Iechyd

Nod

Nod y Swyddog Datblygu Iechyd y Galon Cymunedol yw datblygu mentrau iechyd o fewn ardal Wrecsam a darparu rhaglen ymarfer corff i bobl sydd wedi cael trawiad ar y galon.

Cefndir

Mae’r swydd Datblygu Iechyd y Galon Cymunedol yn fenter a gaiff ei ariannu ar y cyd rhwng Ymddiriedolaeth Ysbytai Gogledd Ddwyrain Cymru a Chyngor Bwrdeistref Sirol Wrecsam. Y ddau brif gynllun sy’n cael eu rhedeg gan y Swyddog Datblygu Iechyd y Galon Cymunedol yw’r Rhaglen Adfer y Galon a Dechrau o’r Newydd.

Adfer y Galon

Mae Adfer y Galon Cyfnod IV yn gynllun arall, sy’n darparu’r cyfle i gleifion o Adran Adfer y Galon Ysbyty Maelor Wrecsam barhau â’u cynllun ymarfer corff o dan amodau diogel.
Ceir gwybodaeth bellach ar weithgarwch corfforol a Chlefyd y Galon ar wefan Sefydliad y Galon Prydeinig.

Dechrau o'r Newydd

Mae Dechrau o’r Newydd yn gynllun ymarfer corff gan Gyngor Bwrdeistref Sirol Wrecsam ar gyfer y sawl sy’n cael eu cyfeirio ato. Mae’n darparu rhaglen o weithgareddau mewn canolfannau hamdden lleol. Mae’r cynllun yn caniatáu i ofalwyr iechyd proffesiynol nodi’r rhai hynny a fyddai’n elwa o fwy o weithgareddau corfforol a’u cyfeirio i gael ymarfer corff diogel ac effeithiol gan hyfforddwyr ymarfer corff sydd wedi eu hyfforddi.

Rhai cwestiynau a ofynnir yn aml..

Beth sy'n digwydd?

Bydd y gofalwr iechyd proffesiynol yn anfon manylion at hyfforddwr ymarfer corff mewn canolfan hamdden lleol, a byddant hwy wedyn yn cysylltu â chi i’ch gwahodd i ymarfer. Gallwch ddewis o amryw o weithgareddau, gan gynnwys:

• Dosbarthiadau ymarfer ocrff penodol
• Aquacise
• Y cynllun Cerdded Llwybr Iechyd
• Ymarfer corff o fewn y gym
• Nofio

Oes raid i mi fod yn heini?

Nac oes, gall ymarfer corff fod o fudd i bobl o bob oedran, ac amryw o lefelau ffitrwydd. Caiff eich rhaglen ymarfer corff chi ei haddasu yn ôl eich cyflymdra a’ch nod eich hun.

Pryd fydd raid i mi fynychu?

Mae amryw o sesiynau ar gael drwy gydol y dydd a chyda’r nos gan gynnwys penwythnosau ym mhob un o’n pump prif ganolfan, sef:

• Byd Dwr

• Canolfan Hamdden Plas Madoc

• Canolfan Chwaraeon Gwyn Evans

• Canolfan Hamdden Y Waun

• Queensway

Cynhelir rhai sesiynau penodol fel a ganlyn:

Adfer y Galon

Adfer y Galon a Dechrau o'r Newydd

Faint mae'n costio?

Ar gyfer Dechrau o’r Newydd ac Adfer y Galon, bydd deg sesiwn cyntaf eich rhaglen ymarfer corff yn costio £6.00 i chi, ac ar ôl hynny byddwch yn talu £1.50 y sesiwn. Caniateir i chi hefyd ddod â phartner gyda chi i’r sesiynau ymarfer corff am bris ‘partner’ gostyngol.

Beth yw manteision ymarfer corff tymor hir?

• Gwell lefelau egni drwy ffitrwydd/stamina uwch
• Mae’n helpu i gynnal cyhyrau cryf a chymalau ystwyth
• Cymdeithasu a gwneud ffrindiau
• Llai o berygl o ddioddef clefyd y galon a thrawiad
• Helpu i reoli pwysedd gwaed
• Rheoli pwysau
• Gwella siâp y corff/ffurf y cyhyrau
• Lleihau straen/poen meddwl
• Gwella hyder/hunan-barch
• Mwynhad a theimlad o gyflawniad
• Cynnal eich iechyd, drwy atal neu wella anhwylderau megis clefyd siwgr ac osteoporosis.

Mae’r Cynllun Dechrau o’r Newydd hefyd yn gysylltiedig â’r cynllun “Cerdded Llwybr Iechyd” a “Gym Gwyrdd” fel modd o wella lefelau ymarfer corff. Gellir dod o hyd i fwy o wybodaeth ar wefan Walking the Way to Health Initiative.

Gwaith estyn

Mae Cyngor Bwrdeistref Sirol Wrecsam hefyd yn ceisio ymestyn cyfleoedd i’r cymunedau lleol yn ogystal â mewn canolfannau hamdden. Un ardal o’r fath yw Brynteg, lle caiff sesiynau ymarfer corff eu cynnal yn rheolaidd yn y Ganolfan Coffa ar ddydd Llun o 9.30am-10.30am.

Pobl dros 50 mlwydd oed

Ydych chi dros 50?

Ydych chi am...

• gynnal neu wella eich cyflwr corfforol?
• leihau faint o nerth/ystwythder a gollir yn eich cyhyrau?
• wella eich cydbwysedd a’ch cyd-symudiad?
• wella cryfder eich esgyrn?
• wella eich cyflwr meddygol?

Erbyn hyn mae sesiynau ymarfer corff ar gael ym mhob un o ganolfannau hamdden Cyngor Bwrdeistref Sirol Wrecsam sy’n arbennig ar gyfer pobl dros 50 mlwydd oed.

Am fwy o wybodaeth am Ganolfannau Hamdden Cyngor Bwrdeistref Sirol Wrecsam >>

Swyddog Datblygu iechyd y Galon Cymunedol
Byd Dwr
Ffordd Holt
Wrecsam
LL13 8DH

Ffôn: 01978 297361
Ffacs: 01978 297351