Swyddogion Gorfodi Amgylcheddol

Mae’r dudalen hon yn rhoi gwybodaeth am y Gwasanaethau Wardeiniaid Mwynderau.

Rôl y Swyddogion Gorfodi Amgylcheddol

Rôl y Swyddogion Gorfodi Amgylcheddol yw cyfyngu ar yr achosion o broblemau baw ci, sbwriel ac ymddygiad gwrthgymdeithasol yn y Fwrdeistref Sirol. Er mwyn llwyddo i gyflawni’r amcan hwn, mae’r wardeiniaid yn cwblhau amrywiaeth o weithgareddau gan gynnwys gwybodaeth, addysg cwn a gweithgareddau gorfodi.

Gwybodaeth

  • Arwyddion – gellir gosod nifer o arwyddion ‘DIM BAEDDU’ yn dibynnu ar natur y safle. Mae’r arwyddion hyn yn rhoi gwybod i berchnogion cwn am y cosbau ac maent yn helpu i atal y broblem yn y man a’r lle. Gellir darparu nifer gyfyng o arwyddion llai i unigolion neu sefydliadau sy’n cael eu heffeithio gan y broblem hon.

Llun o arwydd Dim Baeddu

  • Llenyddiaeth – Mae amrywiaeth o ddeunydd llawn gwybodaeth wedi ei argraffu y gellir ei ddarparu i unigolion, grwpiau neu sefydliadau sydd angen gymorth gyda’r broblem hon. Gellir hefyd darparu rhai posteri trawiadol. I wneud cais am wybodaeth bellach ewch i ‘sut i gysylltu â’r wardeiniaid’.
  • Cyfarfodydd Cymunedol – mae’r wardeiniaid ar gael i gyfarfod gyda grwpiau sy’n poeni am gwn yn baeddu a sbwriel yn y gymuned i drafod sut y gellir lleihau’r problemau hyn. Am fwy o wybodaeth, cysylltwch â’r wardeiniaid.
  • Llinell Gymorth – am fwy o wybodaeth neu i adrodd am ddigwyddiad i’r warden, ffoniwch y rhif canlynol: 01978 298989 neu adroddwch am broblem ar ein ffurflen ar-lein.
  • Cymorth ar y safle - Mae’r swyddogion yn fodlon darparu cyngor a chymorth pan fyddant ar eu patrol

Addysg

Llun o arwydd Perchnogion Cwn Cyfrifol

Cyflwyniadau i Ysgolion - Mae’r swyddogion ar gael i roi cyflwyniadau anffurfiol i blant ysgol am y materion sy’n ymwneud â baw ci a sbwriel. Anelir y cyflwyniadau hyn at amrywiaeth o wahanol oed o blant ysgolion cynradd a hŷn. Gellir hefyd darparu ystod o ddeunyddiau addysgol a syniadau am waith pellach.

Gweithgareddau Hyrwyddo - Gellir trefnu gweithgareddau megis teithiau casglu sbwriel i blant lleol fel cyfle i addysgu a rhoi gwybodaeth yn ogystal â mynd i’r afael ag ardaloedd sydd â sbwriel. Mae’r swyddogion yn awyddus i gydweithio gydag unrhyw grwpiau sy’n mynegi diddordeb i weithredu a lleihau’r problemau hyn.

Gweithgareddau Gorfodi

Tra bo codi ymwybyddiaeth, hyrwyddo ymagwedd gyfrifol tuag at ein hamgylchedd ac addysgu ein hieuenctid i gyd yn ffyrdd o leihau’r achosion o sbwriel a baw ci, bydd rhai sy’n gwrthod newid eu hymddygiad bob amser. Mae grymoedd gorfodi'r wardeiniaid yn eu galluogi i erlyn unigolion am adael sbwriel a baw ci. Gellir hefyd rhoi rhybuddion cosbau penodedig i droseddwyr sy’n cael eu dal yn gadael eu cŵn faeddu neu beidio â glanhau’r baw. Gosodir y cosbau hyn gan Lywodraeth Cynulliad Cymru ac ar hyn o bryd rhoddir cosbau o £75 am faw ci a gadael sbwriel fel rheol. Rhaid talu’r cosbau hyn o fewn 14 diwrnod o dderbyn y rhybudd i rwystro gosod camau pellach. Bydd gadael baw ci yn destun uchafswm cosb o £1000 a gall gadael sbwriel dderbyn cosb o hyd at £2500. Bydd y swyddogion yn mynd ar batrolau aml o ardaloedd yn y Fwrdeistref Sirol er mwyn dal troseddwyr.

Sut i gysylltu â’r Swyddogion

Os ydych yn rhoi gwybod am ddigwyddiad byddai o gymorth pe byddech yn nodi’r dyddiad, yr amser a lleoliad y digwyddiad yn ogystal â disgrifiad o’r troseddwr (os yn hysbys) ac unrhyw wybodaeth berthnasol arall megis, lliw, maint a brid y ci.

Gellir cysylltu รข Swyddogion Gorfodi Amgylcheddol yn Pencadlys Adran yr Amgylchedd, Ffordd Dde yr Abaty, Ystad Ddiwydiannol Wrecsam, LL13 9PW.

Y llinell ffôn ar gyfer ymholiadau ac adrodd am ddigwyddiadau yw (01978) 298989 neu gallwch adrodd am broblemau cwn ar-lein.

yn ôl i'r brig