Dechrau'n Deg

Beth yw Dechrau’n Deg?

Mae Dechrau’n Deg yn fenter newydd i blant o 0 hyd at eu 4ydd pen-blwydd, a’u rhieni neu ofalwyr. Mae’n grant penodol i Awdurdodau Lleol a ariannwyd gan Lywodraeth Cynulliad Cymru hyd at 2010/11. Bydd Dechrau’n Deg yn digwydd ar hyd a lled llawer o ardaloedd yng Nghymru gan gynnwys rhannau dynodedig o Wrecsam.

Beth mae Dechrau’n Deg yn ei ddarparu?

Mae Dechrau’n Deg yn darparu nifer o wasanaethau am ddim i deuluoedd cymwys:

• Gofal Plant
• Ymweliadau Iechyd
• Rhianta
• Sgiliau Sylfaenol

Ymweliadau Iechyd amlach – golyga hyn fwy o gefnogaeth a chyswllt oddi wrth eich Ymwelydd Iechyd Dechrau’n Deg.  Mae tîm o weithwyr iechyd proffesiynol sydd hefyd yn atgyfnerthu’r gwaith hwn yn cynnwys Therapydd Lleferydd, bydwraig a gweithwyr cefnogi teulu.

Rhai sesiynau gofal plant am ddim i blant 2 i 3 blwydd oed  – golyga hyn y gall plant sy’n gymwys fynd i uned ofal plant Dechrau’n Deg am 2.5 awr y diwrnod, 5 diwrnod yr wythnos am 42 wythnos y flwyddyn.  Mae pob sesiwn yn hwyliog, am ddim ac mae 2 o ganolfannau cyfrwng Gymraeg ar gael.

Pan mae’r plant yn y tymor ar ôl eu 3ydd pen-blwydd gallant fynd i leoliad Addysg Gynnar am ddim.

Mynediad at gyrsiau rhianta a chyfleoedd  - golyga hyn y bydd nifer o gyrsiau am ddim ar gael i rieni cymwys i’w cefnogi yn eu rôl fel rhieni.  Maent yn hwyliog a gellir eu cyflwyno mewn grŵp neu un i un o fewn y cartref.  Un o’r prif gyrsiau sydd ar gael yw’r rhaglen Y Blynyddoedd Rhyfeddol.  Mae hwn yn gwrs 12 wythnos sy’n rhoi’r sgiliau i rieni i ddelio ag unrhyw ymddygiad heriol y gall eu plant arddangos.

Sgiliau Sylfaenol - Mae’r elfen hon ynglŷn â chefnogaeth i rieni i ddatblygu sgiliau sylfaenol eu plant. Mae Iaith a Chwarae a Rhif a Chwarae yn ddau gwrs byr lle caiff rhieni a phlant hwyl ynghyd â staff o’r tîm Iaith a Chwarae.  Gellir cyflwyno’r ddau gwrs yma hefyd yn y cartref.

Sut y gwn i os rwy’n gymwys?

Mae pob teulu cymwys wedi derbyn llythyr a thaflen yn rhoi gwybod iddynt os ydynt yn gymwys.  Byddant hefyd wedi derbyn ymweliadau oddi wrth eu Hymwelydd Iechyd Dechrau’n Deg a fydd wedi egluro mwy iddynt am Dechrau’n Deg.

Gyda phwy allaf gysylltu i gael gwybod mwy?

Gallwch ffonio Swyddog Datblygu Dechrau’n Deg ar 01978-317678 neu Dîm Iechyd Dechrau’n Deg ar 01978 265395 neu 823716.