Iechyd & Diogelwch yn y Gwaith

Mae'r dudalen hon yn rhoi gwybodaeth ar wasanaeth Iechyd a Diogelwch Cyngor Bwrdeistref Sirol Wrecsam, sy'n rhan o Adran Gwarchod y Cyhoedd.

Nod y gwasanaeth Iechyd a Diogelwch yw gwarchod iechyd a diogelwch a lles gweithwyr, a diogelu eraill, yn enwedig y cyhoedd, a all fod mewn perygl oherwydd gweithgareddau gwaith.

Iechyd a Diogelwch
Polisi Gorfodi Iechyd a Diogelwch
Cyngor ar Asbestos
Taflenni Cyngor Iechyd a Diogelwch
Gwybodaeth Gyswllt
Cysylltiadau Defnyddiol

Gweler hefyd Gwybodaeth Safonau Iechyd a Diogelwch wrth Weithio

Mae'r prif gyfrifoldeb am sicrhau iechyd a diogelwch yn y gweithle yn perthyn i'r sawl sy'n creu'r risg, ac mae angen i gyflogwyr, yn arbennig, wneud trefniadau addas a digonol i reoli iechyd a diogelwch.

Mae swyddogion yn yr adain yn gyfrifol am orfodi darpariaethau Deddf Iechyd a Diogelwch yn y Gwaith ac ati 1974 ym mhob eiddo lle mae gan y Cyngor gyfrifoldebau gorfodi. Mae'r eiddo yn cynnwys warysau a stordai, swyddfeydd a siopau, canolfannau garddio a chartrefi gofal preswyl. Mae rhestr lawn o'r eiddo a gaiff eu gorfodi gan yr Awdurdod Lleol i'w chael yn y Rheoliadau Iechyd a Diogelwch (Awdurdod Gorfodi) 1998.

Mae'r gweithgareddau a ymgymerir gan y swyddogion fel a ganlyn:-

Archwilio damweiniau a cheisio rhwystro ail-ddigwyddiad
Archwilio eiddo yn rheolaidd i sicrhau cydymffurfio gyda deddfwriaeth iechyd a diogelwch. Mae hyn yn digwydd dan system sy'n seiliedig ar flaenoriaeth. Mae amlder ymweliadau yn dibynnu ar fath a maint eiddo, y gwaith a ymgymerir a hanes iechyd a diogelwch yr eiddo.
Archwilio a datrys cwynion yn ymwneud ag amodau gweithle.
Hybu ymwybyddiaeth iechyd a diogelwch i gyflogwyr a gweithwyr trwy roddi gwybodaeth, cyngor a chwarae rhan mewn ymgyrchoedd cenedlaethol.
Cofrestru a thrwyddedu sefydliadau tyllu'r croen a thatwio.
Rhoi cyngor i fusnesau. Rydym yn ateb cwestiynau gan berchnogion busnes sydd angen gwybodaeth sylfaenol ar iechyd a diogelwch yn y gwaith. Yn aml, medrwn wneud hyn ar y ffôn a/neu anfon taflenni esboniadol.
Rhoi cyngor i weithwyr. Efallai y bydd angen i weithwyr sy'n dioddef problemau iechyd a diogelwch yn y gwaith neu sydd â phryderon neu gwestiynau, drafod eu sefyllfa gyda rhywun y tu allan i'r gwaith. Medrwn gynnig cyngor a/neu ddelio gyda'r ymholiad fel cwyn. Os yw Swyddog yn archwilio, ni ddatgelir enw'r achwynnydd.

yn ôl i'r brig

Taflenni Cyngor Iechyd a Diogelwch

Mae'r Taflenni Cyngor ar Iechyd a Diogelwch ar y wefan hon yn rhoi ystod eang o wybodaeth ar Iechyd a Diogelwch Busnes, sydd ar gael i'w darllen ar lein, neu eu llwytho i'ch cyfrifiadur ar ffurf Microsoft Word, Adobe Acrobat PDF neu destun plaen.

Cyswllt i'r Taflenni Cyngor Iechyd a Diogelwch