Gwasanaeth Gwaith Cymdeithasol Addysg

Datganiad Polisi

Mae gan bob plentyn sy’n byw ym Mwrdeistref Sirol Wrecsam hawl i gael budd o’r cyfleoedd addysg a ddarperir gan y Fwrdeistref er mwyn iddynt gyrraedd eu llawn botensial.  I wneud hyn, bydd y Gwasanaeth Gwaith Cymdeithasol Addysg yn darparu gwaith cymdeithasol proffesiynol ac o ansawdd i bobl ifanc, teuluoedd ac ysgolion.

Cred y Gwasanaeth fod plant a phobl ifanc yn unigolion ac â’r hawl i gyfle cyfartal, beth bynnag fo’u gallu, hil, diwylliant, crefydd, rhyw, cyfeiriad rhywiol neu gefndir cymdeithasol.

Mae’r Gwasanaeth yn cydnabod bod angen gwahaniaethu cadarnhaol ar bobl ifanc ag anghenion addysgol arbennig (AAA) a theuluoedd sy’n gymdeithasol amddifadus, ar adegau.

Mae gan y Gwasanaeth ddyletswydd i weithio ar y cyd ag asiantaethau eraill i gefnogi pobl ifanc gan bwysleisio’n benodol ar faterion diogelu plant.  Mae’n ymroddedig i weithio o fewn canllawiau’r ddogfen Fframwaith Asesu Plant mewn Angen.

Cynigiwn wasanaeth sy’n gweithredu o fewn y fframwaith cyfreithiol a’r polisïau a fabwysiadwyd gan CBSW er mwyn darparu addysg gynhwysol sy’n ystyried lles a diogelwch plant.