Gwasanaethau A-Y

Canolfan Ymwelwyr Melin y Nant

P’un a ydych am ddarganfod hanes a bywyd gwyllt lleol neu fynd am dro ysgogol drwy goed ysblennydd a chefn gwlad, mae’r hen felin yd hon yn lle ardderchog i gerddwyr neu deuluoedd ymweld ag o.

Mae canolfan ymwelwyr Melin y Nant yn swatio mewn coetir hynafol hardd ar lan afon Clywedog. Lleolir Melin y Nant ar Lwybr Clywedog, sy’n ymestyn am 6.5 milltir drwy gefn gwlad godidog o Byllau Plwm y Mwynglawdd , drwy Goed Nant a Choed Plas Power, lle gellir gweld Clawdd Offa, heibio i Ganolfan Treftadaeth y Bers a’r Gweithfeydd Haearn, stad drawiadol Erddig ac ymlaen i Felin y Brenin yn Wrecsam.

I’r rheiny nad ydynt am fentro mor bell â hynny, ceir teithiau cerdded byr sy’n dechrau o’r ganolfan ymwelwyr a digonedd o weithgareddau i ddiddanu’r plant. Gallant gerdded drwy dwnnel anferth y twrch daear a dychmygu sut beth yw bod yn dwrch neu gallant ddefnyddio’r arddangosiad rhyngweithiol o drychfilod i chwarae a dysgu ar yr un pryd! Gallant weld y ffenestr ysgythrog newydd, y moch mawr pren yn yr hen dwlc mochyn a’r ‘Clwydi Cipolwg’ a ysbrydolwyd gan orffennol diwydiannol y dyffryn. Mae Gorseddau’r Adar yn y man picnic yn lle perffaith ar gyfer adrodd stôrïau a hefyd mae maes chwarae bach i blant a gardd i fyfyrio.

Os ydych yn hoffi gwylio bywyd gwyllt, beth am dreulio rhywfaint o amser yn y guddfan gwylio adar. Nid adar yn unig sy’n hoffi diddori ymwelwyr, ond gwiwerod a llygod coch hefyd!

Mae’n lleoliad delfrydol ar gyfer rasys hwyaid sy’n hawdd eu cynnal ac yn ffordd wych o godi arian ar gyfer eich elusen, ysgol neu dîm pêl-droed. Gellir llogi hwyaid, drwy drefniant ymlaen llaw, o’r ganolfan ymwelwyr a gallwch dreulio prynhawn yn cael hwyl yn yr afon ac yn codi arian yr un pryd!

Anfonwch eich lluniau atom!

Eirlysiau yng Nghoedwig Plas Power Ebostiwch eich hoff luniau digidol a dynnwyd ym Mharc Gwledig Melin y Nant a’r coedlannau cyfagos - rhoddir y goreuon ar y dudalen hon. Nodir eich enw wrth y lluniau. Ystyrir pobl, golygfeydd a bywyd gwyllt - pob math o ddelweddau, ar yr amod iddynt gael eu tynnu ym Melin y Nant neu’r cyffiniau. Cofiwch nodi pa bryd a pha le y tynnwyd eich lluniau; hefyd croesewir unrhyw fanylion eraill. Gweler ymwrthodiad. Anfonwch at rightsofway@wrexham.gov.uk

Oriel

Cyfeillion Melin y Nant

Mae Pwyllgor Cyfeillion Melin y Nant yn cyfarfod bob mis i drafod y parc a’r ffordd y caiff ei reoli.

Mae Cyfeillion Melin y Nant yn gobeithio cynrychioli trigolion lleol ac ymwelwyr o ardaloedd pellach. Maent yn trefnu ystod o gyfleoedd i wneud gwaith gwirfoddol amgylcheddol a fydd yn addas i bobl waeth beth fo’u hoedran, diddordebau a’u gallu.

Bydd y grŵp yn rhannu gwybodaeth ac ymgynghori’n rheolaidd gyda’i aelodau ac yn hyrwyddo ymwybyddiaeth am faterion amgylcheddol drwy ddigwyddiadau a gweithgareddau. Byddant yn cynorthwyo i ddatblygu’r cyfleusterau ym Melin y Nant, codi arian ar gyfer prosiectau datblygu a chyfleoedd i wirfoddoli.

