a phobl ifanc mewn chwaraeon - Sports Coach UK

Gwybodaeth gyswllt

Cydlynydd y Parc Sgrialu
Tîm Datblygu Chwaraeon
Y Byd Dŵr
Tîm Datblygu Chwaraeon
Ffordd Holt
Wrecsam
LL13 8DH

Ffôn: 01978 297357
Ffacs: 01978 297351
Ebost: sportsdevelopment@wrexham.gov.uk