|
20.05.05
Yn dilyn llwyddiant y digwyddiad y llynedd, mae Gwasanaeth Safonau Masnach Cyngor Bwrdeistref Sirol Wrecsam unwaith eto'n trefnu gwiriad pwysau carafannau cynghorol AM DDIM. Cynhelir y gwiriad hwn ar y bont bwyso yn y Swyddfa Safonay Masnach, Ffordd Rhuthun, Wrecsam (ar yr un safle â'r Orsaf Ambiwlans) ar y dyddiad canlynol:
Dydd Sadwrn 28 Mai 2005 9.00 am - 1.00 pm
Bydd y diwrnod ei hun yn rhoi pwyslais ar addysg yn hytrach na gorfodi'r gyfraith, gan roi cyngor ar ddiogelwch carafannau a phwysigrwydd dosbarthu pwysau a llwyth.
Gyda rhagolygon am dywydd braf yr haf hwn, a'r gwyliau ysgol ar ddod, bydd hyn yn gyfle delfrydol i garafanwyr lleol sicrhau bod eu carafannau, sydd efallai heb eu defnyddio am fisoedd lawer, yn ddiogel ar gyfer y daith o'u blaenau.
Am fwy o wybodaeth, cysylltwch â Dave Morris, Rob Crewe neu Kevin Jones ar 01978 296060.
|