Dylai unrhyw un sydd â diddordeb mewn ymaelodi â Chyfeillion Melin y Nant gysylltu’n uniongyrchol â’r parc ar 01978 752772 neu ebostio brena.john@wrexham.gov.uk.

Sut i gyrraedd yno

Dau gudyll coch oedd y prif atyniadau ym Melin y Nant am bythefnos yn nechrau mis Gorffennaf 2008 Lleolir Canolfan Ymwelwyr Melin y Nant dair milltir i’r gorllewin o Wrecsam ger pentref Coedpoeth. Ewch i gyfeiriad Rhuthun o’r A483. Arwydd ‘Melin y Nant’ yw’r troad cyntaf ar y chwith ym mhentref Coedpoeth. Fel arall gallwch ddilyn arwyddion am Johnstown/Rhosllanerchrugog o’r A483 ac yna arwyddion ‘Clywedog/Y Bers’. Trowch i’r chwith yn y Bers am Felin y Nant. Cynghorir bysiau i ddod i mewn i’r parc o’r Bers.

I deithio ar fws o Orsaf Fysiau Wrecsam: G. Edwards 9 neu 10 neu Arriva 10 neu 11.

Amseroedd agor

Mae’r parc ar agor drwy’r flwyddyn.

Mae’r ganolfan ymwelwyr ar agor:

Pasg i fis Medi bob dydd 10.30am - 4.30pm

Mis Hydref i’r Pasg, penwythnosau’n unig

Cyfleusterau

Maes parcio
Ardal bicnic
Siop yn gwerthu diodydd, byrbrydau, hufen iâ ac anrhegion
Grwpiau ysgolion drwy drefniant
Toiledau (ac i’r anabl)
Maes chwarae i’r plant

Manylion cyswllt

Canolfan Ymwelwyr Melin y Nant
Ffordd Rhos y Bers
Coedpoeth
Wrecsam
LL11 3BT

Ffôn: 01978 752772
Ebost: countryparks@wrexham.gov.uk

Oriel

I weld fersiwn fwy, cliciwch ar y llun neu'r testun

Ysgallen Fair ger y Ganolfa Ymwelwyr

Eirlysiau yng Nghoedwig Plas Power

Ffwng Bachog ger y maes parcio

Ffwng Bachog, Coedwig Plas Power

Coden Euraid gyffredin, Coedwig Plas Power

Ffwng, Coedwig Plas Power

Cored y Coed Mawr, Coedwig Plas Power

Dau gudyll coch oedd y prif atyniadau ym Melin y Nant am bythefnos yn nechrau mis Gorffennaf 2008

Cudyllod coch ifanc

Cudyll coch ifanc

Cored y Coed Mawr ar ôl glaw trwm ar 5 Medi 2008

Llun gan Mark Riley

Afon Clywedog rhwng Cored y Coed Mawr a'r Grisiau Rwsiaidd

Llun gan Bill Buck CPAGB

Afon Clywedog rhwng Melin y Nant a Chored y Coed Mawr

Llun gan Mark Riley

Eirlysiau yng Nghoed Plas Power 2

Llun gan Bill Buck CPAGB

Ymwadiad

Wrth gyfrannu at ein tudalennau gwe am ein Parciau, Parciau Gwledig, Hawliau Tramwy Cyhoeddus a Theithiau Cerdded byddwch yn cytuno i roi trwydded di-freindal, di-gyfyngedig i ni, i'n galluogi i gyhoeddi a defnyddio'r deunydd mewn unrhyw ffordd a thrwy unrhyw gyfrwng o'n dewis.

Mae'n bwysig nodi, fodd bynnag, y byddwch yn parhau i fod yn berchen ar hawlfraint popeth a gyfrannwch at dudalennau’r we. Golyga hyn bod rhwydd hynt i chi gymryd yr hyn yr ydych wedi'i lunio a'i ailgyhoeddi rhywle arall. Cofiwch, os derbynnir eich delwedd, y byddwn yn cyhoeddi eich enw gyda'r llun ar wefan www.wrecsam.gov.uk. Ni all Cyngor Bwrdeistref Sirol Wrecsam warantu y cyhoeddir pob llun ac rydym yn cadw'r hawl i olygu'ch sylwadau.

yn ôl i'r brig