 Chwarae
 Bydd y grant yn rhoi'r cyfle i blant chwarae a datblygu am gost isel iawn neu am ddim, gan roi blaenoriaeth i ardaloedd sydd dan anfantais.
Gall unrhyw sefydliad wneud cais cyn belled â'u bod o fewn Bwrdeistref Sirol Wrecsam. Prif bwrpas Chwarae 2004 yw cefnogi prosiectau da fydd yn creu darpariaethau chwarae newydd neu'n gwella'r rhai sy'n bodoli eisoes. Ni roddir blaenoriaeth i offer sefydlog. Y grant mwyaf sydd ar gael yw £5,000, fodd bynnag bernir ceisiadau yn ôl eu teilyngdod.
Pethau i'w hystyried wrth wneud cais
Mae ffurflenni cais ar gael yn y Gymraeg a'r Saesneg. Lluniwyd y ffurflen i fod mor syml â phosibl tra'n gwneud yn siwr fod gan y Panel Chwarae yr holl wybodaeth sydd ei angen arno i wneud penderfyniad ynghylch eich prosiect.
 |
Oedran: 5-15
|
|
Lleoliad: Er y targedir ardaloedd sydd â thlodi cydnabyddedig yn Wrecsam, nid yw hyn yn golygu y bydd ceisiadau eraill yn aflwyddiannus, ond efallai y rhoddir llai o flaenoriaeth iddynt.
|
|
Rhaid i brosiectau fod â mynediad agored: Gall darpariaeth mynediad agored fod y tu mewn neu yn yr awyr agored, dan oruchwyliaeth neu heb oruchwyliaeth. Nodwedd allweddol darpariaeth chwarae mynediad agored yw y gall y plant eu hunain ddewis os ydynt am fynd neu ddod, ac nid oes gan y rheini sy'n gyfrifol am y ddarpariaeth gytundeb â rhieni neu ofalwyr y plant i ddarparu gofal plant. Yn gyffredinol, dylai chwarae mynediad agored ddarparu profiadau cadarnhaol i blant a phobl ifanc.
|
|
Cynaladwyedd: Dylai ceisiadau anelu at gynhyrchu newid cynaliadwy ac annog dulliau newydd o weithio, e.e. hyfforddi a datblygu staff. Dylent hefyd ddangos bod cysylltiadau ar gyfer gweithgarwch parhaus, gan hybu ymwybyddiaeth o gyfleoedd y tu allan i'ch prosiect gan sicrhau y cânt eu hyrwyddo a'u ceisio'n weithredol.
|
|
Tlodi: Bodloni'r angen am welliannau i ddarpariaethau chwarae mynediad agored yng nghymunedau tlotaf Wrecsam. Bydd tystiolaeth ategol yn helpu eich cais.
|
|
Manteision cymunedol: Dylid ystyried adfywiad partneriaethol a chymunedol. Dylid amlygu'r manteision cymunedol megis lleihau ymddygiad gwrthgymdeithasol drwy gynnig gweithgareddau gwrthdyniadol.
|
|
Monitro a Gwerthuso: Mae'r broses o werthuso yn hanfodol o ran penderfynu ar lwyddiant y rhaglenni. Defnyddir amcanion i wirio bod nodau'r rhaglen wedi'u cyflawni. |
Sut caiff y targedau eu gwerthuso, h.y. beth sydd angen ei fesur, y niferoedd a oedd yn cymryd rhan, newid yn agwedd y cyfranogion ayb. Gellir defnyddio nifer o wahanol ddulliau o werthuso. Mae'n bwysig dangos sut caiff y targedau eu gwerthuso a'r dulliau a ddefnyddir i goladu'r wybodaeth.
 Ffurflen Gais am Nawdd Chwarae
Mae'r ddogfen ar gael ar y ffurfiau canlynol:
PDF  148kb | Word  714kb
Cyfarwyddyd ar Geisiadau am Nawdd Grant 2004
Mae'r ddogfen ar gael ar y ffurfiau canlynol:
PDF 138kb | Word 709kb
Ffurflen
Asesiad Peryglon
Mae'r ddogfen ar gael ar y ffurfiau canlynol:
PDF 74kb | Word 60kb
I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.
Gellir newid dogfennau Adobe Acrobat yn ôl i destun plaen trwy ddefnyddio'r Gwasanaeth Newid Abobe. |
|
I weld ac argraffu ffeiliau Microsoft Word, rhaid fod Microsoft Word wedi ei sefydlu ar eich cyfrifiadur neu gallwch ddadlwytho Meddalwedd Gwyliwr Microsoft Word: cliciwch y logo isod i ddadlwytho'r meddalwedd.
|
|
English
Yn ôl i'r brig