Yr hyn a ddywedodd Estyn am Wasanaeth Ieuenctid Wrecsam

Rhannau o Adroddiad Arolwg Estyn am Wasanaeth Ieuenctid Wrecsam Chwefror 2003.

• Bydd llawer o bobl ifanc gyda gwahanol alluoedd o wahanol gefndiroedd yn dangos mwy o hunan barch ac aeddfedrwydd cynyddol yn eu perthnasau gydag oedolion a'u cyfoedion o ganlyniad i gymryd rhan mewn prosiectau arbennig a gweithgareddau traddodiadol y ganolfan ieuenctid.

• Mae pob un o'r bobl ifanc yn datblygu sgiliau defnyddiol, yn dysgu i wneud penderfyniadau a dylanwadu ar ddigwyddiadau yn eu cymunedau drwy gysylltiad â'u pedwar fforwm ieuenctid a fforwm ieuenctid Wrecsam.

• Daw grwp bychan o bobl ifanc yn fwy ymwybodol o ansawdd y ddarpariaeth drwy gymryd rhan weithredol ym mhroses hunanasesu'r gwasanaeth.

• Bydd llawer o bobl ifanc yn ennill achrediad ffurfiol am eu llwyddiannau drwy nifer o lwybrau sy'n cynnwys Gwobrau Llwyddiannau Ieuenctid ASDAN a Gwobr Dug Caeredin.

• Mae safon y gwaith ieuenctid yn dda yn gyffredinol ac yn dda iawn mewn gwaith prosiect arbenigol. Bydd gweithwyr ieuenctid yn cynnig cyfarwyddyd arbenigol a chefnogaeth, yn ymgynghori â phobl ifanc ac yn annog cyfranogiad.

• Mae pob un o'r gweithwyr ieuenctid yn datblygu perthnasau da â phobl ifanc ac yn eu hannog i ddatblygu parch a sensitifrwydd tuag at anghenion eraill.

• Bydd y fforwm ieuenctid sirol a'r fforymau lleol yn rhoi cyfleoedd i'r bobl ifanc sydd ynghlwm wrth hyn i drafod eu syniadau a chymryd rhan wrth ddod i benderfyniadau.

• Mae un flaengaredd arloesol y gwasanaeth yn cynnwys pobl ifanc lleol wrth benodi eu gweithwyr ieuenctid rhan-amser eu hunain.

• Mae rheolaeth yr hyfforddiant staff yn dda.

• Ceir darpariaeth dda o wasanaethau gwybodaeth. Mae gan y prosiectau arbenigol drefniadau effeithiol iawn ar gyfer rhoi cyfarwyddyd a chyngor i bobl ifanc.

• Mae'r presenoldeb yn y ddwy ganolfan ieuenctid a'r ddarpariaeth a dargedwyd yn dda, ac adlewyrchir y cydraddoldeb cyfle yn arferion gweithio'r gwasanaeth o ddydd i ddydd.

• Ceir sawl enghraifft o bobl ifanc yn cymryd rôl weithredol yn eu cymunedau gyda chanlyniadau ymarferol a phendant. Mae'r enghreifftiau hyn wedi helpu i newid ymagweddau pobl ifanc a'r gymuned ehangach ac wedi hyrwyddo delweddau cadarnhaol o bobl ifanc yn Wrecsam.