Cyrsiau Hyfforddi Hylendid Bwyd

Mae'r adran diogelwch bwyd yn cynnig amrywiaeth o gyrsiau hyfforddi hylendid bwyd yn arwain at gymhwyster sy'n cael ei gydnabod ledled y wlad. Sefydliad Siartredig Iechyd yr Amgylchedd sy'n llunio ac yn hyrwyddo'r cyrsiau.

Pa gyrsiau sy'n cael eu cynnig?

Dyfarniadau CIEH Lefel 2 mewn Diogelwch Bwyd (Hylendid Bwyd Sylfaenol)

Gwybodaeth sylfaenol am hylendid bwyd i holl drinwyr bwyd

  • Dyfarniad Lefel 2 mewn Diogelwch Bwyd wrth Arlwyo

Rhaglen fras

Mae'r cymwysterau'n cwmpasu'r pynciau canlynol:

  • Deddfwriaeth
  • Peryglon i ddiogelwch bwyd
  • Rheoli tymheredd
  • Rheweiddio, oeri a dal bwyd oer
  • Coginio, dal bwyd poeth ac aildwymo
  • Trin bwyd
  • Egwyddorion cadw bwyd yn ddiogel
  • Glanhau
  • Eiddo ac adeiladau ac offer bwyd

Gwybodaeth am gymwysterau

Lluniwyd ar gyfer pawb sy'n gweithio ym myd arlwyo, gweithgynhyrchu neu adwerthu lle bydd bwyd yn cael ei baratoi, ei goginio a'i drin.
Hyd y cwrs: 2 wythnos (3 awr yr wythnos)
Dull asesu: Arholiad dewis lluosog

Dyfarniadau Lefel 3 CIEH (Newydd) mewn Diogelwch Bwyd (Hylendid Bwyd Canolradd)

I'r rhai'n gweithio yn holl fusnesau bwyd fel goruchwylwyr

  • Dyfarniad Lefel 3 mewn Goruchwylio Diogelwch Bwyd wrth Arlwyo

Rhaglen fras

Mae'r cymhwyster yn cwmpasu'r pynciau canlynol:

  • Deddfwriaeth
  • Rheoli goruchwyliol
  • Rheoli tymheredd (oeri, coginio)
  • Glanhau
  • Rheoli halogiad
  • Cymhwyso ac arolygu arferion hylendid da
  • Gweithredu trefnau da diogelu bwyd
  • Cyfrannu at hyfforddiant diogelwch pobl eraill

Hyd y cwrs: 10 wythnos (2 awr yr wythnos)
Dull asesu: Arholiad dewis lluosog

Dyfarniadau Lefel 4 CIEH mewn Diogelwch Bwyd (Hylendid Bwyd Uwch)

O berchenogion busnesau bwyd i hyfforddwyr, o reolwyr cynhyrchu i archwilwyr hylendid, mae'r cymwysterau penodol i sector hyn yn diwallu angen diwydiant am gymhwyster ymarferol safon uchel gydag achrediad allanol.

  • Dyfarniad Lefel 4 mewn Rheoli Diogelwch Bwyd wrth Arlwyo
  • Dyfarniad Lefel 4 mewn Rheoli Diogelwch Bwyd ar gyfer Gweithgynhyrchu

Rhaglen fras

Mae'r cymwysterau'n cwmpasu'r pynciau canlynol:

  • Bacterioleg
  • Afiechydon trwy fwyd
  • Halogiad corfforol bwyd
  • Cadw bwyd, rheoli tymheredd a chadwraeth
  • Dylunio ac adeiladu eiddo ac adeiladau ac offer bwyd
  • Glanhau a diheintio
  • Rheoli plâu
  • Hylendid personol
  • Strategaethau hyfforddi
  • Deddfwriaeth
  • Technegau rheoli ar gyfer rheolwyr

Gwybodaeth am gymwysterau

Lluniwyd ar gyfer: rheolwyr a goruchwylwyr a phersonél hylendid uwch.
Hyd y cwrs: 14 Wythnos (3 awr yr wythnos)
Dull asesu : 2 aseiniad ysgrifenedig ac arholiad

Darllen Rhaglen y Cyrsiau a Prisiau ar lein, a threfnu mynd ar gwrs

yn ôl i'r brig