|
Eglwys Blwyf San Silyn
Swyddfa: Ty'r Coleg, 1Rhes y Deml, Wrecsam, LL13 8LY
Ffôn: 01978 355808 (9.00 a.m. - 11.00 a.m. dydd Llun i ddydd
Gwener)
Ffacs: 01978 313375
Hon yw un o'r esiamplau gorau o bensaernïaeth eglwysig i'w
chanfod yng Nghymru. Adeiladwyd prif ran yr eglwys ar ddiwedd
y 15fed a dechrau'r 16eg ganrif, gan bontio blynyddoedd olaf
y canoloesoedd a degawdau cyntaf yr oes fodern.
Mae'r adeilad hardd hwn yn arwydd gweledol iawn o ffydd y
Cristionogion dros nifer o ganrifoedd, ac fe'i cysegrwyd i
San Silyn, "nawdd sant y cripl, y cardotwyr a'r gofaint".
Trwy'r eglwys, ceir nifer o esiamplau o waith maen, cerfio
coed, cofebau ac arteffactau eglwysig manwl, yn ogystal â
rhai ffenestri gwydr lliw arwyddocaol.
Adeiladwyd y twr, mewn modd perpendiciwlar ac yn adnabyddus
fel un o "Saith Rhyfeddod Cymru" (ac fe ddywedir bod twr Ty'r
Cyffredin wedi cael ei fodelu arno), ac mae'n ymffrostio mewn
sain deg cloch a fwriwyd ym 1726-7 gan Abraham Rudhall o Gaerloyw,
un o fwrwyr clychau gorau ei ddydd. Heddiw, mae Wrecsam yn
un o nifer fechan o eglwysi sydd â chaniad llawn o glychau
Rudhall.
Yn ogystal â gwasanaethau arferol y Sul a chanol wythnos,
ceir nifer o briodasau, bedyddiadau a gwasanaethau ar gyfer
nifer o sefydliadau milwrol, yn enwedig y Ffiwsilwyr Brenhinol
Cymreig sydd â'u capel eu hunain o fewn yr eglwys. Mae'r
eglwys hefyd yn fan poblogaidd ar gyfer cyngherddau.
Bydd yr eglwys yn derbyn cannoedd o ymwelwyr bob blwyddyn,
ac mae nifer yn dod o'r UDA i weld bedd Elihu Yale yn y fynwent,
cymwynaswr Prifysgol Yale. Fel arfer, mae'r adeilad ar agor
rhwng 10.00 a.m. hyd 4.00 p.m. bob dydd yn ystod yr wythnos
rhwng y Pasg a Diolchgarwch a gellir trefnu ymwelidau ar amserau
eraill trwy apwyntiad.
Cysylltiadau
i On-line Tour Information | Cysylltiadau
i Mapiau
^ yn ôl i'r brig
|
Yn ôl i'r brig