Mae'r dudalen hon yn ddatganiad i'r wasg a gyhoeddir gan Gyngor Bwrdeistref Sirol Wrecsam.
Awdur y Cynnwys: pressoffice@wrexham.gov.uk
17 Mehefin 2008
Arddangosfa yn Llyfrgell Wrecsam ar Ffoaduriaid a Cheiswyr Lloches
Cynhelir arddangosfa yn Llyfrgell Wrecsam yr wythnos hon i nodi Wythnos Ffoaduriaid. Ynddi, mae’r ffotograffydd o Wrecsam, Chris Ryder, yn tanseilio sawl myth am ffoaduriaid a cheiswyr lloches ac mae paneli megis Ffaith neu Ffug yn disgrifio’r prosesau a’r cyfyngiadau y mae ceiswyr lloches yn eu hwynebu. Ydyn nhw’n neidio’r ciw tai? Sut gallan nhw fforddio ffonau symudol a siacedi lledr neis? Mae’r arddangosfa’n rhoi eglurhad.
Mae Chris Ryder, sy’n dod o Wrecsam, wedi teithio’r byd fel ffotograffydd ac mae o wedi ymweld ag Afghanistan, Bosnia a nifer o wledydd Affrica ar brosiectau’n gysylltiedig â gwrthdaro a newyn. Mae ei ffotograffau yn yr arddangosfa’n dangos nifer o gesys dillad a’u harwyddocâd ydy nad yw ffoaduriaid a cheiswyr lloches yn cael cymryd mwy na dau gês neu fag yr un i lety’r Swyddfa Gartref.
Bydd yr arddangosfa yn Llyfrgell Wrecsam tan ddydd Sadwrn, 21ain Mehefin.
|
English
Yn ôl i'r brig